1 Samwelĩ 20:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Neryo Dawĩdĩ mwabũga na Yonatana ati, Lebaya, omungya omukera iniatwa, nage sinangabula erĩĩkala haguma nʼomwami okwʼirya. Nĩkwa Uleke nyĩyabĩsame omo kisuki erĩhĩka omwʼĩgologolo lyʼekiro kyʼakasatu.

1 Samwelĩ 20:5 Iomraidhean Croise

2 Abami 4:23

Naye mwabũga ati, Ukaya eyo ali mũnabwĩre busana nakĩ kwehĩ? Si mukera muhya-muhya kutse Sabato. Naye mwabũga ati, Kyasyabya buholo.

Esyonyimbo 55:12

Kusangwa sihali enzĩgũ eyikanyiseka, Kumbe nabiritoka erĩyĩyĩnĩa; Kumbe ni mundu oyũkanyĩkwa kwʼekĩnĩga oyukayihalamba busana nage, Kumbe nangayĩbĩsa busana naye.

Esyonyimbo 81:3

Mubuhe esyongubi oko mukera muhya-muhya, Mubuhe esyongubi oko mugenda agoma, oko kiro kyetu kikulu.

Emĩsyo 22:3

Omundu mũgerekanĩa amalangira ebibi akayĩbĩsa; Nĩkwa abakĩrũ bakatwangana ibahutala busana nabyo.

Amosĩ 8:5

muti, Omukera muhya-muhya, asyahwa kiro kyahi kwehĩ itwatoka erigula engano? NʼeSabato yasyahwa kiro kyahi kwehĩ itwatoka erĩtsũka akatale? Nʼeriyira akalengĩ mo kake, nʼeriyira esekelĩ mo nene, nʼerĩbĩra omo kĩlo kyʼeriteba;

Emiganzo 10:10

Nĩkwa oko kiro kyʼobutseme bwenyũ, nʼoko biro bikulu byenyũ ebyo mwahamulirawa, nʼoko nzũko syʼemikera yenyũ mwasyabuha esyongubi oko mahere wenyũ wʼerĩokererya, nʼendata oko mahere wenyũ wʼobuholo; nasyo syasyabya busana nenyũ eryibukwa embere sya Nyamuhanga wenyũ. Ĩngye indi Mwami Mukulu Nyamuhanga wenyũ.

Emiganzo 28:11

Kandi oko nzũko yʼemikera yenyũ mwasyahongera Omwami Mukulu yʼobuhere bwʼerĩokererya; esyonume ĩbĩrĩ, nʼembangale nguma, ehibangale hirinda ehyʼomwaka muguma ehite ko bulema.

Yoane 8:59

Neryo mobatola amabwe erimugusa goko; nĩkwa Yesu mwayĩbĩsa, mwalũa omo Hekalũ.

Emibiri 17:14

Neryo abalĩkyetu mobatuma Paũlo yo lũba eriya oko ngetsi, nĩkwa Sila na Tĩmoteo mobasĩgala eBeroya.

AbanyaKolosai 2:16

Neryo simuleke omundu eribatswera omo myatsi yʼakalyo, kutse erĩpũlya, kutse busana nʼekiro kikulu, kutse ekiro kyʼomukera muhya-muhya, kutse ekiro kyʼeSabato.

1 Samwelĩ 19:2

Neryo Yonatana mwabwira Dawĩdĩ ati, Saũlo, tata wage akasonda erĩkwĩta. Nĩkwa ngakwombomberaya Ũyĩtegaye omo ngyakya, Wĩkale ahabĩsamĩre, ũyĩbĩse.

1 Samwelĩ 20:18

Neryo Yonatana mwamubwira ati; Omungya ni ʼtwa lyʼomugenda; neryo wasyabula, kusangwa ekĩtũmbĩ kyawe kyasyabya busa.

1 Samwelĩ 20:19

Wasyabya wabuga yo biro bisatu, wasyandagala lũba, wasyahĩka aho wayĩbĩsa omugulu omwatsi abya­ho, neryo Wasyĩkala hakũhĩ nʼerĩbwe Ezelĩ.

1 Samwelĩ 20:24

Kandi Dawĩdĩ mwayĩbĩsa omolĩ; nʼomugulu eritwa lyʼomugenda lyahĩka, omwami mwĩkala ahisi erirya akalyo.

1 Samwelĩ 20:27

Neryo engyakya enyũma wʼeritwa lyʼomugenda kye kiro kyʼebibiri, omwanya wa Dawĩdĩ abya busa; neryo Saũlo mwabũga na Yonatana mugala wuwe, ati, Ekyaleka mugala wa Yese atasa okwʼirya mũlĩgolo kutse mũnabwĩre nĩkĩ kwehĩ?

1 Samwelĩ 20:4

Neryo Yonatana mwabwira Dawĩdĩ ati, Ekyo mutima wawe akabũga, kyo ngandikukolera.

1 Samwelĩ 20:6

Kandi tata wawe amanyibula, neryo ũbũge uti, Dawĩdĩ ka mwakanyisaba olugendo lwʼeriya eBetelehemũ eka wuwe; kusangwa iri obuhere bwʼomwaka busana nʼekĩtũnga kyosĩ.