1 Samwelĩ 17:43 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴³ NʼOmũfĩlĩstĩnĩ mwabũga na Dawĩdĩ ati, Indi mbwa kikaleka iwanyasira nʼemyũtso kwehĩ? NʼOmũfĩlĩstĩnĩ mwatsuma Dawĩdĩ omo nyamuhanga siwe.

1 Samwelĩ 17:43 Iomraidhean Croise

Enzũko 27:29

Kandi abandu bakukolere Ebihanda byũname embere syawe; Ubye mukama uku bagala benyũ, Nʼabagala ba koyo wawe bakũnamire; Atakirawe oyukakutakira, Nʼobuli mundu oyukakutsumula atsumulawe.

2 Samwelĩ 16:5

Nʼomugulu omwami Dawĩdĩ ahĩka eBahũrĩmũ, mohahuluka omundu wʼomo kĩtũnga kya Saũlo, oyo wahulawa mo Sĩmeĩ, mugala wa Gera; mwahuluka, iniakamutsuma akasa.

2 Samwelĩ 16:9

Neryo Abĩsayĩ mugala wa Zerũya mwabwĩra omwami ati, Busana nakĩ embwa eyĩholĩre eyĩ ikatsuma omukama wage mwami kwehĩ? Uleke nyilabe nyĩmũlũsaye kʼomutwe wuwe.

2 Samwelĩ 3:8

Neryo Abenerĩ mwahitana kutsibu, busana nʼebĩnywa bya Ĩsĩbosetĩ, ati, Kwʼĩngye indi mutwe wʼembwa ya Yũda kwehĩ? Mũnabwĩre namakola ebibuya oko kĩtũnga kya tata wawe Saũlo, nʼoko bagala babo nʼoko bĩra buwe, kandi sinditakuhotera omo byala bya Dawĩdĩ; nĩkwa ũkanyĩhandĩkĩrĩraya olubanza mũnabwĩre busana nʼomũkalĩ oyũ.

2 Samwelĩ 9:8

Kandi Mefĩbosetĩ mwamũnamira ahisi, mwabũga ati, Ko mugombe wawe ni wahi, uti ukasamalira embwa ĩholĩre nga ngye ko nyiri.

1 Abami 20:10

Na Benĩ-Hadadĩ mwamutumirako ati, Esyonyamuhanga sĩsĩnzĩge, na kwilaba aho nibya, olũtũtũ lwʼeSamarĩa lwamatenditsungana omo biganza byʼabandu bosĩ abangwamĩre.

2 Abami 8:13

Neryo Hazaelĩ mwabũga ati, Nĩkwa omugombe wawe nĩkĩ, oyuli mbwa buyira, uti angakola ekitsibu ekĩ kwehĩ? Elĩsa mwasũbĩrya ati, Omwami Mukulu abĩrĩnyĩkangya ngoko Wasyabya mwami wʼeSũrĩa.

Emĩsyo 26:2

Ngʼakasinimbira omwʼitambayira lyako, Ngʼendambira omwʼiguluka lyayo, Litya eritakira eritawite ekikaleka siryehĩka.

Emiganzo 22:6

Neryo ngakusaba nyiti, Wase, unyitsumire abandu aba; kusangwa bakalĩre kwĩngye; kwamũhwa nasyatoka erĩkĩndabo, inatoka erihigabo omo kihugo kusangwa nyĩnasĩ oyo gukatsumula ni mutsumulwa, nʼoyo gukatakira ni mutakirwa.

Abatswerĩ 9:27

Kandi mobaya omwʼirima, moboha ebĩgũma byʼamalima wʼebĩnyũ wabo, mobakamabyo, mobatsemerabyo, kandi mobingira omo nyũmba ya nyamuhanga wabo, mobalya mobapũlya, mobalakira Abĩmelekĩ.

1 Samwelĩ 14:12

Kandi abateya mobabwira Yonatana nʼomũhekĩ wuwe wʼebindu byʼamalwa, bati, Mwirukire aho tuli, netu tũkandĩbalolya oko mwatsi. Neryo Yonatana mwabwira omũhekĩ wʼebindu biwe byʼamalwa, ati, Uhetuke enyũma syage; kusangwa Omwami Mukulu abĩrĩhĩrabo omo byala byʼAbaĩsraelĩ.

1 Samwelĩ 24:14

Ko mwami wa Ĩsraelĩ akahongokerandi kwehĩ? Ukakwamirirandi kwehĩ? ekĩholerya kyʼembwa, kutse ekisito kiguma kwehĩ?

1 Samwelĩ 24:15

Neryo Omwami Mukulu abye mũtswerĩ, atwe olubanza omo katĩkatĩ kage nawe, kandi alangire, imire omwatsi wage, kandi anyĩlamaye omo byala byawe.