1 Samwelĩ 20:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Neryo ukolere omugombe wawe yʼekibuya; kusangwa wabirilagana nʼomugombe wawe omo ndagano nʼOmwami Mukulu; nĩkwa namabya indi mwʼerĩlolo, ĩwanyĩta ĩwowene-wene; kusangwa busana nakĩ ukasyanyitwala eyiri tata wawe kwehĩ?

1 Samwelĩ 20:8 Iomraidhean Croise

Enzũko 24:49

Na lino mwamasonda erikola ndeke nʼekwenene oko mukama wage, mumbwire. Byamabya iko bite bitya, mumbwire inatoka erilola oko mali kutse oko malembe.

Enzũko 47:29

Neryo omugulu wʼerihola lya Ĩsraelĩ mwahĩka hakũhĩ. Mwabirikira mugala wuwe Yosefũ, mwamubwira ati, Kumbe namabana erĩsĩmwa omo meso wawe, ngakũbũlaya Ũhĩre ebyala byawe oko kihinga kyage, ungolere ekibuya nʼekwenene. Ngakũbũlaya susyenyita eMĩsĩrĩ.

2 Samwelĩ 14:32

Neryo Abũsaloma mwasũbĩrya Yoabũ, ati, Monakũtũmĩreko, nyiti, Wase, ngakutume eyiri omwami, ũmũbũlaye, uti, nalũĩre eGesũrĩ busana nakĩ kwehĩ? Lĩlwe lyowene kumbe nyikineyo. Na lino Uleke nyisamalire obũsũ bwʼomwami; hamabya hali erĩlolo ũmwʼĩngye, anyĩte.

1 Emyatsi yʼEmigulu 12:17

Neryo Dawĩdĩ mwahuluka erĩyahĩndana nabo, neryo mwabasũbĩrya mwabwirabo ati, Mwamabya mũkambĩkako nʼobuholo nʼerĩnyĩwatĩkya, omutima wage asyasanganĩbwa nenyũ; nĩkwa mwamasa erinyihotera oko nzĩgũ syage, kusangwa sihali mwaga omo byala byage, Nyamuhanga wʼabotata wetu alangirekyo nʼerikungakyo.

Esyonyimbo 116:11

Omo bũlĩge bwage monabũga nyiti, Sihali mundu oyo wangayiketerwa.

Emĩsyo 3:3

Obubuya nʼekwenene Suleke bĩkakũsĩganĩa. Usengerebyo oko bĩkya byawe; Usakebyo oko mutima wawe.

Emibiri 25:11

Namabya indi mukola-nabi, kutse namabya nabirikola ekyangaleka inahola, sindigana erihola. Nĩkwa hate kindu kyʼekwenene omo ebyo bakanyihandikirirako, sihali mundu wanganyihotera kubo. Ngabũlaya eriya embere sya Kaĩsarĩ.

Yosũa 2:14

Nʼabalume mobabũga naye bati, Engebe yetu omo mwanya wʼeyenyũ, mwamatĩndatũlaganĩa omwatsi wetu; neryo omugulu Omwami Mukulu asyatuha ekihugo, netu twasyabakola ndeke nʼekwenene.

Yosũa 22:22

bati, Omũtokĩ, Nyamuhanga, Omwami Mukulu, Omũtokĩ, Nyamuhanga Omwami Mukulu! Iye anasĩ, na Ĩsraelĩ naye aminye. Kumbe lyabya ni ʼhona, kutse lyabya eriregula oko Mwami Mukulu sũtũlamaye mũnabwĩre!

Rũta 1:8

Neryo Naomĩ mwabwira abalĩana buwe babiri ati, Mugende, obuli muguma asube omo nyũmba ya koyo wuwe; Omwami Mukulu abakolere ebibuya ngoko mwakolera abahola bʼebibuya, nage nibya.

1 Samwelĩ 18:1

Neryo Dawĩdĩ abere abibuga erĩbũga na Saũlo, Yonatana mwanza Dawĩdĩ, kandi Yonatana mwamwanza ngoko ayanzĩre omo mutima.

1 Samwelĩ 18:3

Neryo Yonatana na Dawĩdĩ mobalagana kusangwa mwamwanza ngoko ayanzĩre omo mutima.

1 Samwelĩ 20:16

Ko Yonatana ayira atya endagano nʼekĩtũnga kya Dawĩdĩ, ati, Omwami Mukulu akĩsayeyo omo byala byʼesyonzĩgũ sya Dawĩdĩ.

1 Samwelĩ 20:9

Neryo Yonatana mwabũga ati, Sikikubyeko; kusangwa kumbe ngʼĩndwe nyasĩ ko tata wage akandayĩrĩre erikukola nabi nga sinditakubwira kwehĩ?

1 Samwelĩ 23:18

Neryo ibo ababiri mobalagana embere syʼOmwami Mukulu; na Dawĩdĩ mwĩkala eHoresĩ. Na Yonatana mwaya eka wuwe.