1 Samwelĩ 27:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Na Dawĩdĩ mwahũnga ekihugo ekyo, mwatabalya mundu uliho mulume kutse mũkalĩ, kandi mwahũnga esyombũlĩ, nʼesyonde, nʼesyopunda, nʼesyongamia, nʼebyambalo; neryo mwasubula mwahĩka eyiri Akĩsĩ.

1 Samwelĩ 27:9 Iomraidhean Croise

Enzũko 16:7

Nĩkwa omũlaĩka wʼOmwami Mukulu mweya Hagarĩ okwʼĩsoko yʼamagetsi omo mbwarara, hakũhĩ nʼeyĩsoko omo nzira yʼeSũrĩ.

Enzũko 25:18

Nabo mobĩkala erĩtsũka eHawĩla erĩhĩka eSũrĩ eyiri embere wʼeMĩsĩrĩ, omugulu ukaya ebwanga bwʼeAsũrĩa, neryo mobĩkala ogundi handi, nʼogundi handi.

Yobũ 1:3

Nʼobũsokĩ buwe bwabya esyombũlĩ elfu irinda (7,000), nʼesyongamia elfu ĩsatu (3,000), nʼesyonume syʼesyonde esiri kwʼengomo, elfu nguma (1,000), nʼesyopunda syʼobũkalĩ magana atanu (500). Kandi abagombe buwe babya bangi. Omundu oyo abya mukulu kwilaba abandu bosĩ bʼekihugo kyʼendata.

Erĩlũayo 15:22

Neryo Musa mwasondola Abaĩsraelĩ embere erĩlũa omo Ngetsi yʼEngula, mobalũayo mobahĩka omo mbwarara yʼeSũrĩ; mobagenda olugendo lwʼebiro bisatu omo mbwarara isibetabana magetsi.

Yosũa 6:21

Kandi mobaherya ebyosĩ byʼomo mũyĩ byo kutsibu abalume nʼabakalĩ, abalere nʼabakulu, nʼesyonde, nʼesyombũlĩ, nʼesyopunda, omo boya bwʼomũyalĩ.

1 Samwelĩ 15:3

Lino ugende wĩte Abamalekĩ, kandi ũheraye ebyosĩ bawite, kandi sũbalayebo, nĩkwa mwĩte abalume nʼabakalĩ, omwana oyukonga, ende nʼembũlĩ, engamia nʼepunda.

1 Samwelĩ 15:7

Neryo Saũlo mwĩta Abamalekĩ, erĩtsũka eHavĩla omo nzira eyikalolera eSũrĩ owali embere syʼeMĩsĩrĩ.

1 Samwelĩ 15:8

Neryo mwahamba Agagĩ omwami wʼAbamalekĩ inianeho, kandi mwĩta abandu bosĩ omo boya bʼomũyalĩ.