1 Samwelĩ 2:30 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁰ Neryo Omwami Mukulu, Nyamuhanga wa Ĩsraelĩ ati, Kwenene monabũga nyiti ekĩtũnga kyawe, nʼekĩtũnga kya tata wawe, kyasyalendera embere syage emigulu yosĩ; nĩkwa lino Omwami Mukulu ati, Kinyihigukaleko. Kusangwa abakanyĩsĩkaya nasyasĩkyabo, nʼabakanyipona sĩbendĩsyasĩmwa ndeke.

1 Samwelĩ 2:30 Iomraidhean Croise

1 Abami 11:11

Busana nʼekyo, Omwami Mukulu mwabwira Solomono ati, Kusangwa wabirikola ekĩ, ĩsũlĩtateya endagano yage, nʼemigambo yage eyo nakuhana, kwenene nasyakusagula obwami, nʼerihabo oko mugombe wawe.

1 Abami 2:27

Neryo Solomono mwahiga Abĩatarĩ siabye mũhererĩ oko Mwami Mukulu, iniatoka erĩberererya ekĩnywa kyʼOmwami Mukulu ekyo abũga busana nʼekĩtũnga kya Elĩ eSĩlo.

1 Emyatsi yʼEmigulu 17:18

Dawĩdĩ angaswakubwira byahi busana nʼerĩsĩkya eryo lyabirikolwa oko mugombe wawe kwehĩ, kusangwa ũnasĩ omugombe wawe.

2 Emyatsi yʼEmigulu 15:2

Naye mwahuluka erĩyahĩndana na Asa, mwamubwira ati, Uwe Asa, nʼAbayũda bosĩ nʼAbabenyamĩna, mũnyowe. Omwami Mukulu ali haguma nenyũ omugulu muli haguma naye; nenyũ mwamamusonda-sonda, asyabanika kwĩnywe; nĩkwa mwamamũsĩganĩa naye asyabasĩga.

2 Emyatsi yʼEmigulu 26:18

Nabo mobayibambira oko mwami Ũzĩa, mobamubwira bati, Si mwatsi wawe, uwe Ũzĩa, erĩhĩsya obukwa busana nʼOmwami Mukulu, nĩkwa nĩ hamũlĩ yʼabahererĩ abagala ba Harũnĩ, ababirihigulwa busana nʼerĩhĩsya obukwa. Ũlũa omo habũyĩrĩre; kusangwa wabĩrĩhalya; kutse siryendisyakuletera erikengwa nʼOmwami Mukulu Nyamuhanga.

Esyonyimbo 18:20

Omwami Mukulu akanyihemba ngʼe­ritunganene lyage, Kandi akanyitsumula kusangwa Sindi ko lubanza.

Esyonyimbo 18:26

Werĩre oko bandu berĩre, Ũkalĩre oko bandu abakayihandika.

Esyonyimbo 50:23

Oyukahera obuhere bwʼewasĩngya, akanyĩsĩkaya; Kandi nasyalamya kwenene Abosĩ abakanyikenga.

Esyonyimbo 73:20

Mukama, bali ngʼerilota, erikabulirana omo ngyakya; Omugulu ukabuka ukibirirawa ngoko babya.

Esyonyimbo 91:14

Nyamuhanga ati, Nasyalamya abo abanyanzĩre, Nasyahanganira abandu abo abanyasĩ.

Esyonyimbo 91:15

Omugulu bakanyilakira, nasyasũbĩryabo; Omugulu bali omo bũlĩge, nasyabya haguma nabo. Nasyalamyabo nʼerĩsĩkyabo.

Erĩlũayo 28:43

nahyo hyasyabya uku Harũnĩ, nʼoko bagala buwe, omugulu bakingira omo Hema yʼerĩhĩndanamo, kutse omugulu bakasegera hakũhĩ nʼekiherero erikolera ahabũyĩrĩre; ibatasyaheka ebibi, bakasyahola. Ekĩ kyasyabya mugambo kera na kera busana naye nʼoko bana buwe enyũma wuwe.

Erĩlũayo 29:9

Kandi wasyakũndĩkabo emiremba, Harũnĩ nʼabagala buwe, nʼerĩambalyabo otũkĩra; basyabya nʼomũbĩrĩ wʼobũhererĩ omo mugambo wʼebiro byosĩ; kandi wasyahigula Harũnĩ nʼabagala buwe.

Emĩsyo 12:8

Omundu asyasĩkĩbwa ngʼamenge wuwe kwʼali; Nĩkwa owʼomutima wʼepono asyagananwa.

Emĩsyo 4:8

Ũhamayego, nago asyakutandalika; Asyakubanira erĩsĩkĩbwa, omugulu wasyakũmbatirago.

Emĩsyo 8:17

Nyanzĩre abakanyanza; Nʼabakanyĩsondaya nʼomũhwa basyanyibana.

Ĩsaya 29:13

Neryo Omukama mwabũga ati, Kusangwa abandu aba bakanyisimbirira, omo bĩnywa byabo kandi bakanyĩsĩkaya nʼemĩnywa yabo, nĩkwa babĩrĩsegerya emitima yabo yo hali kwĩngye, nʼerikenga lyabo busana nage ni mitsye yʼabandu eyo biga ngendo nyingi,

Yeremĩa 29:32

Busana nʼekyo, Omwami Mukulu ati, Lebaya nasyasuyira Semaya Omũnehelamĩ nʼabana buwe. Siendisyabya nʼomundu wʼerĩĩkala omo katĩkatĩ kʼabandu aba, kutse siendisyalola oko kibuya ekyo nasyakolera abandu bage, Omwami Mukulu atya, kusangwa abĩrĩbũga ebyʼerihona oko Mwami Mukulu.

Yeremĩa 49:15

Kusangwa lebaya, nabirikuyira mo muke omo bihanda, nʼoyukaponawa omo bandu.

Ezekĩelĩ 34:10

Omukama Iye Omwami Mukulu ati, Lebaya, ngalwa nʼabalĩsya nasyabũlya esyombũlĩ syage ewabo, nasyatsĩrĩsyabo okwʼĩrĩsya esyombũlĩ. Litya abalĩsya sibendisyaswayĩrĩsya kandi, nĩkwa nasyalamya ekihangulo kyage oko buno bwabo. Isitabya kalyo, busana nabo.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Malakĩ 1:6

Omugala akasĩkaya tata wuwe, nʼomugombe akasĩkaya omukama wuwe. Neryo namabya indi tata, erĩsĩkĩbwa lyage liri hahi kwehĩ? Kandi namabya indi mukama, erinyikenga liri hahi kwe­hĩ? Omwami Mukulu Wʼemilondo akabũga nʼĩnywe bahererĩ abakapona erĩna lyage, Nenyũ muti, Tukapona erĩna lyawe umu kyahi kwehĩ?

Malakĩ 2:3

Lebaya, nasyabayira abana benyũ, kandi nasyahakabya ebise omo mũsũ wenyũ, bye biro byʼobuhere bwenyũ, nenyũ mwasyalũsĩbwaho haguma nabyo.

Emiganzo 11:20

nĩkwa omukera muguma gosĩ, erĩhĩka aho syasyahulukira omo mihuli yenyũ, kandi syasyabagamba; kusangwa mwabirigana Omwami Mukulu oyuli omo katĩkatĩ kenyũ, imwabiriririra embere siwe muti, Busana nakĩ twalũa eMĩsĩrĩ kwehĩ?

Emiganzo 35:34

Nenyũ sĩmũsyetsandaya ekihugo ekyo mwĩkeremo, omo nyĩkere; kusangwa ĩngye, Mwami Mukulu, nyĩkere omo katĩkatĩ kʼabagala ba Ĩsraelĩ.

Yoane 12:26

Omundu amanyikolera, anyikwame, nʼaho nyiri ha nʼaho omugombe wage asyabya. Omundu amanyikolera, Tata asyamũsĩkya.

Yoane 5:23

Neryo abosĩ batoke erĩsĩkya Omugala, ngoko bakasĩkaya Tata. Oyũtesĩkaya Omugala, sĩalĩsĩkaya Tata oyo wamutuma.

Yoane 5:44

Mukatoka erĩkĩrĩrya muti, omugulu mukabana erĩsĩkanĩa omuguma oko gundi kwehĩ, isimulisonda-sonda erĩsĩkya erĩkalũa uku Nyamuhanga ĩyowene.

Yoane 8:49

Yesu mwasũbĩrya ati, Sindi ko mbĩnga, nĩkwa ngasĩkaya Tata wage, nenyũ mukanyihemula.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

1 Petero 1:7

Neryo erirengwako eryo lĩkamĩnyĩsaya erĩkĩrĩrya lyenyũ. Esyamagetsi sikanahera, nasyo sikalengawako omo muliro. Neryo erĩkĩrĩrya lyenyũ eriwite enzwere nene kwilaba esyamagetsi, litolere iryalengwako. Neryo mwasyabana eripipa nʼolukengerwa, nʼerĩsĩkĩbwa oko kiro ekyo Yesu Kristo asyabĩsũlwa.

Abatswerĩ 9:10

Nʼemiti moyabwira omuti wʼomũtĩnĩ iti, Nawe wase ututabaleko.