1 Samwelĩ 13:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Na Samwelĩ mwabwira Saũlo ati, Wamakola ebyʼobũkĩrũ; sũlĩtateya ebihano byʼOmwami Mukulu, Nyamuhanga wawe, ebyo akuhana; kusangwa kumbe lino Omwami Mukulu abĩrĩsĩkya obwami bwawe kera na kera omo Ĩsraelĩ.

1 Samwelĩ 13:13 Iomraidhean Croise

Enzũko 31:28

Mutaleka ngalyatsirira bagala bage nʼabali bage kwehĩ? Wabirikola omo bũkĩrũ.

2 Samwelĩ 24:10

Neryo omutima wa Dawĩdĩ mwasĩsĩra enyũma wʼeriganza bandu. Neryo Dawĩdĩ mwabwira Omwami Mukulu ati, Nahalĩrye kutsibu oko byo nakolĩre; nĩkwa lino kĩsĩ-kĩsĩ Uwe Mwami Mukulu ubuyire amalolo wʼomugombe wawe; kusangwa nabirikola obũkĩrũ bo kutsibu.

1 Abami 18:18

Naye mwasũbĩrya ati, Sĩndĩtagalya Ĩsraelĩ; nĩkwa ni we nʼekĩtũnga kya tata wawe, kusangwa wabĩrĩsĩganĩa ebihano byʼOmwami Mukulu, kandi wabirikwama Baalĩ.

1 Abami 21:20

Na Ahabũ mwabwira Elĩya, ati, Wabĩrĩnyeya uwe nzĩgũ yage kwehĩ? Naye mwasũbĩrya ati, Nabĩrĩkweya kusangwa wabĩrĩyĩgũlya erikola ekibi omo meso wʼOmwami Mukulu.

1 Emyatsi yʼEmigulu 10:13

Neryo Saũlo mwahola atya busana nʼerĩlolo liwe eryo ahalaya oko Mwami Mukulu, busana nʼekĩnywa kyʼOmwami Mukulu, ekyo atategaya; kandi kusangwa abũlaya erĩhano ukwʼoyo wabya awite embĩnga erimulagula,

2 Emyatsi yʼEmigulu 16:9

Kusangwa ameso wʼOmwami Mukulu akalaba-laba omo kihugo kyosĩ, erĩyĩkangya mo wʼamaka busana nʼabʼomutima ahĩkene kwiye. Ũmwʼekĩ wabirikola ebyʼobũkĩrũ; kusangwa erĩtsũka lino Wasyabya nʼamalwa.

2 Emyatsi yʼEmigulu 19:2

Na Yehũ mugala wa Hananĩ omũhanĩ mwayahĩndana naye, mwabwira omwami Yosafatĩ ati, Linakutolere erĩwatĩkya ababi, nʼerianza abakakwa Omwami Mukulu yʼobusu kwehĩ? Busana nʼomwatsi oyũ, erihitana liri ukʼuwe erĩkalũa oko Mwami Mukulu.

Yobũ 34:18

Nyamuhanga akasĩnga abami nʼabatabalĩ Omugulu bali buyira kutse babi.

Emĩsyo 12:8

Omundu asyasĩkĩbwa ngʼamenge wuwe kwʼali; Nĩkwa owʼomutima wʼepono asyagananwa.

Emĩsyo 19:3

Obũkĩrũ bwʼomundu bũkamũtalaya omo nzira yiwe; Nʼomutima wuwe akahitana oko Mwami Mukulu.

Ĩsaya 39:5

Neryo Ĩsaya mwabwira Hezekĩa ati, Wowe ekĩnywa kyʼOmwami Mukulu wʼemilondo,

Yeremĩa 18:10

Bamakola ekibi omo meso wage, isibekenga omulenge wage, neryo nasyaleka ebibuya ebyo nalaga eritsumulabo.

1 Samwelĩ 1:22

Nĩkwa Hana mwatahetukirayo; kusangwa abwira ĩba wuwe ati, Sindiendigendayo omwana ate atsira amabere; neryo nasyamuleta, neryo iniahuluka embere syʼOmwami Mukulu, ĩnĩkalayo ebiro byosĩ.

1 Samwelĩ 13:12

neryo monabũga nyiti, Abafĩlĩstĩnĩ bakandinyandagalirako eGĩlgalĩ, kandi sinditasaba omũyĩsa wʼOmwami Mukulu; monayisiga, monahonga obuhere bwʼerĩokererya.

1 Samwelĩ 15:11

Namayĩkũbya bomo erĩhĩra Saũlo eribya mwami; kusangwa abirisuba enyũma butanyikwama, kandi sĩalĩtaberererya ebihano byage. Neryo Samwelĩ mwakwa obũlĩge, kandi mwalakira Omwami Mukulu omo kiro kyosĩ.

1 Samwelĩ 15:22

Neryo Samwelĩ mwabũga ati, Ko Mwami Mukulu asĩmĩre amahere wʼerĩokererya nʼamahere ngʼerikenga omulenge wʼOmwami Mukulu kwehĩ? Lebaya, erĩowa lyowene kwilaba amahere, nʼerihulikirira lĩlabĩre ebĩsabũ byʼesyombangale.

1 Samwelĩ 15:28

Na Samwelĩ mwamubwira ati, Mũnabwĩre Omwami Mukulu amakutulangirako obwami bwa Ĩsraelĩ, abirihabo uku mũlĩkyenyũ, omubuya kwilaba we.

1 Samwelĩ 16:1

Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 26:21

Neryo Saũlo mwabũga ati, Nabĩrĩhalya; subula, uwe mugala wage Dawĩdĩ; kusangwa sindiendisyaswakukola nabi, kusangwa engebe yage yabiribya yʼenzwere yʼobũgulĩ omo meso wawe mũnabwĩre; lebaya nabere mũkĩrũ, nabĩrĩhalya kutsibu.