1 Samwelĩ 12:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Neryo Samwelĩ mwasaba Omwami Mukulu, nʼOmwami Mukulu mwatuma omũlũmo nʼembũla ekiro ekyo. Nʼabandu bosĩ mobubaha Omwami Mukulu yo kutsibu na Samwelĩ.

1 Samwelĩ 12:18 Iomraidhean Croise

1 Abami 18:42

Neryo Ahabũ kwʼahetũka atya akayalya nʼerĩpũlya. Elĩya naye mwahetukira endata oko kitwa kyʼeKarmelĩ; neryo mwatũlama oko kitaka mwahĩra obũsũ buwe omo katĩkatĩ kʼamarwĩ wuwe.

Ezera 10:9

Neryo abandu bosĩ ba Yũda na Benyamĩna mobayĩhĩndanĩa eYerũsalema omo biro bisatu ebyo. Omwatsi oyũ abya oko mukera wʼomwenda, nʼoko kiro kyʼamakũmĩ abiri kyʼomukera. Neryo abandu bosĩ mobĩkala omo kibuga embere syʼenyũmba ya Nyamuhanga, bakatitimana busana nʼomwatsi oyũ, na busana nʼembũla nene.

Yobũ 37:13

Nyamuhanga akatuma embũla eriwa oko kitaka: Anganatumayo busana nʼerisuyira abandu, Kutse eriganyirabo.

Esyonyimbo 99:6

Musa na Harũnĩ babya bahererĩ buwe babiri, Kandi Samwelĩ abya oyũkamũramaya; Mobalakira Omwami Mukulu, naye mwasũbĩryabo.

Erĩlũayo 14:31

NʼAbaĩsraelĩ mobalangira omũbĩrĩ munene ogo Mwami Mukulu akola oko Banya Mĩsĩrĩ, nʼabandu mobubaha Omwami Mukulu; mobĩkĩrĩrya Omwami Mukulu nʼomugombe wuwe Musa.

Yosũa 10:12

Neryo Yosũa mwabũga nʼOmwami Mukulu omo kiro ekyo Mwami Mukulu ahĩra Abaamorĩ omo byala byʼabana ba Ĩsraelĩ; kandi mwabũga omo meso wa Ĩsraelĩ ati, Eryuba, wimane oko Gĩbeonĩ; Nawe, mukera, omo musya wʼeAĩyalonĩ.

Yosũa 4:14

Oko kiro ekyo, Omwami Mukulu mwahamya Yosũa omo meso wʼAbaĩsraelĩ bosĩ; kandi mobamubaha, ngoko bubaha Musa, ebiro byosĩ byʼengebe yiwe.