1 Samwelĩ 17:47 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁷ nʼendeko yosĩ eyĩ iminye Omwami Mukulu kwʼatelamĩraya omo mũyalĩ nʼerĩtũmo; kusangwa amalwa ni wʼOmwami Mukulu, naye yũkandĩbahĩra omo byala byetu.

1 Samwelĩ 17:47 Iomraidhean Croise

2 Abami 5:15

Neryo omugulu Namanĩ asuba ahali omundu wa Nyamuhanga, iye nʼendeko yiwe yosĩ, mobahangana embere siwe; neryo mwabũga ati, Lebaya lino, nyĩnasĩ ngoko hate Nyamuhanga omo kihugo kyosĩ, mo nʼomo Ĩsraelĩ. Na lino kĩsĩ-kĩsĩ, wĩmaye olũsũnzo oko mugombe wawe.

2 Emyatsi yʼEmigulu 14:11

Na Asa mwalakira Omwami Mukulu Nyamuhanga wuwe, mwabũga ati, Omwami Mukulu, sihali gundi nga we owʼerĩwatĩkya, omo katĩkatĩ kʼowʼamaka nʼoyutawite maka; uwe Mwami Mukulu Nyamuhanga wetu, ũtũwatĩkaye; kusangwa tukayiketera we, nʼomo lĩna lyawe tukayalwa nʼendeko eyĩ. Uwe Mwami Mukulu, nina we Nyamuhanga wetu; Suleke mundu akakũsĩnga.

Esyonyimbo 46:11

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Hosea 1:7

Nĩkwa nasyaganyira ekĩtũnga kya Yũda, nasyalamyabo oko Mwami Mukulu Nyamuhanga wabo, ĩsĩndĩendĩsyalamyabo omo buta, kutse omo mũyalĩ, kutse omo malwa, kutse omo syosabayĩrĩ, kutse omo bagendya bʼesyosabayĩrĩ.

Zekarĩa 4:6

Neryo mwasũbĩrya mwambwira ati, Ekĩ nĩ kĩnywa kyʼOmwami Mukulu uku Zerũbabelĩ, kiti, Si busana nʼamaka, kutse busana nʼobũtokĩ, nĩkwa busana nʼOmũlĩmũ wage, Omwami Mukulu Wʼemilondo atya.

AbanyaRoma 8:31

Neryo tũbũgekĩ busana nʼemyatsi eyĩ kwehĩ? Nyamuhanga amabya ali oko luhande lwetu, nindi yo wangaswalwa netu kwehĩ?

AbanyaRoma 8:37

Nĩkwa omo myatsi yosĩ eyĩ tũkakĩnda ndeke busana nʼoyo watwanza!

Yosũa 10:8

Kandi Omwami Mukulu mwabũga na Yosũa ati, Sigubahebo; kusangwa nabĩrĩhĩrabo omo byala byawe; sihali mundu oyo wasyahangana embere syawe.

1 Samwelĩ 14:6

Neryo Yonatana mwabwira omũlwana oyo waheka ebindu byʼamalwa biwe ati, Wase, tusokere oko bateya batabwene aba; kwamũhwa Omwami Mukulu asyatukolera; kusangwa sihali ekyʼerĩkakĩrya Omwami Mukulu erĩlamya omo bangi kutse omo bake.

1 Samwelĩ 18:17

Neryo Saũlo mwabwira Dawĩdĩ ati, Lebaya, mwali wage mukulu ye Merabũ yono, ngandikuhaye eribya mũkalĩ wawe; nĩkwa ekiguma kisa ubye mbangĩ busana nage, ulwire Omwami Mukulu. Kusangwa Saũlo ayibwira ati, Ebyala byage sibimubyeko, nĩkwa ebyala byʼAbafilĩstĩnĩ byo bilwe naye.