1 Samwelĩ 11:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo engyakya, Saũlo mwahĩra bandu omo milondo ĩsatu; mobingira omo kambĩ omo muhuho, mobĩta Abaamonĩ erĩhĩka omwʼitungi-tsibu. Neryo ababala mobapanzapanzwa, isihali ababiri ba kubo abasĩgala haguma.

1 Samwelĩ 11:11 Iomraidhean Croise

Enzũko 22:14

Neryo Abrahamũ mwahula erĩna lyaho mo Mwami Mukulu asyabanayo, ngoko kĩkabũgawa erĩhĩka mũnabwĩre kiti, Omo kitwa kyʼOmwami Mukulu moyasyabanika.

2 Samwelĩ 18:2

Neryo Dawĩdĩ mwahongokya abandu mo bihanda bisatu, ekihanda kiguma omo byala bya Yoabũ, nʼekindi kihanda omo byala bya Abĩsayĩ, omugala wa Zerũya, mugala wabo Yoabũ, nʼekyʼakasatu omo byala bya Ĩtaĩ, Omũgĩtĩ. Kandi omwami mwabwira abandu ati, Kwenene nage ngandigenda haguma nenyũ nibya.

Esyonyimbo 46:1

Nyamuhanga ni busayiro bwetu nʼamaka wetu, Nyamuhanga asĩkĩre erĩtũwatĩkya omo mugulu wʼobũlĩge.

Erĩlũayo 14:24

Neryo mokyabya omo kĩsĩsĩmũko kyʼomo ngyakya Omwami Mukulu mwasamalira omulondo wʼAbanya Mĩsĩrĩ omo katĩkatĩ kʼendũyĩ yʼomuliro nʼekĩtũ, neryo mwahahũkya omulondo wʼAbanya Mĩsĩrĩ.

Matayo 7:2

Kusangwa omũsĩndo mukatswera, gona Nyamuhanga asyabatsweramo; nʼolulengo olo mukalengamo, asyabalenga mulo.

Yakobo 2:13

Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.

Abatswerĩ 1:7

Na Adonĩ-bezekĩ mwabũga ati, Abami makũmĩ alinda abatũbawa kwʼebikumo nʼamano wabo wʼobulume, mobasongya akalyo kabo omwisi wʼemesa yage. Ngoko nakola, Nyamuhanga abĩrĩnyĩtũhũlĩryako. Neryo mobamuleta eYerũsalema, mwaholerayo.

Abatswerĩ 4:16

Nĩkwa Baraka mwakwamirira esyogalĩ, nʼemilondo yʼabasĩrĩkanĩ erĩhĩka eHarosetĩ-Goyĩmũ; nʼomulondo wʼabasĩrĩkanĩ gosĩ wa Sĩsera mwawa omo boya bwʼomũyalĩ; mohatasaka mundu nʼomuguma.

Abatswerĩ 7:16

Kandi mwagaba abandu magana asatu (300) mo milondo ĩsatu, kandi mwahĩra esyongubi omo byala byʼabosĩ ba kubo, nʼemikongoto yʼeminaga, nʼebisosomole omwisi wʼeminaga.

Abatswerĩ 7:20

Omugulu emilondo ĩsatu yabuha esyongubi, nʼeritulanga eminaga, mobawata oko bisosomole omo byala byabo byʼamalembe, nʼesyongubi omo byala byabo byʼamali busana nʼeribuhasyo, kandi mobabirikira bati, Omũyalĩ wʼOmwami Mukulu nʼowa Gĩdeonĩ!

Abatswerĩ 9:43

Naye mwĩmya abandu, mwagababo mo milondo ĩsatu, mwalambirabo omolĩ; neryo mwalangira, neryo lebaya, abandu mobalũa oko mũyĩ; neryo Abĩmelekĩ mwahangana nʼeribambirabo, kandi mwĩtabo.

1 Samwelĩ 11:2

Neryo Nahasĩ Omũamonĩ mwabwirabo ati, Ngandilagana nenyũ omo mwatsi muguma ono, nyiti ameso wenyũ gosĩ wʼamali gʼobuli mundu alolawe; kandi nasyayirakyo mo kĩtsũmĩ oko Baĩsraelĩ bosĩ.

1 Samwelĩ 14:47

Kandi Saũlo abere abĩmya obwami oko Baĩsraelĩ, mwalwa nʼesyonzĩgũ siwe syosĩ oko mbande syosĩ, oko Bamoabũ, nʼoko bagala ba Amonĩ, nʼAbaedomũ, nʼoko bami bʼeSoba, nʼAbafĩlĩstĩnĩ; nʼehosĩ agenda, mwakĩndabo.