1 Samwelĩ 22:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo Saũlo mwabwira bagombe buwe ababya bamũtĩmbĩreko, ati, Mowe lino, ĩnywe Babenyamĩna; omugala wa Yese anasyaha obuli mundu kwĩnywe amalima nʼamalima wʼebĩnyũ, asyabayira mo basondolĩ bʼamaelfu nʼabasondolĩ bʼamagana kwehĩ?

1 Samwelĩ 22:7 Iomraidhean Croise

2 Samwelĩ 18:1

Neryo Dawĩdĩ mwaganza abandu ababya haguma naye, kandi mwahĩra kubo kwʼabakulu bʼamaelfu, nʼabakulu bʼamagana.

2 Samwelĩ 20:1

Kandi mohahuluka omundu mutya-mutya, erĩna liwe iyo Seba mugala wa Bĩkũrĩ, Omũbenyamĩna; naye mwabuha engubi, ati, Situli nʼoluhande na Dawĩdĩ, kutse situwite omwandu uku mugala wa Yese; ĩnywe Baĩsraelĩ, obuli mundu aye omo hema yiwe.

1 Abami 12:16

Neryo omugulu Abaĩsraelĩ bosĩ balangira ngoko mwami sĩalĩtowabo, abandu mobasũbĩrya omwami bati, Tuwite erĩgabo lyahi uku Dawĩdĩ kwehĩ? Kandi situwite mwandu uku mugala wa Yese; ĩnywe Baĩsraelĩ, muye omo mahema wenyũ; na lino, uwe Dawĩdĩ, Ũlebaye ekĩtũnga kyawe ĩkyokyene. Neryo Abaĩsraelĩ mobasuba omo mahema wabo.

1 Emyatsi yʼEmigulu 12:16

Nʼabandi bʼoko Babenyamĩna nʼAbayũda mobahĩka uku Dawĩdĩ ahakongotere.

Ĩsaya 11:1

Neryo erĩsasa lyasyahuluka omo ndĩna ya Yese, nʼomutahi owakalũa omo mĩrĩhĩ yiwe asyabuta ebĩgũma.

Ĩsaya 11:10

Kandi oko kiro ekyo, ebihanda byasyaya oko mwana wa Yese naye asyimana eribya bendera yʼebihanda. Ahʼeriluhukira huwe hasyabya olukengerwa.

1 Samwelĩ 18:14

Kandi Dawĩdĩ mwayitondeka ndeke omo nzira siwe syosĩ; kusangwa Omwami Mukulu abya haguma naye.

1 Samwelĩ 20:27

Neryo engyakya enyũma wʼeritwa lyʼomugenda kye kiro kyʼebibiri, omwanya wa Dawĩdĩ abya busa; neryo Saũlo mwabũga na Yonatana mugala wuwe, ati, Ekyaleka mugala wa Yese atasa okwʼirya mũlĩgolo kutse mũnabwĩre nĩkĩ kwehĩ?

1 Samwelĩ 20:30

Neryo erihitana lya Saũlo molyagulumira uku Yonatana, neryo mwamubwira ati, Uwe mugala wʼomũkalĩ wʼomwaga nʼoyukapona! Uti Sĩnyasĩ ko wabiriyisoga mugala wa Yese erikuhemula, nʼerihemula koyo wawe kwehĩ?

1 Samwelĩ 22:13

Neryo Saũlo mwamubwira ati, Busana nakĩ mwabirinyiyira embĩta, uwe na mugala wa Yese, kundi wabirimuha mandu, nʼomũyalĩ, kandi wabĩrĩmũbũganganira uku Nyamuhanga, uti anyihulukireko nʼerĩnyĩrĩmbya, nga mũnabwĩre kwehĩ?

1 Samwelĩ 22:9

Neryo Doegĩ Omunya Edomũ, oyo wabya imene hakũhĩ nʼabagombe ba Saũlo mwasũbĩrya, ati, Monalangira mugala wa Yese akaya eNobĩ, ewa Ahĩmelekĩ mugala wa Ahĩtũbũ.

1 Samwelĩ 25:10

Neryo Nabalĩ mwasũbĩrya bagombe ba Dawĩdĩ ati, Dawĩdĩ nindi kwehĩ? Na mugala wa Yese nindi kwehĩ? Hali bagombe bangi oko biro ebĩ abakatswa obuli mundu oko mukama wuwe.