1 Samwelĩ 17:34 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁴ Neryo Dawĩdĩ mwabũga na Saũlo, ati, Omugombe wawe abere akalĩsya esyombũlĩ syʼĩse wuwe, nʼomugulu endale kutse edubu syasa nʼeritsimba ekyana kyʼembũlĩ omo kĩhyo,

1 Samwelĩ 17:34 Iomraidhean Croise

Enzũko 31:39

Esyĩtawa nʼebisoro mondakuleterasyo. Ĩngyowene monaheka eririha lyasyo; mowabũlyasyo omo byala byage, kutse syamĩbwa omwʼitungi kutse omo kiro.

2 Samwelĩ 17:8

Kandi Hũsaĩ mwabũga ati, Ũnasĩ tata wawe nʼabandu buwe ko bali mbangĩ, kandi bakalĩre, ngʼedubu eyiriasagulawa ebyana byayo omolĩ. Kandi tata wawe ni mundu wʼamalwa, isiendireka abandu bakayato.

2 Samwelĩ 23:20

Na Benaya, mugala wa Yehoyada mugala wʼembangĩ wʼeKabũzeelĩ, oyo wakola emĩbĩrĩ eyĩkalĩre, yo wĩta abagala babiri ba Arĩelĩ wʼeMoabũ; naye mwandagala neryo mwĩta endale yʼomo buhya omo kiro kyʼeritsuku lyʼenzururu.

1 Emyatsi yʼEmigulu 11:22

Benaya mugala wa Yehoyada, mugala wʼembangĩ wʼeKabũseelĩ, owʼamaka omo mĩbĩrĩ, mwĩta abagala babiri ba Arĩelĩ wʼeMoabũ; kandi mwandagala omo buhya mwĩta endale oko mugulu wʼenzururu.

Esyonyimbo 143:5

Ngibuka ebiro ebyalaba; Ngaganĩraya ebyosĩ ebyo wabirikola, Ngibuka emĩbĩrĩ yawe yosĩ.

Ezekĩelĩ 34:12

Ngoko mũlĩsya akalembera ekihangulo kiwe omo musibo omugulu ali omo katĩkatĩ kʼesyombũlĩ siwe esipanzikene, litya nasyalembera esyombũlĩ syage nyitya. Nasyalamyasyo ehosĩ eyo syapanzikanira omo kiro kyʼebĩtũ nʼomwĩrĩmya.

Amosĩ 3:12

Omwami Mukulu ati, Ngoko mũlĩsya kwʼakanyegũlaya ebihinga bibiri omo buno bwʼendale, kutse ekihande kyʼokũtũ, abana ba Ĩsraelĩ ko basyanyegũlĩbwa batya abĩkere eSamarĩa haguma nʼomũsĩke wʼengyingo, nʼoko musegemo wʼeharĩrĩ wʼengyingo.

Zekarĩa 11:16

Kusangwa, lebaya, nasyahanganĩa omũlĩsya omo kihugo, oyutendisyatsomana erirembera esikahera, kutse eriyasonda-sonda esyapanzawa, kutse erĩlamya eyabũnĩka, kutse erĩrĩsya eyiriho; nĩkwa asyalya esĩswĩ syʼesyombũlĩ esĩnenehĩre, nʼeritula ebigere byasyo mo bihande-bihande.

Zekarĩa 9:7

Nage nasyalũsya omusasi wabo omo buno bwabo, nʼesyonye syabo nasyalũsyasyo omo katĩkatĩ kʼameno wabo; nabo basyabya basĩgalira busana na Nyamuhanga wetu; kandi basyabya ngʼekihanda kyʼeYũda, nʼeEkronĩ asyabya ngʼOmũyebũsĩ.

Luka 2:8

Neryo omo kihugo ekyo habya abalĩsya ababya bakasiba omolĩ ĩbakategaya ebihangulo byabo omo kiro.

Yoane 10:11

Ĩngye indi mũlĩsya wowene. Omũlĩsya wowene akasiga engebe yiwe busana nʼesyombũlĩ.

AbanyaRoma 5:4

Nʼerĩyĩyĩnĩa likaleta erĩsĩmwa na Nyamuhanga, nʼerĩsĩmwa likaleta amaha.

AbaEbrania 11:33

mobakĩnda amami busana nʼerĩkĩrĩrya, mobakola emĩbĩrĩ yʼeritunganene, mobabana ebyo Nyamuhanga alaga, mba amuno wʼesyondale.

Eribisurirwa 13:2

Enyama eyo nalangira yabya yĩsosĩre esoro, nʼebisando byayo ĩbĩsosĩre ebisando byʼedubu, nʼobuno bwayo ĩbũsosĩre obuno bwʼendale. Kandi ekiyoka ekyo mokyaha enyama eyo amaka wakyo, nʼekĩtũmbĩ kyakyo kyʼobwami, nʼehamũlĩ nene.

Abatswerĩ 14:6

Omũlĩmũ wʼOmwami Mukulu mwamũhĩkako omo maka, neryo mwatulayo ngoko angatũlĩre ekyana kyʼembene; kandi isiawite uku kindu omo byala biwe; nĩkwa mwatabwira tata wuwe kutse koyo wuwe ebyo akolĩre.

1 Samwelĩ 17:15

Neryo Dawĩdĩ mwabya akaya eyiri Saũlo nʼeriswasubula akayalĩsya esyombũlĩ syʼĩse wuwe eBetelehemũ.

1 Samwelĩ 17:33

Neryo Saũlo mwabũga na Dawĩdĩ ati, Siwangatoka erihongokera Omũfĩlĩstĩnĩ oyũ nʼerilwa naye; kusangwa ukine mũlwana, naye ni mulume wʼamalwa erĩtsũka omo bũlwana buwe.

1 Samwelĩ 17:35

monakwamayo, monaswĩryayo, nʼerĩnyegũlyayo omo buno bwayo; nʼomugulu yanyigulukira, monabakula esyonzununu syayo, monaswĩryayo monĩtayo.