1 Samwelĩ 16:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 16:1 Iomraidhean Croise

1 Abami 8:16

Erĩtsũka ekiro ekyo nalũsaya bandu bage Abaĩsraelĩ eMĩsĩrĩ, mondayisoga omũyĩ omo bihanda byosĩ bya Ĩsraelĩ ahʼerĩhĩmba enyũmba, erĩna lyage litoke eribyaho, nĩkwa monayisoga Dawĩdĩ eritabala oko bandu bage Abaĩsraelĩ.

2 Abami 9:1

Neryo omũmĩnyererĩ Elĩsa mwabirikira omuguma wʼoko bagala bʼabamĩnyererĩ mwamubwira ati, Ubohe embindi yawe, uheke erĩtambya lyʼamagũta erĩ omo byala byawe, ugende eRamotĩ-gĩleadĩ.

2 Abami 9:3

Neryo wĩmaye erĩtambya lyʼamagũta, wũtũlĩrego oko mutwe wuwe, ũbũge uti, Omwami Mukulu ati, Nabĩrĩkũhakabya amagũta eribya mwami wʼAbaĩsraelĩ. Neryo ukingule Olũyĩ, utibite, sulinde.

2 Abami 9:6

Neryo Yehũ mwahangana, mwingira omo nyũmba; neryo omundu oyo mũtũlĩra amagũta ayo gʼoko mutwe wuwe, mwamubwira ati, Omwami Mukulu, Nyamuhanga wa Ĩsraelĩ akabũga ati, Nabĩrĩkũhakabya amagũta ubye mwami wʼabandu bʼOmwami Mukulu, ba bana ba Ĩsraelĩ.

1 Emyatsi yʼEmigulu 11:3

Neryo abakulu bosĩ ba Ĩsraelĩ mobahĩka oko mwami eHebũronĩ; na Dawĩdĩ mwalagana nabo eHebũronĩ embere syʼOmwami Mukulu; nabo mobahakabya Dawĩdĩ yʼamagũta erimuyira mo mwami wa Ĩsraelĩ, ngʼekĩnywa kyʼOmwami Mukulu uku Samwelĩ.

1 Emyatsi yʼEmigulu 28:4

Nĩkwa Omwami Mukulu, Nyamuhanga wa Ĩsraelĩ, mwayisoga ngye omo kĩtũnga kyosĩ kya tata wage eribya mwami busana na Ĩsraelĩ kera na kera. Kusangwa abiriyisoga Yũda eribya mũsondolĩ; neryo omo kĩtũnga kya Yũda, ekĩtũnga kya tata wage; nʼomo katĩkatĩ kʼabagala ba tata wage mokyamũtsemesya erinyiyira mo mwami oko Baĩsraelĩ bosĩ.

Ĩsaya 11:1

Neryo erĩsasa lyasyahuluka omo ndĩna ya Yese, nʼomutahi owakalũa omo mĩrĩhĩ yiwe asyabuta ebĩgũma.

Ĩsaya 11:10

Kandi oko kiro ekyo, ebihanda byasyaya oko mwana wa Yese naye asyimana eribya bendera yʼebihanda. Ahʼeriluhukira huwe hasyabya olukengerwa.

Ĩsaya 55:4

Lebaya, nabĩrĩmũhĩra mo mũlangĩrĩ busana nʼebihanda, omũsondolĩ nʼomukulu busana nʼabandu.

Yeremĩa 11:14

Neryo susabire abandu aba, kutse sulake, kutse erisabirabo, kusangwa sĩndĩendĩsyowabo omugulu bakanyilakira busana nʼobũlĩge bwabo.

Yeremĩa 15:1

Neryo Omwami Mukulu mwambwira ati, Nomo Musa na Samwelĩ bangahangana embere syage, nĩkwa omutima wage siangabya haguma nʼabandu aba. Utumebo balũe embere syage, bagende!

Yeremĩa 6:30

Bakahulabo mo kĩtsĩpa ekikaganawa, kusangwa Omwami Mukulu abiriganabo.

Yeremĩa 7:16

Neryo Yeremĩa, susabire abandu aba, kutse subatandire omulenge kutse erisabirabo, kutse Sunyihatikane busana nabo, kusangwa sĩndĩendĩsyakowa.

Zekarĩa 4:14

Neryo mwabũga ati, Aba ni bagala babiri bahakabĩbwe amagũta, abakahangana oko mũsĩke wʼOmukama wʼekihugo kyosĩ.

AbanyaRoma 15:12

Nʼakandi Ĩsaya akabũga ati, Omwana wa Yese asyasa, Iye asyahanganĩbwa eritabala oko Bihanda. Nʼebihanda basyamũhĩra kwʼamaha wabo.

AbaEbrania 11:32

Nasyaswabũga bindi byahi kwehĩ? Kusangwa singwite omugulu wʼeryahula Gĩdeonĩ, Baraka, na Samũsonĩ, Yefũta, Dawĩdĩ, Samwelĩ nʼabamĩnyererĩ;

1 Yoane 5:16

Omundu amalangira mũlĩkyabo akakola ekibi ekitereta oluholo, angasaba Nyamuhanga, naye asyamuha engebe. Eki kikahula abakakola ekibi ekitereta oluholo. Kandi hali ekibi ekikaleta oluholo; sĩndĩbũga nyiti mwasyasaba busana nʼekibi ekyo.

1 Samwelĩ 10:1

Neryo Samwelĩ mwĩmya erĩtambya lyʼamagũta, mũtago oko mutwe wuwe, mwamulyatsirira ati, Omwami Mukulu sialitakũhakabya magũta eribya mũtabalĩ oko bandu buwe kwehĩ?

1 Samwelĩ 15:11

Namayĩkũbya bomo erĩhĩra Saũlo eribya mwami; kusangwa abirisuba enyũma butanyikwama, kandi sĩalĩtaberererya ebihano byage. Neryo Samwelĩ mwakwa obũlĩge, kandi mwalakira Omwami Mukulu omo kiro kyosĩ.

1 Samwelĩ 15:23

Kusangwa erĩlolo lyʼepono liri ngʼerĩlolo lyʼobulagu, nʼobutabwirika buli ngʼebibi nʼerisaba esyosanamu. Kusangwa wabirigana ekĩnywa kyʼOmwami Mukulu, naye abirikugana ati, Susyebya mwami.

1 Samwelĩ 15:26

Nĩkwa Samwelĩ mwabũga na Saũlo ati, Sindiendiswasuba haguma nawe; kusangwa wabirigana ekĩnywa kyʼOmwami Mukulu, nʼOmwami Mukulu abirikugana eribya mwami wʼAbaĩsraelĩ.

1 Samwelĩ 15:35

Kandi Samwelĩ mwataswalola uku Saũlo erĩhĩka oko kiro kyʼoluholo luwe; kusangwa Samwelĩ mwalirira Saũlo. NʼOmwami Mukulu mwayĩkũbya bomo eriyira Saũlo mo mwami wʼAbaĩsraelĩ.

1 Samwelĩ 16:15

Neryo abagombe ba Saũlo mobamubwira bati, Talebaya, ekĩrĩmũ kibi kikatumawa na Nyamuhanga kĩkakũhahũkaya.

1 Samwelĩ 16:23

Neryo omugulu ekĩrĩmũ kibi Nyamuhanga atuma kyabya uku Saũlo, Dawĩdĩ mwĩmya enanga, neryo mwawatayo omo byala biwe. Neryo Saũlo mwakĩranĩbwa, mwalama, nʼekĩrĩmũ kibi ekyo mokyamũlũako.

1 Samwelĩ 17:12

Nĩkwa Dawĩdĩ abya mugala wʼOmunya Efũratĩ wʼeBetelehemũ-yũda, iniakahulawa mo Yese; naye abya awite bagala munani; nʼomundu oyo abya mũsyakulu oko mugulu wa Saũlo, iniamakota omo katĩkatĩ kʼabandu.

1 Samwelĩ 9:16

Omo ngyakya oko saa iri ngʼeyĩ nasyakutumira omundu akalũa omo kihugo kya Benyamĩna, nawe wasyamũhakabya magũta abye mũtabalĩ oko bandu bage Abaĩsraelĩ; naye asyalamya abandu bage omo byala byʼAbafĩlĩstĩnĩ; kusangwa nabĩrĩrebya abandu bage, kusangwa ekiriro kyabo kyabĩrĩnyĩhĩkako.