16 Neryo Yonatana, omugala wa Saũlo, mwahangana, mwaya eyiri Dawĩdĩ eHoresĩ, mwasĩkya omutima wa Dawĩdĩ uku Nyamuhanga.
Neryo monabwirabo ngoko byala bya Nyamuhanga wage byabya bibuya ũkwʼĩngye, nibya ebĩnywa byʼOmwami ebyo ambwira. Nabo mobabũga bati, Tuhangane, tũhĩmbe. Neryo mobahĩra ebyala byabo oko mũbĩrĩ owene oyo ko batya.
Nĩkwa nanganabahĩrĩre mwʼamaka omo buno bwage, Nʼerĩsĩbĩkya lyʼemĩnywa yage lyangakehĩrye obũlĩge bwenyũ.
Ekyuma kikagusungula ekindi kyuma; Nʼomundu kwʼakagusungula atya obũsũ bʼomwĩra wuwe.
Amagũta nʼebikakumba ndeke bĩkatsemesaya omutima; Erisiha lyʼomwĩra wʼomundu erĩkalũa omwʼihana lyʼomutima ko liri ritya.
Kusangwa mwabĩrĩagalya emitima yʼabatunganene omo mabehĩ, omugulu nabya nyite nabaha obũlĩge, nĩkwa ĩmwabĩrĩsĩkya omubi, sĩabũnũkale nʼerireka enzira nyibi yiwe, nʼerĩlamya engebe yiwe.
Nĩkwa ĩngye nabirikusabira, uwe Sĩmonĩ, erĩkĩrĩrya lyawe sĩryũmbaye. Kandi wamaswabinduka, uhane abagala benyũ.
Neryo omũlaĩka oyũkalũa elubula, mwamubutukirako, mwamuha amaka.
Neryo lino, mubane amaka erimatikana nʼomukama. Mubane akagala omo bũtokĩ bunene buwe.
Nĩkwa uhamule Yosũa, ũsũbaye omutima wuwe; ũmũsĩkaye; kusangwa asyasoka embere syʼabandu aba, kandi asyahabo omwandu wʼekihugo ekyo wasyasamalira.
Neryo nawe mwana wage, ukale omo lukogo oluli busana netu erimatikana na Kristo Yesu.
Neryo Dawĩdĩ mwaminya ngoko Saũlo abirihongoka erisonda-sonda engebe yiwe omugulu Dawĩdĩ abya omo mbwarara yʼeZĩfũ eHoresĩ.
Kandi Dawĩdĩ mwasĩsĩkana kusangwa bandu mobabũga bati bamwĩte omo mabwe, kusangwa emitima yʼabandu bosĩ moyasĩrĩkalĩra, obuli mundu busana nʼabagala buwe na busana nʼabali buwe; nĩkwa Dawĩdĩ mwayibanira maka omo Mwami Mukulu Nyamuhanga wuwe.