1 Samwelĩ 17:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nĩkwa Dawĩdĩ abya mugala wʼOmunya Efũratĩ wʼeBetelehemũ-yũda, iniakahulawa mo Yese; naye abya awite bagala munani; nʼomundu oyo abya mũsyakulu oko mugulu wa Saũlo, iniamakota omo katĩkatĩ kʼabandu.

1 Samwelĩ 17:12 Iomraidhean Croise

Enzũko 35:19

Neryo Rakelĩ mwahola, mwatabwa omo nzira yʼeEfũratĩ (eyu ye Betelehemũ).

2 Samwelĩ 23:1

Neryo ebĩ bye bĩnywa bya Dawĩdĩ byʼendũlĩ. Dawĩdĩ mugala wa Yese ati, Nʼomundu oyo wahamĩbawa ati, Nʼoyo Nyamuhanga wa Yakobo ayisoga eribya mwami, Nʼomwĩmbĩ mubuya wa Ĩsraelĩ ati,

Esyonyimbo 132:6

Motowa omwatsi wʼerĩsandũkũ lyʼerilagana eBetelehemũ, Motwabanalyo omo kihugo kyʼeYearĩmũ.

Mĩka 5:2

Nĩkwa uwe Betelehemũ-Efurata, oyuli muke eribya omo katĩkatĩ kʼamaelfu wʼeYũda, umʼuwe mwasyahuluka omuguma busana nage oyo wasyabya mũtabalĩ omo Ĩsraelĩ, erihuluka liwe litula kera oko migulu ya kera na kera.

Matayo 1:6

Yese abya ĩse wʼOmwami Dawĩdĩ. Dawĩdĩ abya ĩse wa Solomono (nyĩnya wuwe abya mũkalĩ wa Ũrĩa);

Matayo 2:1

Neryo Yesu mwabutwa omo mũyĩ wʼeBetelehemũ, omo kihugo kyʼeYũdea oko mugulu Herode abya mwami. Neryo lebaya, abandu bʼamenge mobalũa eyo eryuba likahulukira, mobahĩka eYerũsalema, bati,

Matayo 2:6

Uwe Betelehemũ omo kihugo kyʼe Yũda, Suli muke nʼahake omo katĩkatĩ kʼabakulu bʼeYũda; Kusangwa omũtabalĩ asyalũa ewawe, Oyo wasyateya abandu bage Ĩsraelĩ.

Rũta 1:2

Erĩna lyʼomundu oyo lyabya, Elĩmelekĩ, nʼerĩna lya mũkalĩwe iyo Naomĩ, nʼamena wʼabagala buwe babiri, Malona na Kĩlĩonĩ, Abaefurata bʼeBetelehemũ wʼeYũda. Kandi mobahĩka omo kihugo kyʼeMoabũ, mobĩkalayo.

Rũta 4:17

Kandi abakalĩ balĩkyabo mobamuluka erĩna, bati, Naomĩ amabutirwa omugala; neryo mobahula erĩna liwe mo Obedĩ. Naye nʼĩse wa Yese, ĩse wa Dawĩdĩ.

Rũta 4:22

na Obedĩ mwabuta Yese, na Yese mwabuta Dawĩdĩ.

1 Samwelĩ 1:1

Neryo habya omundu muguma wʼeRamataĩmũ-sofimũ, owʼekihugo kyʼebitwa kya Efũraĩmũ, nʼerĩna liwe lyabya Elkana, mugala wa Yerohamũ, omugala wa Elĩhũ, omugala wa Tohũ, omugala wa Zũfũ, Omũefũraĩmũ.

1 Samwelĩ 16:1

Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 16:18

Neryo omũlwana muguma mwasũbĩrya ati, Talebaya, nabirilangira mugala wa Yese Munya Betelehemũ, asĩ eriwatayo ndeke, kandi nĩ mbangĩ yʼamaka, kandi ni mundu wʼamalwa, kandi nĩ mbũyĩ, nʼomundu mubuya; kandi Omwami Mukulu ali haguma naye.

1 Samwelĩ 17:11

Neryo omugulu Saũlo nʼAbaĩsraelĩ bosĩ bowa ebĩnywa byʼOmũfĩlĩstĩnĩ ebyo, mobahangahangya, nʼeriubaha kutsibu.

1 Samwelĩ 17:58

Na Saũlo mwabũga naye ati, Uwe mũlwana uli mugala wandi kwehĩ? Na Dawĩdĩ mwasũbĩrya ati, Ingye indi mugala wʼomugombe wawe Yese Munya Betelehemũ.