1 Samwelĩ 2:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Sihali oyũbũyĩrĩre ngʼOmwami Mukulu; Kusangwa sihali gundi butsira we, Kutse sihali gundi mwĩmĩrĩ nga Nyamuhanga wetu.

1 Samwelĩ 2:2 Iomraidhean Croise

2 Samwelĩ 22:3

Nyamuhanga wage, yukanyihanganira, ngamusagirako; Iye ni ngabo yage, nʼoyukanyimira, ni busagiro bwage, Nĩ mũlamya wage, oyũkandamaya oko bitsibu.

2 Samwelĩ 22:32

Kusangwa Nyamuhanga nindi, ate Mwami Mukulu kwehĩ? Nʼoyukatulwira nindi ate Nyamuhanga wetu kwehĩ?

2 Samwelĩ 7:22

Busana nʼekyo uli mukulu, uwe Mwami Mukulu, Nyamuhanga; kusangwa sihali oyulingene nawe, kutse sihali gundi Nyamuhanga ate inina we, ngʼebyosĩ twabĩrĩowĩra omo matwĩ wetu.

1 Abami 8:23

Mwabũga ati, Uwe Mwami Mukulu, Nyamuhanga wa Ĩsraelĩ, sihali Nyamuhanga oyuli nga we, omo lubula endata, kutse omo kihugo eyĩkwa; oyũkategaya endagane nʼobubuya bwʼolwanzo busana nʼabagombe bawe, abakalendera embere syawe nʼomutima wabo gosĩ.

Esyonyimbo 111:9

Abandu buwe mwaleterabo erilama, Kandi mwalagabo endagano yʼerikota. Naye abũyĩrĩre, kandi nĩ mbangĩ!

Esyonyimbo 18:2

Omwami Mukulu nĩ mũhanganĩrĩ wage, nʼahabambĩre hage, nʼomũlamya wage; Ni Nyamuhanga wage, nʼomũhanga nĩrĩ wage aho ngasagira; Iye ni ngabo yage, nʼoyukanyilwira, nʼobusayiro bwage.

Esyonyimbo 18:31

Kusangwa Nyamuhanga nindi ate yo Mwami Mukulu kwehĩ? Nyamuhanga ĩyowene akatwimira.

Esyonyimbo 71:19

Uwe Nyamuhanga, eritunganene ryawe rĩkahĩka oko kyanya. Wabirikola emyatsi mikulu; Uwe Nyamuhanga, nindi ali nga we kwehĩ?

Esyonyimbo 71:3

Ubye ahagũmĩre hage ahasĩkĩre, Uli ahakagatĩre hage ahʼerinyihanganira; Uli busayiro nʼomwĩmanĩrĩ wage.

Esyonyimbo 73:25

Ngwite ogundi elubula ate we kwehĩ? Kandi ekindi nangasonda muna-kihugo ni kyahi ate ini we kwehĩ?

Esyonyimbo 86:8

Uwe Mukama, sihali gundi Nyamuhanga nga we, uwe Mukama; Sihali oyukatoka erikola ngoko ukatoka erikola.

Esyonyimbo 89:6

Omo lubula sihali mundu ngʼOmwami Mukulu. Nindi yuli ngʼOmwami Mukulu omo katĩkatĩ kʼababũyĩrĩre bʼelubula kwehĩ?

Esyonyimbo 89:8

Uwe Mwami Mukulu, Nyamuhanga Wʼemilondo, sihali mundu wʼamaka nga we; Uwe Mwami Mukulu, omo myatsi yosĩ Suliregula.

Esyonyimbo 99:3

Abosĩ basyapipa erĩna liwe ĩnene nʼeryʼolukengerwa lwʼobusinge. Naye abũyĩrĩre!

Esyonyimbo 99:5

Mupipe Omwami Mukulu Nyamuhanga wetu; Mũramaye embere syʼekĩtũmbĩ kiwe kyʼobwami! Iye abũyĩrĩre!

Esyonyimbo 99:9

Mupipe Omwami Mukulu Nyamuhanga wetu, Mũramaye oko kitwa kiwe kĩbũyĩrĩre! Kusangwa Omwami Mukulu Nyamuhanga wetu abũyĩrĩre.

Erĩlũayo 15:11

Uwe Mwami Mukulu, nindi yuli nga we, Omo katĩkatĩ kʼesyonyamuhanga kwehĩ? Nindi yuli nga we owʼolukengerwa nʼomũbũyĩrĩre kwehĩ? Owʼeriubahwa omwʼipipa, erikola ebyʼeriswekera?

Ĩsaya 40:18

Mwasyalĩngĩrĩranĩa Nyamuhanga nandi kwehĩ? Kutse mwasyamũlĩngĩrĩranĩa nʼekĩsosekanĩo kyahi kwehĩ?

Ĩsaya 44:6

Omwami Mukulu, Omwami wa Ĩsraelĩ, nʼomũtongolya wuwe, Omwami Mukulu wʼemilondo ati, Ĩngye indi wʼerĩmbere, kandi indi wʼendũlĩ. Kandi sihali Nyamuhanga ate ngye.

Ĩsaya 44:8

Simutitimane simubahe. Mondakubwira kera, nʼerĩkũkangyago kwehĩ? Kandi ĩnywe muli balangĩrĩ bage. Hali Nyamuhanga ate ĩngye kwehĩ? kutse hali erindi Rĩbwe kwehĩ? Sĩnyasĩ nʼeriguma.

Ĩsaya 57:15

Kusangwa Oyuli wʼendata nʼoyũyĩsũmbĩre, oyukakota kera na kera, erĩna liwe lĩbũyĩrĩre, yũkabũga ati, Nyĩkere ahʼendata nʼahabũyĩrĩre, kandi nyĩkere haguma nʼoyuli nʼekĩrĩmũ kyolo-kyolo nʼerĩyĩkehya, nyitoke erĩsũbya ekĩrĩmũ kyʼerĩyĩkehya nʼerĩsũbya omutima wʼoyũkwĩre obũlĩge.

Ĩsaya 6:3

Omuguma mwabirikira ogundi ati, Abũyĩrĩre, abũyĩrĩre, abũyĩrĩre, yo Mwami Mukulu wʼemilondo. Ekihugo kyosĩ kyoswĩre nʼolukengerwa luwe.

Yeremĩa 10:6

Sihali nʼomuguma oyuli nga we, uwe Mwami Mukulu. Uwe uli mukulu nʼerĩna lyawe ni rikulu omo maka.

Abalawĩ 11:44

Kusangwa ĩngye indi Mwami Mukulu Nyamuhanga wenyũ. Neryo muyihigule, mubye babũyĩrĩre; kusangwa indi mũbũyĩrĩre. Kandi sĩmũsyeyĩtsandaya omo muhandakĩ wʼekindu ekikakululuka oko kitaka.

Abalawĩ 11:45

Kusangwa ĩngye indi Mwami Mukulu oyo wabalũsaya omo kihugo kyʼeMĩsĩrĩ, eribya Nyamuhanga wenyũ; neryo mwasyabya babũyĩrĩre, kusangwa indi mũbũyĩrĩre.

Abalawĩ 19:2

Ũbũge nʼendeko yosĩ yʼabana ba Ĩsraelĩ, ubwirebo uti, Mwasyabya babũyĩrĩre; kusangwa ĩngye Mwami Mukulu Nyamuhanga wenyũ nyĩbũyĩrĩre.

AbanyaRoma 15:4

Kusangwa ebyosĩ ebyasakawa erĩmbere omo Masako byasakawa busana nʼerĩtũkangĩrĩrya. Neryo Amasako akatuha eriyitsingirira nʼerihanda omutima, itwatoka eribya nʼamaha.

AbanyaRoma 4:8

Obutseme buli oko mundu oyo Omukama siendisyamuganzira kwʼebibi biwe.

Eryibuka Ebihano 3:24

Uwe Nyamuhanga Omwami Mukulu, wabĩrĩtsũka erĩkangya omugombe wawe, obukulu bwawe, nʼebyala byawe byʼamaka; kusangwa nyamuhanga ni wahi omo lubula kutse omo kihugo, oyo wangatoka erikola ngʼemĩbĩrĩ yawe, kandi ngʼemikolere yawe eyĩkalĩre kwehĩ?

Eryibuka Ebihano 32:20

Neryo mwabũga ati, Ngandĩbĩsabo obũsũ bwage, Ngandĩsyalebya endũlĩ yabo ko yasyabya. Kusangwa ni lulengo lwʼeriyihandika, Ni bana bate nʼobutalegula.

Eryibuka Ebihano 32:39

Mũlebaye ngoko ĩngye, ĩngye indi ye, Kandi sihali nyamuhanga ate ĩngye. Ĩngye ngĩta, kandi ngaha engebe; Nabĩrĩhũtalya, kandi nĩĩngye oyũkalamaya, Kandi sihali oyo wangalũsya omo byala byage.

Eryibuka Ebihano 32:4

Omũhanganĩrĩ oyo! Omũbĩrĩ wuwe ahĩkene; Kusangwa emibere yiwe yosĩ itunganene. Nyamuhanga oyuteregula kandi oyute nʼomwatsi ate wʼeribanza litunganene. Atunganene, kandi ni wʼerĩbanza lyʼekwenene.

Eryibuka Ebihano 4:35

Ĩnywe mwakangĩbawa ebyo, mutoke eriminya Omwami Mukulu kwʼali Nyamuhanga; sihali gundi nina ye.

Eryibuka Ebihano 4:39

Neryo muminye ekĩ kyo mũnabwĩre, mũhĩrekyo oko mutima wenyũ, Omwami Mukulu kwʼali Nyamuhanga omo lubula endata nʼomo kihugo eyĩkwa; sihali gundi.

1 Petero 1:16

Kusangwa Amasako ati, Mwasyabya babũyĩrĩre, ngoko nage nyĩbũyĩrĩre.