1 Samwelĩ 14:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Na Saũlo mwabũga ati, Nyamuhanga anyikole atya, na kwilaba aho kusangwa kwenene wasyahola Yonatana.

1 Samwelĩ 14:44 Iomraidhean Croise

Enzũko 38:24

Enyũma wʼemikera ngʼĩsatu, Yũda mwabwirwa ambu, Tamarĩ mwalĩana wawe abiribya mũmalaya, nʼakandi, ni mukule omo luteto. Neryo Yũda mwabũga ati, Mũmũhũlũkaye ahĩsĩbawe.

2 Samwelĩ 12:31

Kandi mwalũsyako abandu ababyako, mwahĩrabo omo mũbĩrĩ wʼemĩsũmeno, nʼoko mũbĩrĩ wʼerihalula, nʼoko syombasa, nʼeribumba matafalĩ: kandi mwakola atya nʼemĩyĩ yosĩ yʼabana ba Amonĩ. Neryo Dawĩdĩ nʼabandu bosĩ mobasuba eYerũsalema.

2 Samwelĩ 12:5

Neryo erihitana lya Dawĩdĩ molyagulumira oko mundu oyo ko kutsibu; kandi mwabwira Natana, ati, Ngoko Mwami Mukulu aliho, omundu wakola ekĩ atolere erihola.

2 Samwelĩ 19:13

Kandi mubwire Amasa, muti, Suli ĩkũha lyage nʼomũnyokũ wage kwehĩ? Nyamuhanga anyikole atya, na kwilaba aho, nga siwendibya mukulu wʼomulondo embere syage ebiro byosĩ omo mwanya wa Yoabũ.

2 Samwelĩ 3:9

Nyamuhanga akolere Abenerĩ, yʼatya na kwilaba aho, namatendimukolera nyitya, ngoko Mwami Mukulu abĩrĩlahĩrĩrya Dawĩdĩ;

Emĩsyo 25:16

Wabiribana obuki kwehĩ? Ulye obukutolere, Ũkasyũgũtabo nʼerisalabo.

Abatswerĩ 11:35

Neryo omugulu amulolako, mwatulanga esyongimba siwe, ati, Ĩlolo, mwali wage! Wabĩrĩnyĩkehya kutsibu, nawe uli muguma wʼoko bakanyĩta obũlĩge; kusangwa nabiritanda obuno bwage oko Mwami Mukulu, isinditoka erisuba enyũma.

Rũta 1:17

Aho wasyaholera, nage nasyaholeraho, nʼaho nasyatabwa. Omwami Mukulu angole atya na kwilaba aho; oluholo lusa lo lwasyatugaba tunawe.

1 Samwelĩ 14:39

Kusangwa, ngoko Mwami Mukulu aneho, oyũkalamaya Ĩsraelĩ, nʼomo erĩlolo eryo lyangabya uku Yonatana mugala wage, asyahola kwenene. Nĩkwa mohatabya mundu nʼomuguma omo katĩkatĩ kʼabandu bosĩ oyo wamũsũbĩraya.

1 Samwelĩ 25:22

Nyamuhanga akolere esyonzĩgũ sya Dawĩdĩ, na kwilaba aho nibya, nga nasyatasĩga omwana wʼobulume nʼomuguma oko bosĩ buwe erĩhĩka omo ngyakya bukakya.

1 Samwelĩ 3:17

Neryo mwabũga ati, Nĩ kĩnywa kyahi alĩabũga nawe kwehĩ? Kĩsĩ-kĩsĩ, sũmbĩsekyo. Nyamuhanga akukolere atya na kwilaba aho, wamanyĩbĩsa kindu oko myatsi yosĩ aliakubwira.