1 Samwelĩ 3:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Oko kiro ekyo, nasyakolera Elĩ yʼebyosĩ ebyo nabũga busana nʼekĩtũnga kiwe, eritandika oko nzũko erĩhĩka oko ndũlĩ.

1 Samwelĩ 3:12 Iomraidhean Croise

Ezekĩelĩ 21:5

Litya abandu bosĩ basyaminya kwʼindi nĩ ngye Mwami Mukulu, nabirikula omũyalĩ wage omo lubo lwago. Siendisyaswasuba omo lubo lwago kandi.

Zekarĩa 1:6

Nĩkwa ebĩnywa byage nʼemigambo yage, eyo nalayira abagombe bage abamĩnyererĩ, mobĩtahĩka oko abotatakulu wenyũ kwehĩ? Neryo mobabinduka erireka ebibi bati, Ngoko Mwami Mukulu Wʼemilondo aganĩraya eritukola, ngʼesyonzira syetu ko siri, kandi ngʼemĩbĩrĩ yetu ko yiri, abiritukolera atya.

Emiganzo 23:19

Nyamuhanga si mundu, uti angabiha, Kutse mugala wʼomundu, uti angayibindukako; Amabũga, isiendisyakolakyo kwehĩ? Kutse amabĩgũga, ĩsĩendĩsyaberereryakyo kwehĩ?

Luka 21:33

Ekyanya nʼekihugo byasyahwaho, nĩkwa ebĩnywa byage sibyendisyahwaho.

Yosũa 23:15

Neryo ngoko ebĩnywa byosĩ byowene byabĩrĩbahĩkako ebyo Mwami Mukulu Nyamuhanga wenyũ ababwira, litya Omwami Mukulu asyabakolera emyatsi yosĩ yʼerĩũbahya, erĩhĩka aho asyabahererya erĩlũa omo kihugo kibuya ekĩ ekyo Mwami Mukulu Nyamuhanga wenyũ abiribaha.

Abatswerĩ 4:24

Nʼebyala byʼabana ba Ĩsraelĩ mobyakanya omo maka erĩkĩnda Yabĩnĩ omwami wʼeKanana, erĩhĩka okwʼĩherya Yabĩnĩ omwami wʼeKanana.

1 Samwelĩ 4:11

Nʼerĩsandũko lya Nyamuhanga molyanyegwa; nʼabagala babiri ba Elĩ, ye Hofũnĩ na Fĩnehasĩ, mobahola.

1 Samwelĩ 4:17

Nʼoyo waleta engulu eyo mwasũbya ati, Abaĩsraelĩ babirisaga Abafĩlĩstĩnĩ, kandi habiribya erĩkwa ĩnene omo katĩkatĩ kʼabandu, nʼabagala bawe babiri nibya, ye Hofũnĩ na Fĩnehasĩ, baholĩre, nʼerĩsandũko lya Nyamuhanga lyabirinyegwa.

1 Samwelĩ 4:21

Kandi mwaluka omwana mo Ĩkabodĩ, kiti, Olukengerwa lwabĩrĩlũa omo Ĩsraelĩ; kusangwa erĩsandũko lya Nyamuhanga lyabirinyegwa, na busana nʼĩse-byala wuwe nʼĩba wuwe.

1 Samwelĩ 4:22

Neryo mwabũga ati, Olukengerwa lwabĩrĩlũa omo Ĩsraelĩ; kusangwa erĩsandũko lya Nyamuhanga lyabirinyegwa.