1 Samwelĩ 27:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo Dawĩdĩ mwabũga omo mutima wuwe ati, Ekiro kiguma nasyakwĩra omo byala bya Saũlo; ekibuya kwilaba busana nage niʼsagira omo kihugo kyʼAbafĩlĩstĩnĩ; neryo Saũlo asyaluha, eriswanyisonda-sondera omo kihugo kyosĩ kya Ĩsraelĩ; nage nasyabala nyitya ebyala biwe.

1 Samwelĩ 27:1 Iomraidhean Croise

1 Abami 12:26

Kandi Yeroboamũ mwabũga omo mutima wuwe ati, Obwami bukandisuba oko kĩtũnga kya Dawĩdĩ.

1 Abami 12:28

Busana nʼekyo omwami mwaya embĩta, neryo mwahesa ebyana bibiri byʼende omo syamagetsi; neryo mwabwirabo ati, Kĩkalĩre busana nenyũ erihetukira eYerũsalema; ĩnywe Baĩsraelĩ, musamalire esyonyamuhanga syenyũ esyabalũsaya omo kihugo kyʼeMĩsĩrĩ.

1 Abami 19:3

Neryo Elĩya mubaha, mwahangana, mwasagya engebe yiwe, mwahĩka eBerĩ-seba, ye Yũda, neryo mwasĩga omugombe wuwe yʼeyo.

2 Emyatsi yʼEmigulu 25:17

Neryo omwami Amazĩa wʼeYũda mwaya embĩta mwatuma uku Yoasĩ, mugala wa Yoahazĩ, mugala wa Yehũ, omwami wa Ĩsraelĩ, ati wase, tulolaneko bũsũ nʼobũsũ.

Esyonyimbo 116:11

Omo bũlĩge bwage monabũga nyiti, Sihali mundu oyo wangayiketerwa.

Esyonyimbo 55:7

Nangayĩkongotĩre hali, nʼerĩhĩra obwĩ­kalo bwage omo mbwarara.

Erĩlũayo 14:12

Ekĩ si kye kĩnywa twakubwirira eMĩsĩrĩ tuti, Utuleke tukolere Abanya Mĩsĩrĩ kwehĩ? Kusangwa lĩlũe Ĩyowene erikolera Abanya Mĩsĩrĩ, kwilaba eriholera omo mbwarara.

Emĩsyo 13:12

Amaha awakalindirirawa akaleka omutima ĩnĩasĩmba; Nĩkwa omugulu omundu akabana ekyo anzĩre, ni muti wʼengebe.

Ĩsaya 51:12

Ĩngye nĩna ngye, oyo yũkakũkĩranaya. Uwendi, uti ukubaha omundu oyukasyatũla, nʼomugala wʼomundu oyukayirawa ngʼebiti,

Emiganzo 14:3

Kandi busana nakĩ Omwami Mukulu akatuleta omo kihugo ekĩ eriwa omo mũyalĩ kwehĩ? Abakalĩ betu nʼabana betu basyabya banyegwa; Sĩryowene busana netu erisuba eMĩsĩrĩ kwehĩ?

Matayo 14:31

Neryoneryo Yesu mwasumba ebyala biwe mwamuhamba, mwamubwira ati, Uwe wʼerĩkĩrĩrya lĩke, busana nakĩ uliatika-tika kwehĩ?

Mariko 4:40

Neryo Yesu mwabwirabo ati, Mukubaha busana nakĩ kwehĩ? Busana nakĩ simuwite erĩkĩrĩrya kwehĩ?

2 AbanyaKorinto 7:5

Kusangwa twabere twahĩka eMakedonĩa motutabana Obuholo. Kusangwa motwabana amalĩge ehosĩ; abandu babya bakalwa netu, nʼemitima yetu yabya nʼeriubaha.

1 Samwelĩ 16:1

Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 16:13

Neryo Samwelĩ mwĩmya erĩhembe eriri mwʼamagũta, mwamũhakabya omo katĩkatĩ kʼabagala babo. NʼOmũlĩmũ wʼOmwami Mukulu mwahĩka uku Dawĩdĩ ko kutsibu erĩtsũka oko kiro ekyo. Neryo Samwelĩ mwahangana mwaya eRama.

1 Samwelĩ 20:3

Neryo Dawĩdĩ mwaswalahĩrya ati, Tata wawe anasĩ ndeke ko nabĩrĩsĩmwa omo meso wawe; neryo akabũga ati, Yonatana siaminye omwatsi oyũ akasyakwa bũlĩge. Nĩkwa kwenene ngoko Mwami Mukulu aliho, kandi ngoko ekĩrĩmũ kyawe kiriho, hali ngʼeribasula liguma lisa omo katĩkatĩ kage nʼoluholo.

1 Samwelĩ 22:5

Nʼomũmĩnyererĩ Gadĩ mwabwira Dawĩdĩ ati, Sĩwĩkale ahakagatĩre; ũlũeho, ugende omo kihugo kya Yũda. Neryo Dawĩdĩ mwahongoka mwahĩka omo mũsĩtũ wʼeHeretĩ.

1 Samwelĩ 23:17

Kandi mwamubwira ati, Sigubahe; kusangwa ebyala bya Saũlo tata wage sibyendisyakubana; nawe Wasyabya mwami wa Ĩsraelĩ, nage nasyabya wʼakabiri gʼukwʼiwe; na tata wage Saũlo anasĩ ekyo.

1 Samwelĩ 25:30

Neryo Omwami Mukulu asyabya abikola omukama wage ngʼebibuya byosĩ ebyo abirikwahũlĩrya, nʼerikuyira mo mũtabalĩ uku Ĩsraelĩ,

1 Samwelĩ 26:19

Nĩkwa lino kĩsĩ-kĩsĩ nyiti, omukama wage mwami ahũlĩkĩrĩraye ebĩnywa byʼomugombe wuwe. Amabya Omwami Mukulu ĩyũkakũkola-kolaya erilwa nage, alĩge ehongo; nĩkwa bamabya ini bandu, batakirawe embere syʼOmwami Mukulu; kusangwa bamanyihiga mũnabwĩre bati sinangamakirirana nʼomwandu wʼOmwami Mukulu, bati, Ugende, ukolere esindi nyamuhanga.

1 Samwelĩ 29:2

Nʼabakama bʼAbafĩlĩstĩnĩ mobatwangana embere amagana oko magana, nʼamaelfu oko maelfu; na Dawĩdĩ nʼabalume buwe mobalaba enyũma-nyũma haguma na Akĩsĩ.

1 Samwelĩ 29:3

Neryo abasondolĩ bʼAbafĩlĩstĩnĩ mobabũga bati, Abaebrania aba bakakola hano hokĩ kwehĩ? Na Akĩsĩ mwabwira abasondolĩ bʼAbafĩlĩstĩnĩ ati, Oyũ sĩ Dawĩdĩ, omugombe wa Saũlo omwami wa Ĩsraelĩ, oyo wabiribya haguma nage oko biro ebĩ, kutse emyaka eyĩ kwehĩ? Nage sinditabana oluhabo umwʼiye erĩtsũka ekiro ambĩkako nʼerĩhĩka mũnabwĩre.