1 Samwelĩ 15:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Kusangwa erĩlolo lyʼepono liri ngʼerĩlolo lyʼobulagu, nʼobutabwirika buli ngʼebibi nʼerisaba esyosanamu. Kusangwa wabirigana ekĩnywa kyʼOmwami Mukulu, naye abirikugana ati, Susyebya mwami.

1 Samwelĩ 15:23 Iomraidhean Croise

Enzũko 31:19

Nĩkwa Labanĩ abya iniamabigenda erĩyatwa obweya bwʼesyombũlĩ siwe, kandi Rakelĩ mwĩba ebisambo ebyabya bya tata wuwe.

Enzũko 31:34

Nĩkwa Rakelĩ ĩnĩamabĩĩmya ebisambo nʼerĩhĩrabyo omo kĩtũmbĩ kyʼoko ngamia, mwĩkalira kubyo. Neryo Labanĩ mwamamata omo hema yosĩ, nĩkwa mwatabanabyo.

2 Samwelĩ 12:9

Busana nakĩ wabiripona ekĩnywa kyʼOmwami Mukulu, erikola ekiri kibi omo meso wuwe kwehĩ? Wabĩrĩta Ũrĩa Omũhĩtĩ omo mũyalĩ, kandi wabĩrĩmya omũkalĩ wuwe eribya mũkalĩ wawe, kandi wabĩrĩmwĩta omo mũyalĩ wʼabana ba Amonĩ.

2 Samwelĩ 7:15

nĩkwa obwenge bwʼolwanzo lwage sĩbwendĩsyamũlũako, ngoko nalũsayabo uku Saũlo, oyo nalũsaya embere syawe.

1 Emyatsi yʼEmigulu 10:13

Neryo Saũlo mwahola atya busana nʼerĩlolo liwe eryo ahalaya oko Mwami Mukulu, busana nʼekĩnywa kyʼOmwami Mukulu, ekyo atategaya; kandi kusangwa abũlaya erĩhano ukwʼoyo wabya awite embĩnga erimulagula,

1 Emyatsi yʼEmigulu 28:9

Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.

Yobũ 34:37

Kusangwa akatomeka epono oko bibi biwe; Akasekereraya nʼeritsuma Nyamuhanga embere syetu.

Esyonyimbo 107:11

Kusangwa babya bakahona oko bihano bya Nyamuhanga Owʼendata Kutsibu, Ibabiripona erihana liwe.

Erĩlũayo 22:18

Susyereka omũkũmũ-kali eribyaho.

Ĩsaya 19:3

Neryo ekĩrĩmũ kyʼAbanya Mĩsĩrĩ kyasyũtũkala omwisi wabo. Kandi nasyalĩba-lĩbanĩa amenge wabo. Kyasyaleka ibasyasonda-sonda esyosanamu, nʼemĩrĩmũ yʼabaholĩ, nʼabakũmũ, nʼabalagũlĩ.

Ĩsaya 8:19

Omugulu basyakubwira bati, Mũkanaye nʼabandu abali kwʼesyombĩnga nʼabalagũlĩ, abakatsyora nʼabakabũgabũga, kwʼabandu sĩbangakanĩa na Nyamuhanga wabo kwehĩ? Bangakanĩa nʼabaholĩ busana nʼabaliho kwehĩ?

Yeremĩa 16:12

Nenyũ nibya mwabirikola nabi, kwilaba abotata wenyũ. Kusangwa lebaya, mukalendera obuli mundu omo butsibu bʼomutima wuwe mubi, imutanyihulikirira.

Yeremĩa 28:16

Busana nʼekyo, Omwami Mukulu ati, Lebaya, nasyakũlũsya erĩlũa omo kihugo. Ukandihola oko mwaka oyũ, kusangwa wabĩrĩbũga ebyʼerihona oko Mwami Mukulu.

Yeremĩa 29:32

Busana nʼekyo, Omwami Mukulu ati, Lebaya nasyasuyira Semaya Omũnehelamĩ nʼabana buwe. Siendisyabya nʼomundu wʼerĩĩkala omo katĩkatĩ kʼabandu aba, kutse siendisyalola oko kibuya ekyo nasyakolera abandu bage, Omwami Mukulu atya, kusangwa abĩrĩbũga ebyʼerihona oko Mwami Mukulu.

Hosea 13:11

Nabirikuha omwami omwʼihitana lyage, kandi nabĩrĩmũlũsyaho omwʼigalirwa lyage.

Hosea 3:4

Kusangwa abana ba Ĩsraelĩ basyĩkala biro bingi butsira mwami, kutse mukulu, kutse erihonga amahere, kutse endũyĩ ĩbũyĩrĩre, kutse efodĩ nʼeterafĩmũ.

Abalawĩ 20:27

Nĩkwa omulume kutse omũkalĩ, hamabya oyuli kwʼembĩnga, kutse omũkũmũ omo katĩkatĩ kabo, kwenene basyĩtwa; basyaguswa kwʼamabwe; omusasi wʼolubanza lwabo asyabya kubo.

Abalawĩ 20:6

Nʼomundu oyukabindukira abʼesyombĩnga nʼabakũmũ, okwʼitetana nabo, nasyahĩnĩra omundu oyo, nʼerĩmũlũsya omo bandu buwe.

Emiganzo 14:9

Ekiguma kisa simuyisamambule oko Mwami Mukulu kandi simubahe abandu bʼekihugo; kusangwa basyabya kalyo busana netu; ekilondero kyabo kyamalũsĩbwa kubo, Omwami Mukulu ali haguma netu; simubahebo.

Emibiri 13:22

Neryo abere abĩmũlũsyaho, Nyamuhanga mwayira Dawĩdĩ mo mwami wabo. Kandi Nyamuhanga mwabũga busana na Dawĩdĩ ati, Nabiribana Dawĩdĩ mugala wa Yese mo mundu oyo nyanzĩre, oyo wasyakola erisonda lyage lyosĩ.

2 AbanyaKorinto 6:16

Ehekalũ ya Nyamuhanga yanganasakana nʼesyosanamu kwehĩ? Kusangwa ĩtwe tuli ehekalũ ya Nyamuhanga oyuliho. Ngoko Nyamuhanga abĩrĩbũga ati, Nasyĩkala omwisi wabo, nasyalendera omo katĩkatĩ kabo; Nasyabya Nyamuhanga wabo, nabo basyabya bandu bage.

AbanyaGalatia 5:20

erisaba esyosanamu, erilagula, obũyĩgũ, erilwa, obũha, erihitana, erinegena, erĩkangĩrĩrya lyʼamabehĩ,

Eryibuka Ebihano 9:24

Mwabirihona oko Mwami Mukulu erĩtsũka ekiro nabaminya.

Eryibuka Ebihano 9:7

Mwibuke, simwibirirawe, ngoko mwagalĩranaya Omwami Mukulu Nyamuhanga wenyũ erihitana omo mbwarara; erĩtsũka ekiro mwalũa omo kihugo kyʼeMĩsĩrĩ, aho mũkahĩkĩra hano, mwabiriyisamambula oko Mwami Mukulu.

Yosũa 22:15

Mobahĩka oko bana ba Rũbenĩ nʼoko bana ba Gadĩ, nʼoko kihande kyʼekihanda kya Manase, omo kihugo kyʼeGĩleadĩ, mobabwirabo bati,

Eribisurirwa 21:8

Nĩkwa abuba, nʼabatĩkĩrĩrye, nʼabʼesyonye, nʼabĩtĩ, nʼabasĩngĩrĩ, nʼabakũmũ, nʼabakasaba esyosanamu, nʼababehĩ, omwanya wabo asyabya omo ngetsi eyikaka nʼomuliro nʼekirimi, olo lo luholo lwʼakabiri.

Eribisurirwa 22:15

Nĩkwa eyĩhya oko mũyĩ hali esyombwa, nʼabakũmũ, nʼabasĩngĩrĩ, nʼabĩtĩ, nʼabakasaba esyosanamu, nʼabosĩ abakabiha, nʼabakakola ebyʼamabehĩ.

1 Samwelĩ 13:14

Nĩkwa lino obwami bwawe sibwendisyabyaho. Omwami Mukulu abiriyisondera omundu gʼomutima ali ngʼowuwe, kandi Omwami Mukulu abĩrĩmũhĩra eribya mũtabalĩ oko bandu buwe, kusangwa sulitabika ekyo Mwami Mukulu akuhana.

1 Samwelĩ 16:1

Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 2:30

Neryo Omwami Mukulu, Nyamuhanga wa Ĩsraelĩ ati, Kwenene monabũga nyiti ekĩtũnga kyawe, nʼekĩtũnga kya tata wawe, kyasyalendera embere syage emigulu yosĩ; nĩkwa lino Omwami Mukulu ati, Kinyihigukaleko. Kusangwa abakanyĩsĩkaya nasyasĩkyabo, nʼabakanyipona sĩbendĩsyasĩmwa ndeke.

1 Samwelĩ 28:3

Neryo Samwelĩ abya iniabirihola, nʼAbaĩsraelĩ bosĩ ibamabimulira, neryo mobamuta eRama, omo mũyĩ wuwe. Kandi Saũlo iniabirihiga abosĩ ababya mbandwa, nʼabakũmũ erĩlũa omo kihugo.