1 Samwelĩ 12:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Simukitire emũsĩke erikwama emyatsi mitya-mitya eyite na mugaso kutse erĩlamya, kusangwa ni ya busa.

1 Samwelĩ 12:21 Iomraidhean Croise

2 Abami 17:15

Mobagana emigambo yiwe, nʼendagano yiwe eyo alagana nʼabotata wabo, nʼerikunga liwe eryo akungabo; mobakwama ebitya-bitya, mobabya batya-batya, mobakwama ebihanda ebyabya bĩtĩmbĩre kubo, abo Mwami Mukulu alayirabo ati, Sibakole ngabo.

Ĩsaya 41:29

Lebaya, abosĩ ba kubo ni bʼamabehĩ. Emĩbĩrĩ yabo siri na mugaso, esyosanamu syabo syʼerĩnyenyetya ni hunga nʼekĩhũlũ-hũlũ.

Ĩsaya 45:20

Mũyĩhĩndanaye mwase. Musegere hakũhĩ haguma, ĩnywe basayĩ bʼebihanda. Abakaheka esanamu yabo yʼomuti, nʼerisaba nyamuhanga oyute wangalamya, sibawite amenge.

Ĩsaya 46:7

Bakaheka oko kitigo, bakahekasyo, bakasingikasyo aho wasyo, nasyo sikahanganaho, sĩsĩrĩlũa aho wasyo. Ega, nomo mundu angalakirasyo, sĩsyangamũsũbĩrya. Na sisyetoka erĩmũlamya omo bũlĩge buwe.

Yeremĩa 10:15

Ni bitya-bitya, omũbĩrĩ wʼeriteba. Oko mugulu wʼerisuyirwa lyabo basyahera.

Yeremĩa 10:8

Nĩkwa nĩ batagangalĩ, kandi nĩ bakĩrũ erĩkangĩrĩrya lyʼesyosanamu, ka ni muti musa!

Yeremĩa 14:22

Omo katĩkatĩ kʼesyosanamu syʼebihanda hane esikaleta embũla kwehĩ? Kutse amatũkũ anganatoka erireta embũla kwehĩ? Si nina we Mwami Mukulu, Nyamuhanga wetu kwehĩ? Neryo tũkahĩra amaha wetu ukʼuwe, kusangwa ni we oyo wabirikola emyatsi eyĩ yosĩ.

Yeremĩa 16:19

Uwe Mwami Mukulu, amaka wage, nʼahakongotere hage, nʼobusayiro bwage oko biro byʼobũlĩge, ebihanda byosĩ byasyakũhĩkako, erĩlũa oko syondũlĩ syʼekihugo, byasyabũga biti, Abotata wetu mobalya omwandu wʼamabehĩ masa, nʼebitya-bitya nʼemyatsi eyite mo ndũndĩ.

Yeremĩa 2:13

Kusangwa abandu bage babirikola ebibi bibiri. Babĩrĩnyĩsĩganĩa, ĩngye ĩsoko yʼamagetsi wʼengebe, babiriyitakulira ebĩrĩba, ebĩrĩba ebĩkalũa, ebitetoka eribika amagetsi.

Yeremĩa 2:5

Omwami Mukulu ati, Abotata wenyũ mobanyibana kwʼĩbanza libi ryahi, kyaleka ĩbanyĩsĩga hali kwehĩ? Bamakwama emyatsi mitya-mitya, nabo babiribya batya-batya.

Yona 2:8

Abakayiketera ebite nʼomugaso, ebyʼamabehĩ Bakasĩganaya eritendiregula lyabo.

Yona 2:9

Nĩkwa nasyakuhongera omo mulenge wʼewasĩngya; Nasyatũha ekyo nalahĩraya Omulamo ni wʼOmwami Mukulu.

Habakũkĩ 2:18

Esanamu ikaleta ndũndĩ yahi omũbatsĩ wayo amabibatsayo kwehĩ? Kutse esanamu yʼerĩnũnĩa, oko mũkangĩrĩrya wʼamabehĩ kwehĩ? Kusangwa oyo wakokotayayo iniakayiketera omũbĩrĩ wuwe omugulu akabumba esyosanamu esitetoka erĩbũga.

Emibiri 14:15

Ĩnywe balume, busana nakĩ mukakola mutya kwehĩ? Netu tuli bandu abalingene nenyũ! Tũkabatũlĩra Engulu Yowene imwatoka erireka emyatsi mitya-mitya eyĩ, nʼeribindukira Nyamuhanga oyuliho, oyo wabumba olubula, nʼekihugo, nʼengetsi, nʼebyosĩ ko birimo.

1 AbanyaKorinto 8:4

Neryo busana nʼomwatsi wʼakalyo akakahererawa oko syosanamu, tũnasĩ ngoko esanamu si kindu muna-kihugo, kandi tũnasĩ ko hali Nyamuhanga muguma musa.

Eryibuka Ebihano 11:16

Mũyĩlebaye, emitima yenyũ ĩkasyatebĩbwa, ĩmwabũnũkala, mukakolera esindi nyamuhanga, nʼerĩramyasyo.

Eryibuka Ebihano 30:17

Nĩkwa omutima wawe amabũnũkala, ĩsĩmũlĩowa, nĩkwa ukakurwa nʼerĩramya esindi nyamuhanga, nʼerikolerasyo;

Eryibuka Ebihano 32:21

Babĩrĩnyĩmũkya mwʼobũha omo bite Nyamuhanga; Babĩrĩnyĩhĩtanĩa omo sanamu syabo. Ngandĩmũkya obũha omo bate kihanda; Nasyahĩtanĩabo omo kihanda kĩkĩrũ.