1 Samwelĩ 24:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo Dawĩdĩ mwabwira Saũlo ati, Ukahulikirira ebĩnywa byʼabandu busana nakĩ kwehĩ? Abakabũga bati, Lebaya, Dawĩdĩ akasonda erikukola nabi.

1 Samwelĩ 24:9 Iomraidhean Croise

Esyonyimbo 101:5

Nasyaherya omundu oyukatonga omwĩra wuwe yo nabi; Sindiendĩsyalĩga omundu oyukayiheka, nʼowʼomwaga.

Esyonyimbo 141:6

Omugulu abatabalĩ babo bakagusawa eyĩkwa oko lukuka, Abandu basyalĩga ebĩnywa byage ko bĩkowana.

Emĩsyo 16:28

Omundu oyũhengemĩre akatũlaganaya omwaga; Nʼowʼebwe-bwe-bwe akagabula abĩra bʼekihango.

Emĩsyo 17:4

Omukola-nabi akahulikirira emĩnywa mibi; Nʼomũbehĩ akatega okũtũ busana nʼolulimi lwʼomwaga.

Emĩsyo 18:8

Ebĩnywa byʼomũbwebwererĩ biri ngʼotutole towene; Bikandagalira omwisi wʼenda.

Emĩsyo 25:23

Erihunga lyʼelutambi lwʼendata likaleta embũla; Nʼolulimi olũkahandĩkĩrĩraya lukaleta obũsũ bwʼerihitana bo lutya.

Emĩsyo 26:28

Olulimi lwʼamabehĩ lũkakwa obusu abo lwahĩnola; Kandi obuno obwʼerĩsehya bukakola erihera.

Emĩsyo 29:12

Omũtabalĩ amahulikirira amabehĩ, Abagombe buwe bosĩ ni babi.

Yeremĩa 37:18

Kandi Yeremĩa mwabwira omwami Zedekĩa ati, Namatakola kibi kyahi busana nawe, kutse busana nʼabagombe bawe, kutse busana nʼabandu aba, kyalekĩre ĩmwanyĩhĩra omo mũlĩkĩ kwehĩ?

Abalawĩ 19:16

Susyegenda-genda eyĩ nʼeyĩ omo katĩkatĩ kʼabandu bawe ngʼomũtsongerĩ; kutse susyehangana okwʼĩtĩsya omusasi wa mũlĩkyenyũ. Ĩngye indi Mwami Mukulu.

Yakobo 3:6

Nʼolulimi luli ngʼomuliro, olulimi ni kihugo ekyoswĩre nʼebibi. Olulimi lwĩkere omo katĩkatĩ kʼebĩtsũko byetu, kandi lũkatsandaya omubiri gosĩ. Kandi lũkakaya omuliro omo mitima yetu, omuliro oyo akalũa elĩfero.

1 Samwelĩ 20:1

Neryo Dawĩdĩ mwasaga mwalũa eNayotĩ eRama, mwasa mwabũga na Yonatana, ati, Namakolakĩ kwehĩ? Nʼamalolo wage ni wahi kwehĩ? Nʼerĩhalya lyage ni ryahi embere sya tata wawe, ati akasonda-sonda engebe yage kwehĩ?

1 Samwelĩ 20:41

Neryo omũlwana abere abigenda, Dawĩdĩ mwasosokala ebwanga bwʼelutambi lwʼeyĩkwa, kandi mwayĩtũlĩka ahisi, mwayũnamya kasatu; neryo mobalyatsirirana, mobaliriranako, nĩkwa Dawĩdĩ mwabya nʼobũlĩge kutsibu.

1 Samwelĩ 24:10

Lebaya, mũnabwĩre ameso wawe abĩrĩyĩreberya ngoko Mwami Mukulu abĩrĩkũhĩra mũnabwĩre omo byala byage omo mwangalũ; nʼabandi bati nyĩkwĩte, nĩkwa mongakuganyira; nyiti, sindiendisumba ebyala byage erĩĩta omukama wage; kusangwa nĩ mũhakabĩbwa wʼOmwami Mukulu.

1 Samwelĩ 24:8

Enyũma wʼaho Dawĩdĩ naye mwahangana mwalũa omo mwangalũ, neryo mwabirikira Saũlo ati, mukama wage mwami! Nʼomugulu Saũlo akebera enyũma, Dawĩdĩ mũnamĩrya obũsũ buwe bwʼahisi, mwamũnamira.

1 Samwelĩ 26:18

Kandi mwabũga ati, Busana nakĩ omukama wage akakwamirira omugombe wuwe kwehĩ? Nakolĩrekĩ kwehĩ? Kutse erĩlolo eriri omo byala byage ni ryahi kwehĩ?

1 Samwelĩ 26:19

Nĩkwa lino kĩsĩ-kĩsĩ nyiti, omukama wage mwami ahũlĩkĩrĩraye ebĩnywa byʼomugombe wuwe. Amabya Omwami Mukulu ĩyũkakũkola-kolaya erilwa nage, alĩge ehongo; nĩkwa bamabya ini bandu, batakirawe embere syʼOmwami Mukulu; kusangwa bamanyihiga mũnabwĩre bati sinangamakirirana nʼomwandu wʼOmwami Mukulu, bati, Ugende, ukolere esindi nyamuhanga.