1 Samwelĩ 13:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Nĩkwa lino obwami bwawe sibwendisyabyaho. Omwami Mukulu abiriyisondera omundu gʼomutima ali ngʼowuwe, kandi Omwami Mukulu abĩrĩmũhĩra eribya mũtabalĩ oko bandu buwe, kusangwa sulitabika ekyo Mwami Mukulu akuhana.

1 Samwelĩ 13:14 Iomraidhean Croise

2 Samwelĩ 5:2

Oko migulu yalaba, omugulu Saũlo abya mwami akatutabalira, nina we wabya ukasondolera Ĩsraelĩ erihongoka nʼeriswasa; kandi Omwami Mukulu mwakubwira ati, wasyalĩsya abandu bage Ĩsraelĩ, kandi Wasyabya mũsondolĩ wʼAbaĩsraelĩ.

2 Samwelĩ 6:21

Neryo Dawĩdĩ mwabwira Mĩkalĩ ati, Bĩlũe embere syʼOmwami Mukulu, oyo wayisoga ngye kwilaba tata wawe, na kwilaba ekĩtũnga kiwe kyosĩ, nʼerĩnyĩhĩra mo mũtabalĩ wʼabandu bʼOmwami Mukulu, nʼAbaĩsraelĩ; kikaleka inasyatsangira embere syʼOmwami Mukulu.

2 Abami 20:5

Usubule, Ubwire Hezekĩa omũsondolĩ wʼabandu bage, uti, Omwami Mukulu Nyamuhanga wa tata wawe Dawĩdĩ akabũga ati, Nabĩrĩowa erisaba lyawe, namalangira emĩsonĩa yawe; lebaya, ngandĩkũlamya; oko kiro kyʼebisatu wasyahetukira omo nyũmba yʼOmwami Mukulu.

1 Emyatsi yʼEmigulu 10:13

Neryo Saũlo mwahola atya busana nʼerĩlolo liwe eryo ahalaya oko Mwami Mukulu, busana nʼekĩnywa kyʼOmwami Mukulu, ekyo atategaya; kandi kusangwa abũlaya erĩhano ukwʼoyo wabya awite embĩnga erimulagula,

Esyonyimbo 78:70

Mwayisoga omugombe wuwe Dawĩdĩ, Mwamũlũsya okwʼĩrĩsya esyombũlĩ,

Emĩsyo 27:24

Kusangwa ebindu sibyekota; Nʼakakĩra kakabyaho oko syondengo syosĩ kwehĩ?

Ĩsaya 39:5

Neryo Ĩsaya mwabwira Hezekĩa ati, Wowe ekĩnywa kyʼOmwami Mukulu wʼemilondo,

Emibiri 13:22

Neryo abere abĩmũlũsyaho, Nyamuhanga mwayira Dawĩdĩ mo mwami wabo. Kandi Nyamuhanga mwabũga busana na Dawĩdĩ ati, Nabiribana Dawĩdĩ mugala wa Yese mo mundu oyo nyanzĩre, oyo wasyakola erisonda lyage lyosĩ.

Emibiri 7:46

Dawĩdĩ oyo mwabana erĩsĩmwa omo meso wa Nyamuhanga, neryo mwabũlya Nyamuhanga ehamũlĩ yʼeribanira Nyamuhanga wa Yakobo yʼenyũmba.

AbaEbrania 2:10

Kusangwa lyabya litolere busana na Nyamuhanga, oyo wahangika ebindu byosĩ nʼoyũkategaya ebindu byosĩ, eriyira Yesu mo mundu oyũhĩkene busana nʼeriagalwa liwe. Neryo Yesu oyo wakokotaya erilama lyabo, atoke erireta abana bangi erisangira olukengerwa luwe.

1 Samwelĩ 15:23

Kusangwa erĩlolo lyʼepono liri ngʼerĩlolo lyʼobulagu, nʼobutabwirika buli ngʼebibi nʼerisaba esyosanamu. Kusangwa wabirigana ekĩnywa kyʼOmwami Mukulu, naye abirikugana ati, Susyebya mwami.

1 Samwelĩ 15:26

Nĩkwa Samwelĩ mwabũga na Saũlo ati, Sindiendiswasuba haguma nawe; kusangwa wabirigana ekĩnywa kyʼOmwami Mukulu, nʼOmwami Mukulu abirikugana eribya mwami wʼAbaĩsraelĩ.

1 Samwelĩ 15:28

Na Samwelĩ mwamubwira ati, Mũnabwĩre Omwami Mukulu amakutulangirako obwami bwa Ĩsraelĩ, abirihabo uku mũlĩkyenyũ, omubuya kwilaba we.

1 Samwelĩ 16:1

Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 16:12

Neryo mwamutumirako, mwamuletamo. Neryo abya akomerere ini mubuya omo meso, abya nʼobusose bowene. Neryo Omwami Mukulu mwabũga ati, Hangana, ũmũhakabaye amagũta; kusangwa yoyũ.

1 Samwelĩ 2:30

Neryo Omwami Mukulu, Nyamuhanga wa Ĩsraelĩ ati, Kwenene monabũga nyiti ekĩtũnga kyawe, nʼekĩtũnga kya tata wawe, kyasyalendera embere syage emigulu yosĩ; nĩkwa lino Omwami Mukulu ati, Kinyihigukaleko. Kusangwa abakanyĩsĩkaya nasyasĩkyabo, nʼabakanyipona sĩbendĩsyasĩmwa ndeke.

1 Samwelĩ 24:20

Na lino, lebaya, nyĩnasĩ kwenene kʼukandisyabya mwami, nʼobwami bwa Ĩsraelĩ bwasyasĩkĩbwa omo byala byawe.

1 Samwelĩ 25:30

Neryo Omwami Mukulu asyabya abikola omukama wage ngʼebibuya byosĩ ebyo abirikwahũlĩrya, nʼerikuyira mo mũtabalĩ uku Ĩsraelĩ,

1 Samwelĩ 9:16

Omo ngyakya oko saa iri ngʼeyĩ nasyakutumira omundu akalũa omo kihugo kya Benyamĩna, nawe wasyamũhakabya magũta abye mũtabalĩ oko bandu bage Abaĩsraelĩ; naye asyalamya abandu bage omo byala byʼAbafĩlĩstĩnĩ; kusangwa nabĩrĩrebya abandu bage, kusangwa ekiriro kyabo kyabĩrĩnyĩhĩkako.