1 Samwelĩ 22:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kusangwa ĩnywe bosĩ mukanyiyira embĩta, isihali nʼomuguma oyũkanyombomberaya nʼerĩnyĩkũmbũlĩra omugulu mugala wage akalagana na mugala wa Yese, kandi sihali nʼomuguma gʼũkwʼĩnywe ũkanyĩkwĩra bũlĩge, kutse erĩnyombomberyako mugala wage abĩrĩtsotsya omugombe wage erilwa nage, nʼerĩnyĩrĩmbya, nga mũnabwĩre.

1 Samwelĩ 22:8 Iomraidhean Croise

2 Abami 6:11

Neryo omutima wʼOmwami wʼeSũrĩa mwasweka kutsibu busana nʼomwatsi oyũ; neryo mwabirikira abagombe buwe, mwabwirabo ati, Sĩmwanganyĩkangya nga nindi omo katĩkatĩ ketu oyuli oko luhande lʼOmwami wʼAbaĩsraelĩ kwehĩ?

Yobũ 33:16

Neryo akalĩbũla amatwĩ wʼabandu, Nabo bakubaha erikunga liwe,

1 Samwelĩ 18:1

Neryo Dawĩdĩ abere abibuga erĩbũga na Saũlo, Yonatana mwanza Dawĩdĩ, kandi Yonatana mwamwanza ngoko ayanzĩre omo mutima.

1 Samwelĩ 18:3

Neryo Yonatana na Dawĩdĩ mobalagana kusangwa mwamwanza ngoko ayanzĩre omo mutima.

1 Samwelĩ 20:2

Neryo mwamubwira ati, Lero iyihi, siwendisyahola; lebaya tata wage sialikola kindu kinene kutse kike, atetanyĩkũmbũlĩrakyo. Ko busana nakĩ tata wage akanyĩbĩsa kʼomwatsi oyũ kwehĩ? Ko bite bitya.

1 Samwelĩ 20:42

Kandi Yonatana mwabwira Dawĩdĩ ati, Uyigendere buholo, kusangwa twabĩrĩlahĩrĩranĩa ĩtwe babiri omo lĩna lyʼOmwami Mukulu, tuti, Omwami Mukulu asyabya omo katĩkatĩ kage nawe, nʼomo katĩkatĩ kʼabana bage nʼabana bawe, erĩsyahĩka kera na kera. Neryo Dawĩdĩ mwahangana mwagenda. Na Yonatana mwasuba eka omo mũyĩ.

1 Samwelĩ 20:8

Neryo ukolere omugombe wawe yʼekibuya; kusangwa wabirilagana nʼomugombe wawe omo ndagano nʼOmwami Mukulu; nĩkwa namabya indi mwʼerĩlolo, ĩwanyĩta ĩwowene-wene; kusangwa busana nakĩ ukasyanyitwala eyiri tata wawe kwehĩ?

1 Samwelĩ 22:13

Neryo Saũlo mwamubwira ati, Busana nakĩ mwabirinyiyira embĩta, uwe na mugala wa Yese, kundi wabirimuha mandu, nʼomũyalĩ, kandi wabĩrĩmũbũganganira uku Nyamuhanga, uti anyihulukireko nʼerĩnyĩrĩmbya, nga mũnabwĩre kwehĩ?

1 Samwelĩ 23:21

Neryo Saũlo mwabũga, ati, Mutsumulawe nʼOmwami Mukulu; kusangwa mwabirinyiganyira.