1 Samwelĩ 13:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ NʼAbaĩsraelĩ bosĩ mobowa ngoko Saũlo ĩta abateya bʼAbafĩlĩstĩnĩ, kandi ngoko Abafĩlĩstĩnĩ babĩrĩkwa Ĩsraelĩ yʼesyonye. Nʼabandu bosĩ mobahĩndanĩbwa uku Saũlo eGĩlgalĩ.

1 Samwelĩ 13:4 Iomraidhean Croise

Enzũko 34:30

Neryo Yakobo mwabwira Sĩmeonĩ na Lawĩ ati, Mwabĩrĩnyagalĩranĩa, mukaleka inakumba nabi oko ndũnĩ syʼekihugo, nʼoko Banya Kanana, nʼoko Baperĩsĩ, kandi, eriganza lyetu nĩ ĩke, basyakuma-kumana busana nage nʼerĩnyĩta. Nage nasyaherĩbwa, ĩngye nʼekĩtũnga kyage.

Enzũko 46:34

Nenyũ mwasyabũga muti, Abagombe bawe babya balĩsya bʼebihangulo erĩlũa omo bũlwana bwetu erĩhĩka lino, ĩtwe nʼabotata wetu. Imwatoka erĩĩkala omo kihugo kyʼeGosenĩ, kusangwa obuli, mũlĩsya ni nye oko Banya Mĩsĩrĩ.

2 Samwelĩ 10:6

Kandi omugulu abagala ba Amonĩ balangira ko bamabĩkũbwa nye na Dawĩdĩ, abagala ba Amonĩ mobasĩgĩra Abasũrĩa bʼeBetĩ-rehobĩ, nʼAbasũrĩa bʼeSoba, emilondo yʼabasĩrĩkanĩ eyikagenda omo bisando makũmĩ abiri (20,000), nʼomwami wʼeMaka nʼabandu elfu nguma (1,000), nʼabalume bʼeTobũ elfu ĩkũmĩ nʼĩbĩrĩ (12,000).

Erĩlũayo 5:21

Mobabwirabo bati, Omwami Mukulu abasamalire, abatswere; kusangwa mwabĩrĩtsandya erikumba lyetu eribya nye omo meso wa Farao, nʼoko meso wʼabagombe buwe, erĩhĩra omũyalĩ gʼomo byala byabo erĩtwĩta.

Zekarĩa 11:8

Neryo monĩta abalĩsya basatu omo mukera muguma; kusangwa omutima wage mwaluha busana nabo, nʼomutima wabo nago mwaluha busana nage.

Yosũa 5:9

Kandi Omwami Mukulu mwabũga na Yosũa, ati, Mũnabwĩre nabĩrĩkũmbagalya eriponwa lyʼeMĩsĩrĩ erĩlũa kwĩnywe. Kyaleka erĩna lyʼaho iryahulwa mo Gĩlgalĩ, erĩhĩka hatya.

1 Samwelĩ 10:8

Kandi wasyandagala embere syage eGĩlgalĩ; neryo lebaya, nasyakwandagalirako, erihera amahere wʼerĩokererya, nʼerikera esyohongo syʼamahere wʼobuholo. Wasyalinda ebiro birinda, nʼerĩhĩka aho nasyakũhĩkĩrako, nʼerĩkũkangya ekyo wasyakola.

1 Samwelĩ 27:12

Na Akĩsĩ mwĩkĩrĩrya Dawĩdĩ ati, Abirireka bandu buwe Baĩsraelĩ ĩbamũkwa esyonye; busana nʼekyo asyabya mugombe wage kera na kera.