1 Samwelĩ 17:26 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁶ Neryo Dawĩdĩ mwakanĩa nʼabandu ababya bimene hakũhĩ naye ati, Omundu oyo wasyĩta Omũfĩlĩstĩnĩ oyũ nʼerĩlũsya ekĩtsũmĩ kyʼoko Baĩsraelĩ asyakolerwakĩ kwehĩ? Kusangwa Omũfĩlĩstĩnĩ utabwene oyũ nindi oyukatsuma emilondo ya Nyamuhanga oyuliho kwehĩ?

1 Samwelĩ 17:26 Iomraidhean Croise

2 Abami 19:4

Kwamũhwa Omwami Mukulu Nyamuhanga wawe akandĩowa ebĩnywa byosĩ bya Rabsake oyo mukama wuwe omwami wʼeAsũrĩa abirituma eritsuma Nyamuhanga oyuliho, kandi akandikunga ebĩnywa ebyo Mwami Mukulu Nyamuhanga wawe abĩrĩowa; busana nʼekyo, Usumbe erisaba lyawe busana nʼenzĩgalya eyabĩrĩsĩgala.

2 Emyatsi yʼEmigulu 32:17

Kandi mwasaka esyobarua nibya, eritsuma Omwami Mukulu Nyamuhanga wa Ĩsraelĩ, nʼerĩbũga nabi busana naye, ati, Ngoko esyonyamuhanga syʼebihanda syʼebihugo, esĩtalamaya abandu babo omo byala byage, litya Nyamuhanga wa Hezekĩa sĩendĩsyalamya abandu buwe omo byala byage.

Nehemĩa 5:9

Kandi monabũga nyiti, Omwatsi mukakola sĩowene; siritolere mukalendera omʼubaha lya Nyamuhanga wetu kwehĩ busana nʼebĩtsũmi byʼebihanda esyonzĩgũ syetu?

Esyonyimbo 44:13

Wabirituyira mo maseko embere syʼabalĩkyetu; Bakatũsekereraya, nʼeritutenyerako oko bali hakũhĩ netu.

Esyonyimbo 74:18

Nĩkwa Omwami Mukulu Wibuke, ngoko esyonzĩgũ syawe sikakuseka, Kandi abandu bakĩrũ bakakupona.

Esyonyimbo 79:12

Uwe Mukama, ulihe ebindi bihanda ngendo sirinda, Busana nʼebĩtsũmĩ ebyo babirikutsuma.

Ĩsaya 37:23

Wabiriponandi nʼeritsumandi kwehĩ? Kandi wabĩrĩkandalya omulenge wawe ukundi, nʼerisumbira ameso wawe endata? Ko nʼoko Yũbũyĩrĩre wa Ĩsraelĩ!

Yeremĩa 10:10

Nĩkwa Omwami Mukulu yo Nyamuhanga wʼekwenene. Iye ni Nyamuhanga oyuliho, kandi ni Mwami wa kera na kera. Erihitana liwe lĩkatĩtĩmanaya ekihugo, nʼebihanda sibyetoka eribegera erihitana liwe.

Yeremĩa 9:25

Omwami Mukulu ati, Lebaya, ebiro bikasa, nasyasuyira abosĩ babanĩbawa nĩkwa sibabwene:

Yeremĩa 9:26

EMĩsĩrĩ, nʼeYũda, nʼeEdomũ, nʼabana ba Amonĩ, nʼeMoabũ, nʼabosĩ abakatũa esyonzwiri oko mbũmo syabo, abĩkere omo mbwarara. Kusangwa ebihanda byosĩ sibibwene, nʼekĩtũnga kyosĩ kyʼeĨsraelĩ sikibwene omo mutima.

Ezekĩelĩ 28:10

Wasyahola oluholo lwʼabatabwene omo byala byʼabandu bʼehandi kusangwa nabĩrĩbũgakyo, Omukama Iye Omwami Mukulu atya.

Danĩelĩ 5:23

nĩkwa ukayihagata erilwa nʼomukama wʼelubula; kandi wabirireta esyondehĩ syʼenyũmba yiwe embere syawe, nawe nʼabakama bawe, nʼabakalĩ bawe, nʼabahwekĩ bawe, mwabĩrĩpũlĩrya musyo mwʼebĩnyũ kandi wabiripipa esyonyamuhanga syʼekĩtsĩpa nʼesyamagetsi, nʼesyʼomulinga, nʼesyʼekyuma, nʼesyʼemiti nʼesyʼamabwe, esitelangira, kutse erĩowa, kutse eriminya; na Nyamuhanga oyuli nʼomuka wawe wʼengebe omo byala biwe, nʼoyuli nʼesyonzira syawe syosĩ omo byala biwe, sulitamupipa.

Danĩelĩ 6:27

Akalamaya nʼerisabula, kandi akakola ebĩmĩnyĩsyo nʼebyʼeriswekera omo lubula nʼomo kihugo, oyũ yũlĩalamaya Danĩelĩ oko maka wʼesyondale.

Danĩelĩ 9:16

Uwe Mukama, ngʼemĩbĩrĩ yawe yosĩ itunganene, uleke erihitana lyawe nʼerikarama lyawe bĩlũe oko mũyĩ wawe eYerũsalema, ekitwa kyawe kĩbũyĩrĩre; kusangwa busana nʼebibi byetu, nʼebibi byʼabotata wetu, eYerũsalema nʼabandu bawe babiribya kĩtsũmĩ oko bandu bosĩ abatũtĩmbĩreko.

Yoelĩ 2:19

Neryo Omwami Mukulu asyasũbĩrya nʼeribwira abandu buwe ati, Lebaya, nasyabatumira engano, nʼebĩnyũ bihya-bihya, nʼamagũta, nenyũ mwasyũgũta mubyo; isindiendisyaswabayira kandi mo kĩtsũmĩ omo katĩkatĩ kʼebihanda.

Eryibuka Ebihano 5:26

Kusangwa nindi oko mibiri yosĩ, oyo wabĩrĩowa omulenge wa Nyamuhanga oyuliho, akabũgĩra omo muliro, ngoko twabĩrĩowago, iniatahola kwehĩ?

1 AbanyaTesalonika 1:9

Kusangwa abandu bosĩ bakatũlago ngoko mwatũkokaya, kandi ngoko mwaleka esyosanamu nʼeribindukira Nyamuhanga, imwatoka erikolera Nyamuhanga wʼekwenene, oyuliho.

Yosũa 3:10

Neryo Yosũa mwabũga ati, Ũkwʼekĩ mwasyaminya ko Nyamuhanga oyuliho ali omo katĩkatĩ kenyũ, kandi siendisyabula erihigira eyĩhya embere syenyũ Omukanana, nʼOmũhĩtĩ, nʼOmũperezĩ, nʼOmũgĩrgasĩ, nʼOmũamorĩ, nʼOmũyebũsĩ.

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.

1 Samwelĩ 11:2

Neryo Nahasĩ Omũamonĩ mwabwirabo ati, Ngandilagana nenyũ omo mwatsi muguma ono, nyiti ameso wenyũ gosĩ wʼamali gʼobuli mundu alolawe; kandi nasyayirakyo mo kĩtsũmĩ oko Baĩsraelĩ bosĩ.

1 Samwelĩ 14:6

Neryo Yonatana mwabwira omũlwana oyo waheka ebindu byʼamalwa biwe ati, Wase, tusokere oko bateya batabwene aba; kwamũhwa Omwami Mukulu asyatukolera; kusangwa sihali ekyʼerĩkakĩrya Omwami Mukulu erĩlamya omo bangi kutse omo bake.

1 Samwelĩ 17:10

Kandi Omũfĩlĩstĩnĩ mwabũga ati, Mũnabwĩre ngohaya emilondo ya Ĩsraelĩ; mumbe mundu tulwe haguma.

1 Samwelĩ 17:30

Neryo mwamuleka mwakebera ogundi mwabũga naye ebine ngʼebyo; nʼabandu mobamũsũbĩrya ngʼerĩmbere.

1 Samwelĩ 17:36

Omugombe wawe mwĩta esĩbĩrĩ syosĩ, endale nʼedubu, nʼOmũfĩlĩstĩnĩ utabwene oyũ akandibya nga nguma ya kusyo, kusangwa akatsuma emilondo ya Nyamuhanga oyuliho.

1 Samwelĩ 31:4

Neryo Saũlo mwabwira omũhekĩ wuwe wʼebindu byʼamalwa, ati, Kula omũyalĩ wawe, ũnyĩlũbe gomo, abatabwene aba bakasyanyĩlũba gomo, nʼerĩnyĩsekererya. Nĩkwa omũhekĩ wuwe wʼebindu byʼamalwa mwagana; kusangwa mubaha kutsibu. Kyaleka Saũlo ĩnĩmya omũyalĩ wuwe mwawa mugo.