1 Samwelĩ 26:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Neryo Abĩsaĩ mwabwira Dawĩdĩ ati, Nyamuhanga abĩrĩhĩra enzĩgũ yawe omo byala byawe mũnabwĩre; neryo, kĩsĩ-kĩsĩ Uleke nyimutsimite omwʼĩtũmo erilabira omo kitaka ngendo nguma, sindiendimutsimita kabiri.

1 Samwelĩ 26:8 Iomraidhean Croise

2 Samwelĩ 16:9

Neryo Abĩsayĩ mugala wa Zerũya mwabwĩra omwami ati, Busana nakĩ embwa eyĩholĩre eyĩ ikatsuma omukama wage mwami kwehĩ? Uleke nyilabe nyĩmũlũsaye kʼomutwe wuwe.

Esyonyimbo 31:8

Sulitanyĩrekeranĩa omo byala byʼesyonzĩgũ syage; Wabĩrĩnyĩhĩra ahali Obuholo.

Yeremĩa 40:15

Neryo Yohananĩ mugala wa Karea mwabwira Gedalĩa eMĩsĩpa bũbĩso-bĩso ati, Ngakũbũlaya uleke nyigende erĩĩta Ĩsĩmaelĩ mugala wa Netanĩa, isihali mundu wasyaminyago. Busana nakĩ angakwĩta, nʼAbayũda bosĩ ababĩrĩhĩndana aho guli ibapanza-panzwa, nʼamasĩgalira wʼeYũda iniahera kwehĩ?

Nahũmũ 1:9

Ebyosĩ mũkayĩsũnza erilwa nʼOmwami Mukulu, asyasĩngabyo ndeke. Obũlĩge sibwendisyahangana engendo yʼakabiri.

AbanyaRoma 11:32

Kusangwa Nyamuhanga abĩrĩhĩra abosĩ okwʼĩtendĩowa, iniatoka eriganyira abosĩ.

Eryibuka Ebihano 32:30

Kwʼomuguma angasagya elfu nguma, Nʼababiri ĩbasagya amaelfu ĩkũmĩ go bati, kwehĩ? Omwĩmĩrĩ wabo ngʼatalĩgũlayabo, NʼOmwami Mukulu ngʼatalihoterabo kwehĩ?

Yosũa 21:44

Kandi Omwami Mukulu mwahabo obuluhuke oko mbande syosĩ ngʼebyosĩ ebyo alahĩrĩraya abotata-kulu wabo. Mohatahangana omundu nʼomuguma oko syonzĩgũ syabo syosĩ embere syabo; Omwami Mukulu mwahĩra esyonzĩgũ syabo syosĩ omo byala byabo.

Abatswerĩ 1:4

Na Yũda mwahongoka, neryo Omwami Mukulu mwahĩra Abakanana nʼAbaperezĩ omo byala byabo. Mobĩtĩra eBezekĩ abandu elfu ĩkũmĩ.

1 Samwelĩ 23:14

Neryo Dawĩdĩ mwĩkala omo mbwarara omo hakagatĩre, mwĩkala omo kihugo kyʼebitwa kyʼembwarara yʼeZĩfũ. Na Saũlo mwamusonda-sonda obuli kiro, nĩkwa Nyamuhanga mwatamũhĩra omo byala biwe.

1 Samwelĩ 24:4

Nʼabandu ba Dawĩdĩ mobamubwira bati, Lebaya, lero ekiro ekyo Mwami Mukulu akwahũlĩraya, ati, Lebaya; nasyahĩra enzĩgũ yawe omo byala byawe, wasyamukola ngoko Ũkaganĩraya uti lyowene oko meso wawe. Neryo Dawĩdĩ mwahangana, mwatwa omũsĩke wʼekanzu ya Saũlo bũbĩso-bĩso.

1 Samwelĩ 24:5

Neryo enyũma wʼaho, omutima wa Dawĩdĩ mwamũhĩsĩrĩranĩa, kusangwa iniabirisara oko kanzu ya Saũlo.

1 Samwelĩ 26:23

Kandi Omwami Mukulu asyaliha obuli mundu eritunganene riwe nʼobutaluha buwe; kusangwa Omwami Mukulu mwakakũhĩra omo byala byage mũnabwĩre, nage mondasonda erisumbira ebyala byage okwʼoyo Mwami Mukulu ayisoga eribya mwami.

1 Samwelĩ 26:7

Neryo Dawĩdĩ na Abĩsaĩ mobahĩka oko bandu omo kiro; neryo lebaya, Saũlo iniagotsere omo katĩkatĩ kʼekilaliriro inianeto, nʼerĩtũmo liwe ĩrĩnatsĩmbĩre omo kitaka hakũhĩ nʼomutwe wuwe; na Abĩnerĩ nʼabandu ibanagotsere ĩbanamũtĩmbĩreko.

1 Samwelĩ 26:9

Nĩkwa Dawĩdĩ mwabwira Abĩsaĩ, ati, Sũmũheraye; kusangwa nindi wangatoka erisumbira ebyala biwe okwʼoyo Mwami Mukulu ayisoga, iniabya butsira musango kwehĩ?