1 Samwelĩ 19:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Neryo Saũlo mwalenga eritsimita Dawĩdĩ omwʼĩtũmo erimutsindikira oko lũhĩmbo; nĩkwa mwayihengeka okwʼĩtũmo lya Saũlo, na Saũlo mwatsimita olũhĩmbo lʼomwʼĩtũmo; neryo Dawĩdĩ mwatibita, mwabala omo kiro ekyo.

1 Samwelĩ 19:10 Iomraidhean Croise

Esyonyimbo 124:7

Twabiribala ngʼenyonyũ kwʼikabala omo muguli wʼomũteyĩ; Omuguli abirikosa, netu tuli nʼobwĩranda!

Esyonyimbo 18:17

Kandi mwanyĩlamya oko nzĩgũ yage yʼamaka, Mwanyĩlamya oko bandu abanyĩkwa ekĩnĩga; Kusangwa babya banyĩrengĩrye kagala.

Esyonyimbo 34:19

Omundu oyutunganene akagalawa omo malĩge mangi, Nĩkwa Omwami Mukulu akamũlamaya omo gosĩ.

Esyonyimbo 37:32

Omundu mubi akalebaya oyutungane­ne, Iniakasonda erĩmwĩta.

Emĩsyo 1:16

Kusangwa ebisando byabo bikanguhira ebibi, Kandi bakayangũhĩrĩraya erĩũta omusasi.

Emĩsyo 21:30

Sihali menge kutse eriminya, Kutse ekihano ebikalwa nʼOmwami Mukulu.

Ĩsaya 54:17

Sihali kindu kyʼamalwa ekikahesawa erilwa nawe ekikandisyagasa, nʼobuli lulimi olũkakũhandĩkĩrĩraya omwʼitswera wasyasĩngalo. Oyũ ni mwandu wʼabagombe bʼOmwami Mukulu nʼerĩsĩngana lyabo lĩkalũa ũkwʼĩngye, Omwami Mukulu atya.

Hosea 6:4

Uwe Efũraĩmũ, ngandisyakukolakĩ kwehĩ? Uwe Yũda nasyakukolakĩ kwehĩ? Kusangwa obubuya bwawe buli ngʼekĩtũ kyʼengyakya-ngyakya, kandi ngʼekimi ekĩkalũaho omo tũtũtũ.

Matayo 10:23

Nĩkwa omugulu bakabendereraya omo mũyĩ muguma imwatibita oko gundi mũyĩ. Kwenene ngabũga nenyũ nyiti, Simwendisyalaba omo mĩyĩ yosĩ ya Ĩsraelĩ, Omugala wʼomundu ate ahĩka.

Luka 4:30

Nĩkwa Yesu mwalaba omo katĩkatĩ kabo mwagenda omo nzira yiwe.

Yoane 10:39

Kandi mobasonda-sonda erimutsimba, nĩkwa mwasunukala omo byala byabo.

AbaEbrania 11:34

Kandi mobalĩmya omuliro owakalĩre, mobabala omũyalĩ. Ababya bolo mobabana amaka, mobabya esyombangĩ omo malwa, nʼerihiga emilondo yʼehandi.

1 Samwelĩ 18:10

Neryo omo ngyakya wʼaho, ekĩrĩmũ kibi ekyo Nyamuhanga atuma mokyahĩka uku Saũlo nʼamaka, neryo mwabũga-bũgĩra omo nyũmba; na Dawĩdĩ naye mwawata enanga omo byala biwe, ngoko akanawatayo obuli kiro. Na Saũlo abya awite okwʼĩtũmo omo byala biwe;

1 Samwelĩ 18:11

Neryo Saũlo mwagusa erĩtũmo; ĩnĩakabũga ati, Nganditsimita Dawĩdĩ erĩmũkolya oko lũhĩmbo. Na Dawĩdĩ mwayihengeka ngendo kabiri.

1 Samwelĩ 19:6

Neryo Saũlo mwahulikirira omulenge wa Yonatana. Neryo Saũlo mwalahĩrya, ati, Ngoko Mwami Mukulu aneho, Dawĩdĩ sĩendĩsyĩtwa.

1 Samwelĩ 20:33

Neryo Saũlo mwamugusako erĩtũmo liwe erimutsimita; kyaleka Yonatana iniaminyira aho ĩse wuwe kwʼarũtĩrwe erĩĩta Dawĩdĩ.