1 Samwelĩ 12:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Kandi nage kibye hali kwĩngye erĩhalya oko Mwami Mukulu erĩũmbya eribasabira; nĩkwa ngandĩbakangĩrĩrya enzira yowene nʼeyitunganene.

1 Samwelĩ 12:23 Iomraidhean Croise

1 Abami 8:36

neryo gowe elubula, ubuyire ebibi byʼabagombe bawe, nʼebyʼabandu bawe Abaĩsraelĩ, omugulu Akakangĩrĩrayabo enzira yowene eyo bangalenderamo; nʼerituma embũla oko kihugo kyawe, ekyo wabiriha bandu bawe eribya mwandu.

2 Emyatsi yʼEmigulu 6:27

neryo omo lubula, wowe, ubuyire amalolo wʼabagombe bawe, nʼawʼabandu bawe Abaĩsraelĩ, omugulu ũkakangĩrĩrayabo enzira yowene eyo bangalolamo; ũwĩsaye embũla oko kihugo kyawe ekyo wabiriha abandu bawe mo ndagano.

Esyonyimbo 122:6

Musabe busana nʼobuholo bwʼeYerũsalema! Abakakwanza babane omugaso!

Esyonyimbo 34:11

Mwase, ĩnywe bana, munyihulikirire, Ngandĩbakangĩrĩrya eriubaha Omwami Mukulu.

Esyonyimbo 34:12

Mũnanzĩre eritsema omo ngebe kwehĩ? Mũnanzĩre erikota nʼerĩyĩsyandira omo bibuya kwehĩ?

Erĩlũayo 32:30

Neryo engyakya wʼaho, Musa mwabũga nʼabandu ati, Mwabĩrĩhalya erĩlolo lĩnene; na lino ngahetukira ahali Omwami Mukulu; kwamũhwa nasyayira embanulo busana nʼebibi byenyũ.

Emĩsyo 4:11

Nabĩrĩkũkangĩrĩrya enzira yʼamenge; Nabirikusondola omo syombalu syʼeritunganene.

Omũgambũlĩ 12:10

Omũgambũlĩ mwasonda eribana ebĩnywa byʼerĩtsemesya, nʼerisaka ndeke ebĩnywa byʼekwenene.

Ĩsaya 30:21

Nʼamatwĩ wenyũ asyowa ekĩnywa enyũma wenyũ kiti, Enzira yeyĩ, mugendere muyo. Omugulu mukakitira oko luhande lwʼamali, nʼomugulu mukakitira oko luhande lwʼamalembe.

Yeremĩa 15:1

Neryo Omwami Mukulu mwambwira ati, Nomo Musa na Samwelĩ bangahangana embere syage, nĩkwa omutima wage siangabya haguma nʼabandu aba. Utumebo balũe embere syage, bagende!

Yeremĩa 27:18

Nĩkwa bamabya ini bamĩnyererĩ, nʼekĩnywa kyʼOmwami Mukulu ikine haguma nabo, lino basabe Omwami Mukulu wʼemilondo, bati ebindu ebĩsĩgere omo nyũmba yʼOmwami Mukulu nʼomo nyũmba yʼOmwami wʼeYũda, nʼeYerũsalema, sibiye eBabelĩ.

Yeremĩa 42:4

Neryo omũmĩnyererĩ Yeremĩa mwabwirabo ati, Namabĩbowa. Lebaya, nasyasaba Omwami Mukulu, Nyamuhanga wenyũ ngʼebĩnywa byenyũ. Neryo ekĩnywa kyahi Omwami Mukulu asyasũbĩrya, nasyababwirakyo sĩndĩendĩsyababĩsa ekĩnywa nʼekiguma.

Yeremĩa 6:16

Omwami Mukulu ati, Muhangane omo syonzira mulangire, mũbũlaye busana nʼesyonzira sya kera, ahali enzira yowene. Kandi mulendere muyo, mwasyabana eriluhuka busana nʼemitima yenyũ. Nĩkwa mobabũga bati, Sitwendilaba muyo.

Emibiri 12:5

Neryo mobateya Petero yʼomo mũlĩkĩ, nĩkwa abandu bʼekanĩsa mobasaba Nyamuhanga yo kutsibu busana naye.

Emibiri 20:20

Kandi mũnasĩ mondagana erĩbatũlĩra omwatsi owabya nʼendũndĩ, ĩnĩngabakangĩrĩraya embere syʼabandu, kandi omo yindi nyũmba nʼomo yindi nyũmba.

AbanyaRoma 1:9

Kusangwa Nyamuhanga nĩ mũlangĩrĩ wage, oyo ngakolera nʼomutima wage gosĩ omo mũbĩrĩ wʼEngulu Yowene yʼomugala wuwe, anasĩ ngoko ngabahula emigulu yosĩ omwʼisaba, lyage, butsira erĩũmbya.

1 AbanyaKorinto 9:16

Kusangwa namatũla Engulu Yowene, singwite ekyʼeriyihalambira. Kusangwa ngwite ekĩkanyĩkũna. Kusangwa obũlĩge kwĩngye namatindatũla Engulu Yowene.

AbanyaKolosai 1:28

Litya tũkakanaya Kristo oko buli mundu. Tukahana obuli mundu, nʼerĩkangĩrĩrya obuli mundu omo menge gosĩ, itwatoka erireta obuli mundu embere sya Nyamuhanga, omundu oyo ĩnĩabĩrĩhĩkana busana nʼerimatikana na Kristo.

AbanyaKolosai 1:9

Busana nʼomwatsi oyũ, tukabasabira ebiro byosĩ erĩtsũka ekiro towa engulu yenyũ. Tukasaba Nyamuhanga tuti abamĩnyĩsaye ndeke-ndeke erisonda liwe haguma nʼamenge gosĩ nʼerĩowa lyosĩ, ebyo Mũlĩmũ Abũyĩrĩre akatuha.

1 AbanyaTesalonika 3:10

Tukasaba kutsibu omo kiro nʼomwʼitungi tuti tubaloleko nʼerĩberererya ebyo bikabula omwʼĩkĩrĩrya lyenyũ.

2 Timoteo 1:3

Ngaha Nyamuhanga oyo ngakolera yo wasĩngya, omo bunya-mutima obute mwʼebibi, ngoko aboso-kulu wage bakola. Kandi ngamuha ewasĩngya omugulu ngakwibuka ebiro byosĩ omwʼisaba lyage, omo kiro nʼomwʼitungi.

1 Samwelĩ 12:19

Nʼabandu bosĩ mobabwira Samwelĩ bati, Usabire abagombe bawe oko Mwami Mukulu Nyamuhanga wawe, situhole; kusangwa twabiritomekera oko bibi byetu byosĩ kwʼekibi kyʼeriyisondera omwami.

1 Samwelĩ 8:6

Nĩkwa omwatsi oyo mwabya mubi uku Samwelĩ, omugulu babũga bati, Utuhe omwami atutswere. Na Samwelĩ mwasaba Omwami Mukulu.