1 Samwelĩ 18:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Kandi Dawĩdĩ mwayitondeka ndeke omo nzira siwe syosĩ; kusangwa Omwami Mukulu abya haguma naye.

1 Samwelĩ 18:14 Iomraidhean Croise

Enzũko 39:23

Neryo omũteya wʼenyũmba yʼomũlĩkĩ mwataswalangira ebyo Yosefũ akola kusangwa Omwami Mukulu abya haguma na Yosefũ. Ebyosĩ akola, Omwami Mukulu m watsumulabyo.

2 Samwelĩ 5:10

Kandi Dawĩdĩ mwakamaha nʼeribya mukulu; kusangwa Omwami Mukulu, Nyamuhanga wʼemilondo abya haguma naye.

2 Abami 18:7

NʼOmwami Mukulu mwabya haguma naye; ehosĩ aya mwabya nʼomũyĩsa; kandi mwahona oko mwami wʼeAsũrĩa, mwatamukolera.

1 Emyatsi yʼEmigulu 18:13

Neryo mwahĩra abateya eEdomũ; nʼAbaedomũ bosĩ mobabya bagombe ba Dawĩdĩ. Neryo Omwami Mukulu mwawatĩkya Dawĩdĩ ehosĩ aya.

1 Emyatsi yʼEmigulu 18:6

Neryo Dawĩdĩ mwahĩra abateya eSũrĩa yʼeDamasekĩ; nʼAbasũrĩa mobabya bagombe ba Dawĩdĩ, mobaleta omuhako. NʼOmwami Mukulu mwakĩndĩsya Dawĩdĩ ehosĩ aya.

2 Emyatsi yʼEmigulu 17:3

NʼOmwami Mukulu mwabya haguma na Yosafatĩ, kusangwa mwalendera omo syonzira syʼerĩmbere sya tata-kulu wuwe Dawĩdĩ, mwatasondya Baalĩ,

Esyonyimbo 101:2

Emigendere yage yasyabya butsira malolo, Wasyanyĩhĩkako mugulu wahi kwehĩ?

Matayo 1:23

Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

Matayo 28:20

Mũkangĩrĩrayebo bakole ebyosĩ ebyo nabiribahana. Kandi mwibuke! Ingye ko ndi haguma nenyũ ebiro byosĩ erĩhĩka okwʼihwererera lyʼemigulu.

Emibiri 18:10

Kusangwa indi haguma nawe. Sihali mundu oyo wasyakubambira, nʼerikukola nabi, kandi ngwite bandu bangi omo mũyĩ oyũ.

Yosũa 6:27

Neryo Omwami Mukulu abya haguma na Yosũa; nʼengulu yiwe moyagenderana omo kihugo kyosĩ.

Abatswerĩ 1:19

Neryo Omwami Mukulu mwabya haguma na Yũda; neryo mwahamba ekihugo kyʼebitwa; nĩkwa mwataluka erihiga esyondũlanĩ esyabya omo musya, kusangwa babya bawite esyogalĩ syʼebyuma.

1 Samwelĩ 10:7

Neryo omugulu ebiminyikalo ebĩ byamabĩkũhĩkako, Ukole ngʼekyamakwanguhira; kusangwa Nyamuhanga ali haguma nawe.

1 Samwelĩ 16:18

Neryo omũlwana muguma mwasũbĩrya ati, Talebaya, nabirilangira mugala wa Yese Munya Betelehemũ, asĩ eriwatayo ndeke, kandi nĩ mbangĩ yʼamaka, kandi ni mundu wʼamalwa, kandi nĩ mbũyĩ, nʼomundu mubuya; kandi Omwami Mukulu ali haguma naye.

1 Samwelĩ 18:15

Nʼomugulu Saũlo alangira kwʼayĩtondekĩre ndeke, mwamubaha.

1 Samwelĩ 19:8

Neryo mohabya amalwa kandi; na Dawĩdĩ mwahongoka, mwalwa nʼAbafĩlĩstĩnĩ, kandi mwĩtabo bwĩte bimene, nabo mobamusaga mobatibita.

1 Samwelĩ 3:19

Neryo Samwelĩ mwakula, nʼOmwami Mukulu mwabya haguma naye, mwataleka ekĩnywa kiwe nʼekiguma kikabulirana.