1 Samwelĩ 17:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nʼolumango lwʼerĩtũmo liwe ĩlũsosĩre ngʼomugamba wʼomũlũkĩ wʼesyongohe; nʼekigembe kyʼerĩtũmo liwe kyabya kyʼekĩlo mwenda kyʼebyuma. Nʼomũhekĩ wʼengabo yiwe iniakagenda embere siwe.

1 Samwelĩ 17:7 Iomraidhean Croise

2 Samwelĩ 21:16

Neryo Ĩsĩbĩbenobĩ, oyo wabya gʼoko bali-bali, obũlĩto bwʼerĩtũmo liwe bwabya sekelĩ syʼemiringa magana asatu, iniambite omũyalĩ muhya-muhya, mwasonda erĩĩta Dawĩdĩ.

2 Samwelĩ 21:19

Kandi mohaswabya amalwa nʼAbafĩlĩstĩnĩ eGobũ; na Elhananĩ mugala wa Yare-oregĩmũ Omũbetelehemũ, mwĩta Golĩata Omũgĩtĩ, olumango lwʼerĩtũmo liwe lwabya ngʼomuti wʼomũlũkĩ.

1 Emyatsi yʼEmigulu 11:23

Kandi mwĩta Omunya Mĩsĩrĩ, omundu muli kutsibu, owʼemetere 2.30; nʼomo byala byʼOmunya Mĩsĩrĩ mwabya erĩtũmo eriri ngʼomuti wʼomũlũkĩ; neryo Benaya mwamwandagalirako nʼomũtso, mwapũra erĩtũmo omo byala byʼOmunya Mĩsĩrĩ, mwamwĩta omwʼĩtũmo liwe.

1 Emyatsi yʼEmigulu 20:5

Neryo kandi mohabya amalwa nʼAbafĩlĩstĩnĩ; na Elhananĩ mugala wa Yaĩrĩ mwĩta Lamĩ mugala wabo Golĩata Omũgĩtĩ, nʼolumango lwʼerĩtũmo liwe lwabya ngʼomuti gʼomũlũkĩ.

1 Samwelĩ 17:41

NʼOmũfĩlĩstĩnĩ oyo mwayĩtũnda eyiri Dawĩdĩ; nʼomuhekĩ wʼengabo yiwe mwamubera embere.