1 Samwelĩ 23:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo Dawĩdĩ mwabũlya Omwami Mukulu, ati, Ko nyiyeyo nʼerilwa nʼAbafĩlĩstĩnĩ aba kwehĩ? Neryo Omwami Mukulu mwabwira Dawĩdĩ ati, Ugende Uyalwe nʼAbafĩlĩstĩnĩ, ũlamaye eKeĩla.

1 Samwelĩ 23:2 Iomraidhean Croise

2 Samwelĩ 2:1

Nʼenyũma wʼaho, Dawĩdĩ mwabũlya Omwami Mukulu ati, Nyihetukire oko mũyĩ muguma wʼemĩyĩ ya Yũda kwehĩ? NʼOmwami Mukulu mwamubwira ati, Uhetuke. Na Dawĩdĩ mwabũga ati, Nyihetukire kuhi kwehĩ? Naye mwabũga ati, eHebũronĩ.

2 Samwelĩ 5:19

Neryo Dawĩdĩ mwabũlya Omwami Mukulu, ati, Nyinahetuke erilwa nʼAbafĩlĩstĩnĩ kwehĩ? Unemwendĩsyahĩrabo omo byala byage kwehĩ? Neryo Omwami Mukulu mwabwira Dawĩdĩ ati, Uhetuke; kusangwa kwenene ngandĩsyahĩra Abafĩlĩstĩnĩ omo byala byawe.

2 Samwelĩ 5:23

Neryo omugulu Dawĩdĩ abũlaya Omwami Mukulu, Omwami Mukulu mwabũga ati, Susyehetukiraho; ũtĩmbe enyũma kubo, wasire ebwanga bwʼemiti yʼemitugunda.

1 Emyatsi yʼEmigulu 14:10

Na Dawĩdĩ mwabũlya Nyamuhanga, ati, Nyinahetuke eriyalwa nʼAbafĩlĩstĩnĩ kwehĩ? Nawe wasyahĩrabo omo byala byage kwehĩ? Neryo Omwami Mukulu mwamubwira ati, Uhetuke; kusangwa nasyahĩrabo omo byala byawe.

Esyonyimbo 32:8

Nasyakũkangĩrĩrya enzira wangalabamo; Nasyakuhana nʼerĩkwĩyĩsya.

Yeremĩa 10:23

Uwe Mwami Mukulu, nyĩnasĩ kwʼenzira yʼomundu siyiri omwisi wuwe, kandi siriri omwisi wʼomundu oyukalendera erisondola olugendo luwe.

Emiganzo 27:21

Kandi, asyahangana embere syʼomũhererĩ Eleazarĩ, oyo wasyamũbũlĩrya omwʼitswera lya Ũrĩmũ embere syʼOmwami Mukulu. Omo kihano kiwe basyahuluka, nʼoko kihano kiwe basyingira, iye, nʼabagala ba Ĩsraelĩ, ye ndeko yosĩ.

Yosũa 9:14

Nʼabandu mobĩmya oko ndanda yabo, mobatabũlya erihana oko Mwami Mukulu.

Abatswerĩ 1:1

Neryo enyũma wʼoluholo lwa Yosũa, abana ba Ĩsraelĩ mobabũlya Omwami Mukulu bati, Nindi wasyatsũka eriyatubambira Abakanana, erilwa nabo kwehĩ?

1 Samwelĩ 10:22

Kyaleka ĩbabũlya Omwami Mukulu kandi, bati, Hane mundu oyute wahĩka hano kwehĩ? Neryo Omwami Mukulu mwasũbĩrya ati, Lebaya abĩrĩyĩbĩsa omo miheke.

1 Samwelĩ 14:37

Neryo Saũlo mwabũlya Nyamuhanga, ati, Nyandagale erikwama Abafĩlĩstĩnĩ kwehĩ? Ũnemwendĩhĩrabo omo byala byʼAbaĩsraelĩ kwehĩ? Nĩkwa mwatamũsũbĩrya oko kiro ekyo.

1 Samwelĩ 23:3

Nʼabandu ba Dawĩdĩ mobamubwira bati, Lebaya, eYũda eno tukubaha. Sitwendisyubaha kutsibu kwʼaho twamaya eKeĩla eriyalwa nʼemilondo yʼAbafĩlĩstĩnĩ kwehĩ?

1 Samwelĩ 23:4

Neryo kandi Dawĩdĩ mwabũlya Omwami Mukulu. NʼOmwami Mukulu mwamũsũbĩrya ati, Hangana wandagalire eKeĩla; kusangwa ngandĩhĩra Abafĩlĩstĩnĩ bʼomo byala byawe.

1 Samwelĩ 23:6

Neryo omugulu Abĩatarĩ mugala wa Ahĩmelekĩ asagira eyiri Dawĩdĩ eKeĩla, mwandagala nʼeefodĩ omo byala biwe.

1 Samwelĩ 30:8

Neryo Dawĩdĩ mwabũlya Omwami Mukulu ati, Nyikwame omulondo oyũ kwehĩ? Ngandĩhĩka kubo kwehĩ? Naye mwamũsũbĩrya, ati, Kwamabo; kusangwa kwenene ũkandĩhĩka kubo, kandi kwenene wasyaswabana ebyosĩ.