1 Samwelĩ 3:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Neryo mwabũga ati, Nĩ kĩnywa kyahi alĩabũga nawe kwehĩ? Kĩsĩ-kĩsĩ, sũmbĩsekyo. Nyamuhanga akukolere atya na kwilaba aho, wamanyĩbĩsa kindu oko myatsi yosĩ aliakubwira.

1 Samwelĩ 3:17 Iomraidhean Croise

2 Samwelĩ 14:18

Neryo omwami mwasũbĩrya, mwabwira omũkalĩ oyo ati, Ngakusaba, sũnyĩbĩse ekĩnywakĩ ngandĩkũbũlya. Nʼomũkalĩ mwabũga ati, Na lino kĩsĩ-kĩsĩ mukama wage mwami abũge.

2 Samwelĩ 19:13

Kandi mubwire Amasa, muti, Suli ĩkũha lyage nʼomũnyokũ wage kwehĩ? Nyamuhanga anyikole atya, na kwilaba aho, nga siwendibya mukulu wʼomulondo embere syage ebiro byosĩ omo mwanya wa Yoabũ.

2 Samwelĩ 3:35

Neryo abandu bosĩ mobasa erihatikana Dawĩdĩ erirya kalyo; nĩkwa Dawĩdĩ mwalahĩrya, ati, Nyamuhanga anyikolere atya na kwilaba aho, namagerya akalyo, kutse kindi kindu kyosĩ, erĩhĩka okwʼirenga lyʼeryuba.

2 Samwelĩ 3:9

Nyamuhanga akolere Abenerĩ, yʼatya na kwilaba aho, namatendimukolera nyitya, ngoko Mwami Mukulu abĩrĩlahĩrĩrya Dawĩdĩ;

1 Abami 22:16

Neryo omwami mwamubwira ati, Ko ngendo singahi nasyakũlahĩrĩrya nyiti, sumbwire nʼekyike ekite kya kwenene omo lĩna lyʼOmwami Mukulu kwehĩ?

2 Abami 6:31

Neryo mwabũga ati, Nyamuhanga sĩanzĩge, omutwe wa Elĩsa mugala wa Safatĩ amamũsĩgalako mũnabwĩre.

Esyonyimbo 141:5

Omundu mubuya amanyĩswĩrya, kyasyabya kibuya; Amanyikunga, lyasyabya ngʼamagũta busana nʼomutwe wage; Sindiendiganalyo; Nĩkwa nasyasaba busana nʼemĩbĩrĩ yiwe mibi.

Yeremĩa 38:14

Neryo omwami Zedekĩa mwatumira oko mũmĩnyererĩ Yeremĩa amũhĩkeko omo lũkyo lwʼakasatu lwʼenyũmba yʼOmwami Mukulu. Kandi omwami mwabwira Yeremĩa ati, Ngasonda erĩkũbũlya omwatsi. Sũnyĩbĩse ekĩnywa nʼekiguma.

Yeremĩa 42:4

Neryo omũmĩnyererĩ Yeremĩa mwabwirabo ati, Namabĩbowa. Lebaya, nasyasaba Omwami Mukulu, Nyamuhanga wenyũ ngʼebĩnywa byenyũ. Neryo ekĩnywa kyahi Omwami Mukulu asyasũbĩrya, nasyababwirakyo sĩndĩendĩsyababĩsa ekĩnywa nʼekiguma.

Danĩelĩ 4:19

Neryo Danĩelĩ, oyukahulawa mo Beltesaza, mwabumbubana akatambĩ, nʼamalengekanĩa wuwe mwamũswekya. Nʼomwami mwasũbĩrya ati, Beltesaza, Suleke erilota erĩ nʼeribikulalyo lĩkakũswekya. Beltesaza mwamũsũbĩrya ati, Omukama wage, erilota erĩ ni ryʼabakakũkwa obusu, nʼeribikula lyalyo libye oko syonzĩgũ syawe.

Mĩka 2:7

Uwe kĩtũnga kya Yakobo, kyasyabũgwa kiti, Omũlĩmũ wʼOmwami Mukulu abiriluha kwehĩ? Eyĩ nĩ mĩbĩrĩ yiwe kwehĩ? Ebĩnywa byage sibyeyira obubuya oko yukalendera omo litunganene kwehĩ?

Emiganzo 23:17

Neryo Balama mwahĩka eyiri Balaka, neryo inianimene hakũhĩ nʼobuhere buwe bwʼerĩokererya, nʼabakulu bʼeMoabũ haguma naye. Neryo Balaka mwabũga naye ati, Omwami Mukulu amabũga atĩkĩ kwehĩ?

Matayo 26:63

Nĩkwa Yesu mwabya bũkũtũ. Neryo omukulu wʼabahererĩ bosĩ mwabwira Yesu ati, Ngakusema busana na Nyamuhanga oyuliho, utubwire wamabya uli Kristo, Mugala wa Nyamuhanga.

Rũta 1:17

Aho wasyaholera, nage nasyaholeraho, nʼaho nasyatabwa. Omwami Mukulu angole atya na kwilaba aho; oluholo lusa lo lwasyatugaba tunawe.

1 Samwelĩ 14:44

Na Saũlo mwabũga ati, Nyamuhanga anyikole atya, na kwilaba aho kusangwa kwenene wasyahola Yonatana.

1 Samwelĩ 20:13

Omwami Mukulu akole Yonatana atya na kwilaba aho nibya, tata wage amanza erikukola nabi, namatendĩkũkũmbũlĩrakyo, nʼerĩkũkwamanĩsya, iwatoka erigenda buholo; kandi Omwami Mukulu abye nawe, ngoko abiribya na tata wage.

1 Samwelĩ 25:22

Nyamuhanga akolere esyonzĩgũ sya Dawĩdĩ, na kwilaba aho nibya, nga nasyatasĩga omwana wʼobulume nʼomuguma oko bosĩ buwe erĩhĩka omo ngyakya bukakya.

1 Samwelĩ 3:16

Neryo Elĩ mwabirikira Samwelĩ, mwabũga ati, Samwelĩ, mugala wage. Naye mwabũga ati, Nandi hano.