1 Samwelĩ 28:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Nʼomugulu Saũlo abũlaya Omwami Mukulu, Omwami Mukulu mwatamũsũbĩrya, kutse nʼomo nzolĩ, kutse omo Ũrĩmũ, kutse nʼomo bamĩnyererĩ.

1 Samwelĩ 28:6 Iomraidhean Croise

2 Samwelĩ 22:42

Mobakeba-keba, nĩkwa sihali wangalamyabo; Mobasamalira oko Mwami Mukulu, nĩkwa mwatasũbĩryabo.

Esyonyimbo 74:9

Ebiminyikalo byetu bibũyĩrĩre byabirigenda; Isihakiri abamĩnyererĩ, Kandi Sĩtwasĩ nga byasyabya bitya erĩhĩka mugulu wahi.

Erĩlũayo 28:20

nʼomulala wʼakani ni aberũlĩ, na ũnĩkĩ, na yasĩpĩre; asyasoswa omo syamagetsi nʼerilukwa, musyo.

Erĩlũayo 28:30

Kandi Wasyahĩra omo kyuma kyʼekĩkũba kyʼeritswera Ũrĩmũ na Tũmĩmũ; nabyo byasyabya oko mutima wa Harũnĩ, omugulu akingira embere syʼOmwami Mukulu; na Harũnĩ asyaheka eritswera lyʼabana ba Ĩsraelĩ oko mutima wuwe embere syʼOmwami Mukulu ebiro byosĩ.

Emĩsyo 27:1

Suyipipe busana nʼomungya; Kusangwa Sĩwasĩ ebyo ekiro kyangahũlũkya.

Yeremĩa 23:28

Omũmĩnyererĩ oyuwite erilota abũge erilota liwe, nĩkwa oyuwite ekĩnywa kyage, abũge ekĩnywa kyage omo kwenene. Omwami Mukulu ati, Embuba ĩlabĩre engano yʼũkũkĩ kwehĩ?

Ekiriro 2:9

Esyongyo syamatsikira omo kitaka, Abĩrĩherya nʼeritulanga emĩkangyĩ yako. Omwami wako nʼabanya-mwami bako bali omo katĩkatĩ kʼebihanda. Emigambo siyikiri. Kandi abamĩnyererĩ bako sibebana erilota lĩkalũa oko Mwami Mukulu.

Yoelĩ 2:28

Neryo enyũma wʼaho, nasyũtũlĩra Omũlĩmũ wage oko bandu bosĩ; abagala benyũ nʼabali benyũ basyaminyerera, nʼabasyakulu benyũ basyalota esyonzolĩ, nʼabalwana benyũ basyalola oko syonzolĩ.

Abalawĩ 8:8

Kandi mwamũhĩra kwʼekyuma kyʼekĩkũba; nʼomo kyuma kyʼekĩkũba mwahĩramo Ũrĩmũ na Thũmĩmũ.

Mĩka 3:7

Abahanĩ basyahemulwa, nʼabalagũlĩ basyakwa esĩsonĩ; ega, abosĩ basyaswika obuno bwabo; kusangwa Nyamuhanga sĩalĩsũbĩrayabo.

Emiganzo 12:6

Neryo mwabũga ati, Lino muhulikirire ebĩnywa byage; hamabya omũmĩnyererĩ omo katĩkatĩ kenyũ, Ĩngye Mwami Mukulu nasyayĩmĩnyĩkalya kwiye omo nzolĩ, nasyabũga naye omwʼilota.

Emiganzo 27:21

Kandi, asyahangana embere syʼomũhererĩ Eleazarĩ, oyo wasyamũbũlĩrya omwʼitswera lya Ũrĩmũ embere syʼOmwami Mukulu. Omo kihano kiwe basyahuluka, nʼoko kihano kiwe basyingira, iye, nʼabagala ba Ĩsraelĩ, ye ndeko yosĩ.

Matayo 1:20

Nĩkwa omugulu Yosefũ abya akaganĩrya omwatsi oyũ, lebaya, omũlaĩka wʼomukama mwamubutukira omo nzolĩ mwamubwira ati, Uwe Yosefũ, mugala wa Dawĩdĩ, Sigubahe erĩherũkya Marĩa mo mũkalĩ wawe, kusangwa obukule buwe ni bwʼOmũlĩmũ Abũyĩrĩre.

Yoane 9:31

Tũnasĩ Nyamuhanga sĩalĩowa abakola-nabi; nĩkwa omundu amabya akakenga Nyamuhanga, nʼerikola ebyo anzĩre, Nyamuhanga akamowa.

Eryibuka Ebihano 33:8

Na busana na Lawĩ mwabũga ati, Tũmĩmũ yawe na Ũrĩmũ yawe bibye nʼomundu wawe oyukakenga Nyamuhanga, Oyo walengako eMasa, Oyo wanegena naye oko magetsi wʼeMerĩba;

Yakobo 4:3

Mũkabũlaya neryo simwebanabyo, kusangwa mũkabũlaya nabi, muti mũkakolesayabyo omo syongumbu syenyũ.

1 Samwelĩ 14:37

Neryo Saũlo mwabũlya Nyamuhanga, ati, Nyandagale erikwama Abafĩlĩstĩnĩ kwehĩ? Ũnemwendĩhĩrabo omo byala byʼAbaĩsraelĩ kwehĩ? Nĩkwa mwatamũsũbĩrya oko kiro ekyo.

1 Samwelĩ 28:15

Neryo Samwelĩ mwabwira Saũlo ati, Busana nakĩ ũkanyĩlũhaya erĩnyĩhetũkya kwehĩ? Na Saũlo mwabũga ati, Indi omo bũlĩge bunene; kusangwa Abafĩlĩstĩnĩ bakalwa nage, na Nyamuhanga abĩrĩnyĩlũako, sĩakĩnyĩsũbĩraya kandi, kutse omo bamĩnyererĩ, kutse nʼomo nzolĩ; kyo kikaleka inakubirikira, iwatoka erĩnyĩmĩnyĩsya ebyo nangakola.

1 Samwelĩ 28:5

Neryo omugulu Saũlo alangira emilondo yʼAbafĩlĩstĩnĩ, mubaha, nʼomutima wuwe mwatitimana kutsibu.