1 Samwelĩ 14:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo oko kiro kiguma, Yonatana mugala wa Saũlo mwabwira omũlwana oyo waheka ebindu byʼamalwa biwe, ati, Wase tusokere oko bateya bʼAbafĩlĩstĩnĩ abali eyisirya. Nĩkwa mwatabwira ĩse wuwe.

1 Samwelĩ 14:1 Iomraidhean Croise

Mĩka 7:5

Suyiketere omũlĩkyenyũ, suyiketere omwĩra wawe. Ũtegaye emĩnywa yawe oko mũkalĩ oyukagotsera oko kĩkũba kyawe.

Abatswerĩ 14:6

Omũlĩmũ wʼOmwami Mukulu mwamũhĩkako omo maka, neryo mwatulayo ngoko angatũlĩre ekyana kyʼembene; kandi isiawite uku kindu omo byala biwe; nĩkwa mwatabwira tata wuwe kutse koyo wuwe ebyo akolĩre.

Abatswerĩ 14:9

Kandi mwakola obuki omo byala biwe, neryo mwaswagenda, inianemulya akagenda; neryo mwahĩka ahali tata wuwe na koyo wuwe neryo mwahabo obuki, nabo mobalya; nĩkwa mwatabwirabo kwʼaliakola obuki omo kĩnda kyʼendale.

Abatswerĩ 6:27

Neryo Gĩdeonĩ mwĩmya abalume ĩkũmĩ oko bagombe buwe, mwakola ngoko Mwami Mukulu amubwira; neryo, kusangwa ubaha ekĩtũnga kya tata wuwe nʼabandu bʼomũyĩ, mwatatoka erikolakyo omwʼitungi, mwakolabyo omo kiro.

1 Samwelĩ 13:2

Neryo Saũlo mwayisombolera balume elfu ĩsatu (3,000) ba Ĩsraelĩ, elfu ĩbĩrĩ (2,000) sya kubo babya haguma na Saũlo eMĩkĩmasĩ nʼoko kitwa kyʼeBetelĩ, na elfu nguma (1,000) yabya haguma na Yonatana eGĩbea ya Benyamĩna; nʼabandu abasaka mwatumabo obuli mundu omo hema yiwe.

1 Samwelĩ 13:22

Neryo oko kiro kyʼamalwa, mohatabanika omũyalĩ kutse erĩtũmo omo byala byʼomundu nʼomuguma oko bandu ababya haguma na Saũlo na Yonatana; nĩkwa byabanika uku Saũlo na Yonatana mugala wuwe.

1 Samwelĩ 13:23

Nʼabateya bʼAbafĩlĩstĩnĩ mobahuluka oko lũbĩka lwʼeMĩkĩmasĩ.

1 Samwelĩ 14:2

Kandi Saũlo ĩnĩanĩkere oko muhana wʼeGĩbea oko ndĩna yʼomuti wʼekokomanga owali eMĩgronĩ. Nʼabandu ababya haguma naye babya balume nga magana ndatu (600);

1 Samwelĩ 25:19

Kandi mwabũga nʼabalwana buwe, ati, Muye embere syage; lebaya, ngandibakwamirira. Nĩkwa mwatabwira ĩba wuwe Nabalĩ.