1 Samwelĩ 14:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo omũhekĩ wʼebindu byʼamalwa biwe mwamubwira ati, Ukole ebyosĩ ebiri omo mutima wawe; ukebe, lebaya indi haguma nawe ngʼomutima wawe.

1 Samwelĩ 14:7 Iomraidhean Croise

2 Samwelĩ 15:15

Nʼabagombe bʼomwami mobamubwira bati, Lebaya, abagombe bawe basĩkĩre erikola ekyo mukama wage mwami akandiyisoga.

2 Samwelĩ 7:3

Na Natanĩ mwabwira omwami ati, Ego, Ukole ebyosĩ biri omo mutima wawe; kusangwa Omwami Mukulu ali haguma nawe.

Esyonyimbo 46:7

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Zekarĩa 8:23

Omwami Mukulu Wʼemilondo akabũga ati, Oko biro ebyo, abandu ĩkũmĩ abakalũa oko bihanda byʼobuli mũbũge, basyahamba oko mũsĩke wʼolukimba lwʼOmũyũda bati, Uleke tugende nawe, kusangwa twabĩrĩowa ko Nyamuhanga ali haguma nawe.

Abatswerĩ 9:54

Neryo Abĩmelekĩ mwabirikira lũba omũlwana omũhekĩ wʼebindu biwe byʼamalwa, mwamubwira ati, Kula omũyalĩ wawe, ũnyĩte, abandu bakasyabũga bati, Omũkalĩ mwamwĩta. Nʼomũlwana oyo mwamũlũba gomo, mwahola.

1 Samwelĩ 10:7

Neryo omugulu ebiminyikalo ebĩ byamabĩkũhĩkako, Ukole ngʼekyamakwanguhira; kusangwa Nyamuhanga ali haguma nawe.

1 Samwelĩ 14:6

Neryo Yonatana mwabwira omũlwana oyo waheka ebindu byʼamalwa biwe ati, Wase, tusokere oko bateya batabwene aba; kwamũhwa Omwami Mukulu asyatukolera; kusangwa sihali ekyʼerĩkakĩrya Omwami Mukulu erĩlamya omo bangi kutse omo bake.

1 Samwelĩ 14:8

Neryo Yonatana mwabũga ati, Lebaya, tukandisokera oko balume, ĩtwayĩkanganĩa kubo.