1 Samwelĩ 23:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo kandi Dawĩdĩ mwabũlya Omwami Mukulu. NʼOmwami Mukulu mwamũsũbĩrya ati, Hangana wandagalire eKeĩla; kusangwa ngandĩhĩra Abafĩlĩstĩnĩ bʼomo byala byawe.

1 Samwelĩ 23:4 Iomraidhean Croise

2 Samwelĩ 2:1

Nʼenyũma wʼaho, Dawĩdĩ mwabũlya Omwami Mukulu ati, Nyihetukire oko mũyĩ muguma wʼemĩyĩ ya Yũda kwehĩ? NʼOmwami Mukulu mwamubwira ati, Uhetuke. Na Dawĩdĩ mwabũga ati, Nyihetukire kuhi kwehĩ? Naye mwabũga ati, eHebũronĩ.

2 Samwelĩ 5:19

Neryo Dawĩdĩ mwabũlya Omwami Mukulu, ati, Nyinahetuke erilwa nʼAbafĩlĩstĩnĩ kwehĩ? Unemwendĩsyahĩrabo omo byala byage kwehĩ? Neryo Omwami Mukulu mwabwira Dawĩdĩ ati, Uhetuke; kusangwa kwenene ngandĩsyahĩra Abafĩlĩstĩnĩ omo byala byawe.

2 Abami 3:18

Nʼoyũ ni mwatsi muke omo meso wʼOmwami Mukulu; kandi akandĩhĩra Abanya Moabũ bʼomo byala byenyũ nibya.

1 Emyatsi yʼEmigulu 14:10

Na Dawĩdĩ mwabũlya Nyamuhanga, ati, Nyinahetuke eriyalwa nʼAbafĩlĩstĩnĩ kwehĩ? Nawe wasyahĩrabo omo byala byage kwehĩ? Neryo Omwami Mukulu mwamubwira ati, Uhetuke; kusangwa nasyahĩrabo omo byala byawe.

Yosũa 8:7

Nenyũ mwasyahangana omwʼĩrĩmbya, imwanyega omũyĩ; kusangwa Omwami Mukulu Nyamuhanga wenyũ asyahĩrago omo byala byenyũ.

Abatswerĩ 6:39

Kandi Gĩdeonĩ mwabũga na Nyamuhanga ati, Erihitana lyawe sirinyigulumirireko, nage ngandĩbũga engendo nguma eno; ngakusaba Uleke nyirenge omo ngobĩ ngendo nguma eyĩ nyisa; Uleke engobĩ ibye ĩyũmĩre nʼekimi kibye oko kitaka kyosĩ.

Abatswerĩ 7:7

Kandi Omwami Mukulu mwabwira Gĩdeonĩ, ati, Oko bandu magana asatu abalialyatsirira nasyabalamya, nʼerĩhĩra Abamĩdĩanĩ omo byala byawe; litya Uleke abandi bandu bosĩ bagende, obuli mundu aho wuwe.

Abatswerĩ 7:9

Neryo mokyabya ekiro ekyo, Omwami Mukulu mwabũga naye ati, Wandagalire oko ndwiro; kusangwa nabĩrĩhĩrayo omo byala byawe.

1 Samwelĩ 10:22

Kyaleka ĩbabũlya Omwami Mukulu kandi, bati, Hane mundu oyute wahĩka hano kwehĩ? Neryo Omwami Mukulu mwasũbĩrya ati, Lebaya abĩrĩyĩbĩsa omo miheke.

1 Samwelĩ 23:2

Neryo Dawĩdĩ mwabũlya Omwami Mukulu, ati, Ko nyiyeyo nʼerilwa nʼAbafĩlĩstĩnĩ aba kwehĩ? Neryo Omwami Mukulu mwabwira Dawĩdĩ ati, Ugende Uyalwe nʼAbafĩlĩstĩnĩ, ũlamaye eKeĩla.

1 Samwelĩ 23:3

Nʼabandu ba Dawĩdĩ mobamubwira bati, Lebaya, eYũda eno tukubaha. Sitwendisyubaha kutsibu kwʼaho twamaya eKeĩla eriyalwa nʼemilondo yʼAbafĩlĩstĩnĩ kwehĩ?

1 Samwelĩ 23:5

Neryo Dawĩdĩ nʼabalume buwe mobaya eKeĩla, mobalwa nʼAbafĩlĩstĩnĩ, mobanyega esyonde syabo, kandi mobĩtabo kutsibu. Na Dawĩdĩ mwalamya esyondũlanĩ syʼeKeĩla syʼatya.

1 Samwelĩ 28:6

Nʼomugulu Saũlo abũlaya Omwami Mukulu, Omwami Mukulu mwatamũsũbĩrya, kutse nʼomo nzolĩ, kutse omo Ũrĩmũ, kutse nʼomo bamĩnyererĩ.

1 Samwelĩ 30:8

Neryo Dawĩdĩ mwabũlya Omwami Mukulu ati, Nyikwame omulondo oyũ kwehĩ? Ngandĩhĩka kubo kwehĩ? Naye mwamũsũbĩrya, ati, Kwamabo; kusangwa kwenene ũkandĩhĩka kubo, kandi kwenene wasyaswabana ebyosĩ.