1 Samwelĩ 17:25 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁵ Nʼabalume ba Ĩsraelĩ mobabũga bati, Ko mwanamalangira omulume oyukahetuka kwehĩ? Kwenene akahetuka erĩkaba-kabya Abaĩsraelĩ. Kandi omundu oyo wasyamwĩta, omwami asyamũtekesya obuteke bunene, kandi asyamũherũkĩrya mwali, kandi asyaleka ekĩtũnga kyʼĩse wuwe ikyabya bwĩranda omo Baĩsraelĩ.

1 Samwelĩ 17:25 Iomraidhean Croise

Ezera 7:24

Nibya tũkabamĩnyĩsaya tuti sĩrĩhamwĩre erĩsolesya abahererĩ, nʼAbalawĩ, nʼabĩmbĩ, nʼabateya bʼesyongyo, nʼabagombe bʼeHekalũ, kutse abagombe bʼenyũmba eyĩ ya Nyamuhanga, kutse engemu, kutse omusolo wʼenzira.

Matayo 17:26

Petero mwamũsũbĩrya ati, Nĩ bagenĩ. Neryo Yesu mwamubwira ati, Neryo abana siberiha.

Yosũa 15:16

Kandi Kalebũ mwabũga ati, Oyũkandĩsyĩta Kĩrĩatĩ-seferĩ, nʼerĩĩmyago, nasyamuha Akĩsa mwali wage eribya mũkalĩwe.

Eribisurirwa 2:17

Oyuwite amatwĩ, owe ebyo Mũlĩmũ akabwira esyokanĩsa! Oyũkakĩnda, nasyamuha oko mana awabĩsĩre. Kandi nasyamuha erĩbwe lyeru-lyeru, erĩsakĩreko erĩna lihya-lihya, erĩtasĩbwe nʼomundu yo nʼoyukangiriralyo.

Eribisurirwa 2:7

Oyuwite amatwĩ owe ebyo Mũlĩmũ akabwira esyokanĩsa! Oyũkakĩnda, nasyamuha ehamũlĩ yʼerirya oko bĩgũma byʼomuti wʼengebe, owakalasa omo Paradĩso, yʼeririma lya Nyamuhanga.

Eribisurirwa 3:12

Oyukakinda, nasyamuyira mo ndũyĩ yʼomo Hekalũ ya Nyamuhanga wage, kandi isiendĩsyalũamo kera na kera. Kandi nasyamusaka kwʼerĩna lya Nyamuhanga wage, nʼerĩna lyʼomũyĩ wa Nyamuhanga wage, go mũyĩ wʼeYerũsalema muhya-muhya, owakandisyandagala akalũa elubula uku Nyamuhanga wage. Kandi nasyamusakako erĩna lyage lihya-lihya.

Eribisurirwa 3:21

Oyũkakĩnda, nasyamuha ehamũlĩ erĩĩkala haguma nage oko kĩtũmbĩ kyage kyʼobwami, ngoko nĩkala haguma na Tata wage oko kĩtũmbĩ kiwe kyʼobwami.

Eribisurirwa 3:5

Oyũkakĩnda asyambalĩbwa esyongimba nyeru-nyeru, kandi sindiendisyasangula erĩna liwe omo kitabu kyʼengebe. Nasyakangya erĩna liwe embere sya Tata wage, nʼabamalaĩka buwe.

1 Samwelĩ 17:24

Kandi abalume bosĩ ba Ĩsraelĩ, omugulu balola oko mundu oyo, mobamusaga, mobubaha kutsibu.

1 Samwelĩ 17:27

Nʼabandu mobamũsũbĩrya omo mũsĩndo oyũ bati, Ko kyanasyakolerwa kitya oko mundu oyo wasyamwĩta.