1 Samwelĩ 15:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Neryo Samwelĩ mwabũga ati, Munyiretere Agagĩ, omwami wʼAbamalekĩ yo hano. Neryo Agagĩ mwamũhĩkako nʼobutseme. Kandi Agagĩ mwabũga ati, Monzo obwagalĩ bwʼoluholo bwabirilaba.

1 Samwelĩ 15:32 Iomraidhean Croise

Yeremĩa 48:44

Omwami Mukulu ati, Oyukatibita busana nʼobuba asyawa omo buhya, nʼoyũkalũa omo buhya asyakwa omo kitego, kusangwa nasyaletera ye Moabũ, omugulu wʼerisuyirwa lyabo.

Hosea 6:5

Busana nʼekyo nabiritemabo mo bitswe-bitswe omo byala byʼabamĩnyererĩ; nabĩrĩtabo omo bĩnywa byʼobuno bwage; nʼesyonzwere ukʼuwe siri ngʼekyakakala ekikahuluka.

1 AbanyaTesalonika 5:3

Omugulu abandu bakabũga bati, Hali Obuholo nʼerĩyĩsyandira, neryo-neryo eritogota lyasyĩtabo! Nabo sibendisyabala nʼahake, lyasyahĩka ngʼerikunda erĩkahĩka oko mũkalĩ.

Yosũa 10:22

Neryo Yosũa mwabũga ati, Lĩbũla obuno bwʼomwangalũ, munyiretere abami batanu abali omo mwangalũ.

Eribisurirwa 18:7

Uhego eriagalwa, nʼeririra, Omo lulengo olo ayipipamo nʼeriyisanza. Kusangwa akabũga omo mutima wago, ati, Nyĩkere ngʼomugole wʼOmwami, Sindi mũkwakalĩ, Sindiendisyalira na kera!

Abatswerĩ 8:11

Kandi Gĩdeonĩ mwahetuka omo nzira yʼabandu ababya bĩkere omo mahema ebwanga bwʼendata bwʼeNoba nʼeYogĩbeha, kandi mobabambira endwiro, omugulu endwiro ĩtasĩ.

1 Samwelĩ 15:31

Litya Samwelĩ mwabũnũkala mwaswakwamana na Saũlo; na Saũlo naye mwaramya Omwami Mukulu.

1 Samwelĩ 15:33

Nĩkwa Samwelĩ mwabũga, ati, Ngoko mũyalĩ wawe abĩrĩsĩga bakalĩ bo bũmbũtete, litya koyo wawe akandĩsĩgala bũmbũtete omo katĩkatĩ kʼabandi bakalĩ. Neryo Samwelĩ mwakenzenga Agagĩ mo bitswe-bitswe embere syʼOmwami Mukulu eGĩlgalĩ.