1 Samwelĩ 26:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Nĩkwa lino kĩsĩ-kĩsĩ nyiti, omukama wage mwami ahũlĩkĩrĩraye ebĩnywa byʼomugombe wuwe. Amabya Omwami Mukulu ĩyũkakũkola-kolaya erilwa nage, alĩge ehongo; nĩkwa bamabya ini bandu, batakirawe embere syʼOmwami Mukulu; kusangwa bamanyihiga mũnabwĩre bati sinangamakirirana nʼomwandu wʼOmwami Mukulu, bati, Ugende, ukolere esindi nyamuhanga.

1 Samwelĩ 26:19 Iomraidhean Croise

Enzũko 44:18

Neryo Yũda mwasegera hakũhĩ naye, mwabũga ati, Uwe mukama wage, ngakũbũlaya, uhamule omugombe wawe abũge ekĩnywa kiguma omo matwĩ wʼomukama wage, kandi Suleke erihitana lyawe erigulumira oko mugombe wawe, kusangwa ulingene na Farao.

Enzũko 8:21

Neryo Omwami Mukulu mowa erikumba lĩsĩhĩre. Neryo Omwami Mukulu mwabũga omo mutima wuwe, ati, Sindiendisyaswatakira ekitaka busana nʼomundu kusangwa amalengekanĩa wʼomutima wʼomundu ni mabi erĩtsũka omo bũlwana. Kandi sindiendĩsyaswĩta obuli kindu kiriho, ngoko nabirikola.

2 Samwelĩ 14:16

Kusangwa omwami akandĩowa, nʼerĩlamya omugombe wuwe omo byala byʼomundu oyo wasonda erĩnyĩherya nʼomugala wage haguma nʼerĩtũlũsya omo kihugo Nyamuhanga alaga.

2 Samwelĩ 16:10

Nʼomwami mwabũga ati, Nyiwite mwatsi wahi nenyũ ĩnywe bagala ba Zerũya kwehĩ? Amatsuma, kandi Omwami Mukulu amabya abirimubwira ati, Tsuma Dawĩdĩ; neryo nindi wasyabũga ati, Wamakola utya busana nakĩ kwehĩ?

2 Samwelĩ 16:11

Neryo Dawĩdĩ mwabwira Abĩsayĩ nʼabagombe buwe bosĩ, atĩ, Mugala wage oyo mbũtĩre, akasonda-sonda engebe yage; Omũbenyamĩna oyo sĩangalabya kwʼaho kwehĩ? Mumuleke, kandi muleke atsume; kusangwa Omwami Mukulu abirimubwira.

2 Samwelĩ 20:19

Ĩngye indi omo katĩkatĩ kʼabandu bʼobuholo nʼogʼoko bateregula omo Ĩsraelĩ. Ĩnywe mukasonda erĩherya omũyĩ na nyĩnya muguma omo Ĩsraelĩ. Busana nakĩ mukasonda erĩherya omwandu wʼOmwami Mukulu kwehĩ?

2 Samwelĩ 21:3

Na Dawĩdĩ mwabũlya Abagĩbeonĩ ati, Ngandibakolerakĩ kwehĩ? Nangahanulakĩ imomwatoka eritsumula bandu bʼOmwami Mukulu kwehĩ?

2 Samwelĩ 24:1

Kandi erihitana lyʼOmwami Mukulu molyagulumira oko Baĩsraelĩ, neryo mwĩmũkya Dawĩdĩ erireta obũlĩge oko Ĩsraelĩ ati, Genda uyaganze Abaĩsraelĩ nʼAbayũda.

1 Abami 22:22

Neryo Omwami Mukulu mwabwirakyo ati, Ũmũkĩ kwehĩ? Naye ati, Nage nasyagenda, nasyabya ekĩrĩmũ kyʼeriteba omo buno bwʼabamĩnyererĩ buwe bosĩ. Naye mwabũga ati, Wasyamuteba, kandi wasyasĩngana nibya; ugende, Ukole utya.

1 Emyatsi yʼEmigulu 21:1

Neryo Satanĩ mwahangana erilwa nʼAbaĩsraelĩ neryo mwateba Dawĩdĩ aganze Abaĩsraelĩ.

Esyonyimbo 120:5

Erĩĩkala omo katĩkatĩ kenyũ ni nabi ngʼerĩĩkala eMesekĩ, Kutse omo katĩkatĩ kʼabandu ba Kedarĩ!

Esyonyimbo 20:4

Akuhe erisonda lyʼomutima wawe, Nʼerĩberererya erĩyĩsũnza lyawe lyosĩ!

Emĩsyo 30:10

Suhandikirire omugombe oko Mwami Mukulu wuwe, Akasyakutsuma, nawe iwabanika kʼomusango.

Ĩsaya 60:5

Neryo wasyalangira wasyakangabasanĩa, nʼomutima wawe asyayitsangura kandi nʼeritsema, kusangwa obungi bwʼengetsi bwasyakubindukira, nʼobũsokĩ bwʼebihanda bwasyakũhĩkako.

Abalawĩ 26:31

Kandi nasyayira emĩyĩ yenyũ mo bĩma, nʼahabũyĩrĩre henyũ nasyatsandyaho, kandi sindiendisyakumbirwa oko bumba bwʼekikumbo kĩsĩhĩre kyenyũ.

Emiganzo 36:7

Neryo sihendisyabya mwandu wʼabagala ba Ĩsraelĩ owakandĩsyahũmĩra oko kindi kihanda nʼekindi kihanda; kusangwa abagala ba Ĩsraelĩ basyamakirira obuli mundu oko mwandu wʼekihanda kyʼabotata wuwe.

Emiganzo 36:9

Neryo Sihabye omwandu owakahũmĩra oko kihanda kiguma eriya oko kindi kihanda; kusangwa ebihanda byʼabagala ba Ĩsraelĩ byasyamakirira obuli mundu oko mwandu wuwe.

AbanyaRoma 14:15

Wamĩta mũlĩkyenyũ yʼobũlĩge busana nʼebyo ukalya, sulirendera omo lwanzo. Suleke akalyo kawe kakaherya omundu oyo Kristo aholera.

AbanyaGalatia 5:12

Kumbe abandu abo bakabahahũkaya omutima, kumbe bakayibandanga.

Eryibuka Ebihano 13:3

simusyehulikirira ebĩnywa byʼomũmĩnyererĩ oyo, kutse omũlotĩ oyo wʼesyonzolĩ; kusangwa Omwami Mukulu Nyamuhanga wenyũ akabalenga eriminya nga mwanzĩre Omwami Mukulu Nyamuhanga wenyũ nʼomutima wenyũ gosĩ nʼekĩrĩmũ kyenyũ kyosĩ.

2 Timoteo 4:14

Nĩkwa Alesandũro, omũhesĩ wʼemiringa, mwanyikola nabi kutsibu, Omukama asyamuliha busana nʼemĩbĩrĩ yiwe.

1 Samwelĩ 18:10

Neryo omo ngyakya wʼaho, ekĩrĩmũ kibi ekyo Nyamuhanga atuma mokyahĩka uku Saũlo nʼamaka, neryo mwabũga-bũgĩra omo nyũmba; na Dawĩdĩ naye mwawata enanga omo byala biwe, ngoko akanawatayo obuli kiro. Na Saũlo abya awite okwʼĩtũmo omo byala biwe;

1 Samwelĩ 24:9

Neryo Dawĩdĩ mwabwira Saũlo ati, Ukahulikirira ebĩnywa byʼabandu busana nakĩ kwehĩ? Abakabũga bati, Lebaya, Dawĩdĩ akasonda erikukola nabi.

1 Samwelĩ 25:24

Kandi mwawa oko bisando biwe mwabũga ati, mukama wage, ekibi ekyo kinyibyeko, ĩngye kinabyeko. Kĩsĩ-kĩsĩ Uleke omutsana wawe abũgĩre omo matwĩ wawe, kandi nawe uhulikirire ebĩnywa byʼomutsana wawe.

1 Samwelĩ 27:1

Neryo Dawĩdĩ mwabũga omo mutima wuwe ati, Ekiro kiguma nasyakwĩra omo byala bya Saũlo; ekibuya kwilaba busana nage niʼsagira omo kihugo kyʼAbafĩlĩstĩnĩ; neryo Saũlo asyaluha, eriswanyisonda-sondera omo kihugo kyosĩ kya Ĩsraelĩ; nage nasyabala nyitya ebyala biwe.