1 Samwelĩ 16:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Neryo Samwelĩ mwĩmya erĩhembe eriri mwʼamagũta, mwamũhakabya omo katĩkatĩ kʼabagala babo. NʼOmũlĩmũ wʼOmwami Mukulu mwahĩka uku Dawĩdĩ ko kutsibu erĩtsũka oko kiro ekyo. Neryo Samwelĩ mwahangana mwaya eRama.

1 Samwelĩ 16:13 Iomraidhean Croise

2 Samwelĩ 12:7

Neryo Natana mwabwira Dawĩdĩ, ati, Omulume oyo ni we! Omwami Mukulu Nyamuhanga wa Ĩsraelĩ, ati, Ingye nakũhakabaya amagũta eribya mwami wa Ĩsraelĩ, kandi monakũlamya omo byala bya Saũlo.

2 Samwelĩ 2:4

Neryo abandu ba Yũda mobasa, mobahakabya Dawĩdĩ yʼamagũta eribya mwami oko kĩtũnga kya Yũda. Neryo mobabwira Dawĩdĩ, bati, Abandu bʼeYabesĩ-Gĩleadĩ mobata Saũlo.

2 Samwelĩ 23:1

Neryo ebĩ bye bĩnywa bya Dawĩdĩ byʼendũlĩ. Dawĩdĩ mugala wa Yese ati, Nʼomundu oyo wahamĩbawa ati, Nʼoyo Nyamuhanga wa Yakobo ayisoga eribya mwami, Nʼomwĩmbĩ mubuya wa Ĩsraelĩ ati,

2 Samwelĩ 5:3

Neryo, abakulu bosĩ bʼAbaĩsraelĩ mobeya omwami eHebũronĩ; nʼomwami Dawĩdĩ mwalagana nabo endagano eHebũronĩ embere syʼOmwami Mukulu; neryo mobahakabya Dawĩdĩ yʼamagũta eribya mwami wʼeĨsraelĩ.

2 Abami 9:6

Neryo Yehũ mwahangana, mwingira omo nyũmba; neryo omundu oyo mũtũlĩra amagũta ayo gʼoko mutwe wuwe, mwamubwira ati, Omwami Mukulu, Nyamuhanga wa Ĩsraelĩ akabũga ati, Nabĩrĩkũhakabya amagũta ubye mwami wʼabandu bʼOmwami Mukulu, ba bana ba Ĩsraelĩ.

1 Emyatsi yʼEmigulu 11:3

Neryo abakulu bosĩ ba Ĩsraelĩ mobahĩka oko mwami eHebũronĩ; na Dawĩdĩ mwalagana nabo eHebũronĩ embere syʼOmwami Mukulu; nabo mobahakabya Dawĩdĩ yʼamagũta erimuyira mo mwami wa Ĩsraelĩ, ngʼekĩnywa kyʼOmwami Mukulu uku Samwelĩ.

Esyonyimbo 89:20

Nabiriyisoga omugombe wage Dawĩdĩ, Nabĩrĩmũhakabya ngʼOmwami.

Esyonyimbo 89:21

Amaka wage asyabya haguma naye ebiro byosĩ, Obũtokĩ bwage bwasyamuyira mo wʼakagala.

Emiganzo 11:17

Nage nasyandagala nʼerĩkanĩa nawe aho; kandi nasyĩmya oko Mũlĩmũ owali ukʼuwe, nasyahĩrago kubo; nabo basyaheka omuheke wʼabandu haguma nawe, isiwahekaga ĩgowene.

Emiganzo 27:18

Neryo Omwami Mukulu mwabũga na Musa, ati, Ĩmaya Yosũa mugala wa Nũnĩ, omundu oyuli nʼOmũlĩmũ, kandi ũmũhĩre kwʼebyala byawe;

Yoane 3:34

Kusangwa oyo Nyamuhanga abirituma akabũga ebĩnywa bya Nyamuhanga, kusangwa Nyamuhanga sialirengera mundu yʼOmũlĩmũ wuwe.

Emibiri 13:22

Neryo abere abĩmũlũsyaho, Nyamuhanga mwayira Dawĩdĩ mo mwami wabo. Kandi Nyamuhanga mwabũga busana na Dawĩdĩ ati, Nabiribana Dawĩdĩ mugala wa Yese mo mundu oyo nyanzĩre, oyo wasyakola erisonda lyage lyosĩ.

AbaEbrania 1:9

Wabirianza eritunganene, ũkakwa ebibi byʼobusu; Kikaleka Nyamuhanga, ye Nyamuhanga wawe akayisoga we. Kandi abĩrĩkũtũlĩra kwʼobutseme bwʼerĩsĩkya kwilaba eryo aha abalĩkyenyũ.

AbaEbrania 11:32

Nasyaswabũga bindi byahi kwehĩ? Kusangwa singwite omugulu wʼeryahula Gĩdeonĩ, Baraka, na Samũsonĩ, Yefũta, Dawĩdĩ, Samwelĩ nʼabamĩnyererĩ;

Abatswerĩ 11:29

Neryo Omũlĩmũ wʼOmwami Mukulu mwahĩka uku Yefũta, naye mwalaba endata uku Gĩleadĩ na Manase, kandi mwalaba endata oko Mĩsĩpa yʼeGĩleadĩ, nʼerĩlũa eMĩsĩpa yʼeGĩleadĩ mwalaba endata oko bana ba Amonĩ.

Abatswerĩ 13:25

Neryo Omũlĩmũ wʼOmwami Mukulu mwatsũka erĩmũkolesya eMahane-danĩ, omo katĩkatĩ kʼeSora nʼeEstaolĩ.

Abatswerĩ 14:6

Omũlĩmũ wʼOmwami Mukulu mwamũhĩkako omo maka, neryo mwatulayo ngoko angatũlĩre ekyana kyʼembene; kandi isiawite uku kindu omo byala biwe; nĩkwa mwatabwira tata wuwe kutse koyo wuwe ebyo akolĩre.

Abatswerĩ 3:10

Omũlĩmũ wʼOmwami Mukulu mwamũhĩkako, naye mwatswera Ĩsraelĩ. Omugulu ayalwa, Omwami Mukulu mwahĩra Kũsanĩ-rĩsataĩmũ omwami wʼeMesopotamia omo byala biwe; neryo Otĩnĩelĩ mwakĩnda Kũsanĩ-rĩsataĩmũ.

1 Samwelĩ 1:19

Neryo mobahangana omo ngyakyangyakya, mobaramya embere syʼOmwami Mukulu, mobasubula, mobahĩka omo nyũmba yabo eRama. Neryo Elkana mwĩmya mũkalĩwe; neryo Omwami Mukulu mwamwibuka.

1 Samwelĩ 10:1

Neryo Samwelĩ mwĩmya erĩtambya lyʼamagũta, mũtago oko mutwe wuwe, mwamulyatsirira ati, Omwami Mukulu sialitakũhakabya magũta eribya mũtabalĩ oko bandu buwe kwehĩ?

1 Samwelĩ 10:6

NʼOmũlĩmũ wʼOmwami Mukulu asyakũhĩkako nʼamaka, nawe wasyaminyerera haguma nabo, nawe wasyabindulwa mo gundi mundu.

1 Samwelĩ 11:6

Neryo Omũlĩmũ wa Nyamuhanga mwahĩka uku Saũlo nʼamaka omugulu owa ebĩnywa ebyo, nʼerihitana liwe molyagulumira kutsibu.

1 Samwelĩ 16:18

Neryo omũlwana muguma mwasũbĩrya ati, Talebaya, nabirilangira mugala wa Yese Munya Betelehemũ, asĩ eriwatayo ndeke, kandi nĩ mbangĩ yʼamaka, kandi ni mundu wʼamalwa, kandi nĩ mbũyĩ, nʼomundu mubuya; kandi Omwami Mukulu ali haguma naye.

1 Samwelĩ 18:12

Kandi Saũlo mubaha Dawĩdĩ, kusangwa Omwami Mukulu abya haguma naye, ĩnĩabĩrĩlũa uku Saũlo.

1 Samwelĩ 2:35

Nage nasyayĩhanganĩrya omũhererĩ oyuteregula oyo wasyakola ngʼebiri omo mutima wage nʼomo kĩrĩmũ kyage. Nage nasyamũhĩmbĩra enyũmba eyĩsĩkĩre; naye asyalendera embere syʼomũhakabĩbwa wage emigulu yosĩ.