1 Samwelĩ 29:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo abasondolĩ bʼAbafĩlĩstĩnĩ mobabũga bati, Abaebrania aba bakakola hano hokĩ kwehĩ? Na Akĩsĩ mwabwira abasondolĩ bʼAbafĩlĩstĩnĩ ati, Oyũ sĩ Dawĩdĩ, omugombe wa Saũlo omwami wa Ĩsraelĩ, oyo wabiribya haguma nage oko biro ebĩ, kutse emyaka eyĩ kwehĩ? Nage sinditabana oluhabo umwʼiye erĩtsũka ekiro ambĩkako nʼerĩhĩka mũnabwĩre.

1 Samwelĩ 29:3 Iomraidhean Croise

Enzũko 14:13

Neryo omuguma oyo wabala mwasa, mwabwira Abramu Omuebrania. Nĩkwa abya ĩkere hakũhĩ nʼemiti yʼeMamũre, Omunya Amore, mugala wabo Eskorĩ, kandi ni mugala wabo Anerĩ. Aba babya basakene na Abramu.

1 Emyatsi yʼEmigulu 12:19

Nʼabandi bʼuku Manase mobasuba oko luhande lwa Dawĩdĩ, omugulu asa haguma nʼAbafĩlĩstĩnĩ erilwa na Saũlo; nĩkwa mobatawatĩkyabo; kusangwa abakama bʼAbafĩlĩstĩnĩ ibamabihanwa mobamuhiga bati, akandisyasuba oko mukama wuwe Saũlo nʼerĩĩtĩsya emitwe yetu.

1 Emyatsi yʼEmigulu 12:20

Nʼomugulu aya eZĩklagĩ, Abamanase mobamweyaho; ye Adĩna, na Yozabadĩ, na Yedĩelĩ, na Mĩkaelĩ, na Yozabadĩ, na Elĩhũ, na Zĩletaĩ, abasondolĩ bʼamaelfu ababya ba Manase.

Danĩelĩ 6:5

Neryo abandu abo mobabũga bati, Sitwendisyabana mwatsi wʼeritsongera Danĩelĩ oyũ, lite eribanago omo bihano bya Nyamuhanga wuwe.

Yoane 19:6

Neryo omugulu abahererĩ bakulu nʼabateya balola uku Yesu mobabirikira bati, Abambawe oko musalaba! Abambawe oko musalaba! Neryo Pilato mwabwirabo ati, Mũmwĩmaye ĩmwebene, mumubambe oko musalaba, Ĩngye sinditamubana ko musango.

AbanyaRoma 12:17

Omundu amakukolera ekibi, sumulihe ekibi. Mũganĩraye ekitunganene omo meso wʼabandu bosĩ.

1 Petero 3:16

Nĩkwa mũmũsũbĩraye bolo-bolo, nʼerimukenga. Kandi mubye nʼobunya-mutima bowene, neryo omugulu bakabanegulira, nʼeritsuma emigendere yenyũ yʼobu Kristo, bĩtawe esĩsonĩ.

1 Samwelĩ 14:11

Nʼababiri abo mobayĩkanganĩa oko bateya bʼAbafĩlĩstĩnĩ; nʼAbafĩlĩstĩnĩ mobabũga bati, Lebaya Abaebrania bamalũa omo byũna aho bayĩbĩsa.

1 Samwelĩ 25:28

Kĩsĩ-kĩsĩ ubuyire erĩlolo lyʼomugombe wawe wʼobũkalĩ; kusangwa Omwami Mukulu kwenene asyahĩmbĩra omukama wage enyũmba ĩsĩkĩre, kusangwa omukama wage akalwa malwa wʼOmwami Mukulu; kandi erĩlolo siryendisyabanika umʼuwe ebiro byawe byosĩ.

1 Samwelĩ 27:1

Neryo Dawĩdĩ mwabũga omo mutima wuwe ati, Ekiro kiguma nasyakwĩra omo byala bya Saũlo; ekibuya kwilaba busana nage niʼsagira omo kihugo kyʼAbafĩlĩstĩnĩ; neryo Saũlo asyaluha, eriswanyisonda-sondera omo kihugo kyosĩ kya Ĩsraelĩ; nage nasyabala nyitya ebyala biwe.

1 Samwelĩ 27:7

Nʼemiganzo yʼebiro ebyo Dawĩdĩ ĩkala omo kihugo kyʼAbafĩlĩstĩnĩ ni mwaka muguma gosĩ nʼemikera ĩnĩ.

1 Samwelĩ 29:6

Neryo Akĩsĩ mwabirikira Dawĩdĩ mwamubwira ati, Ngoko Mwami Mukulu aliho, Wabiribya oyutunganene, kandi erihuluka lyawe nʼeriswingira lyawe haguma nage omo mulondo wʼamalwa nĩ byʼerĩsĩmwa omo meso wage; kusangwa sinditabana obubi umʼuwe erĩtsũka ekiro wambĩkako nʼerĩhĩka mũnabwĩre. Nĩkwa abakama sibetakũsĩma omo meso wabo.

1 Samwelĩ 4:6

Nʼomugulu Abafĩlĩstĩnĩ bowa omulenge wʼolukanda, mobabũga bati, Olukanda nʼobogo bunene obũ omo kilaliriro kyʼAbaebrania nĩ bwakĩ kwehĩ? Neryo mobaminya ngoko erĩsandũko lyʼOmwami Mukulu lyamahĩka omo kilaliriro.