1 Samwelĩ 10:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ NʼOmũlĩmũ wʼOmwami Mukulu asyakũhĩkako nʼamaka, nawe wasyaminyerera haguma nabo, nawe wasyabindulwa mo gundi mundu.

1 Samwelĩ 10:6 Iomraidhean Croise

Emiganzo 11:17

Nage nasyandagala nʼerĩkanĩa nawe aho; kandi nasyĩmya oko Mũlĩmũ owali ukʼuwe, nasyahĩrago kubo; nabo basyaheka omuheke wʼabandu haguma nawe, isiwahekaga ĩgowene.

Emiganzo 11:25

Neryo Omwami Mukulu mwandagala omo kĩtũ, mwakanĩa naye, neryo mwĩmya oko Mũlĩmũ owamubyako, mwahĩrago oko bakulu makũmĩ alinda; neryo enyũma wʼaho, Omũlĩmũ abere abĩkala kubo, mobaminyerera. Nĩkwa mobataswakola batya.

Emiganzo 11:26

Nĩkwa abandu babiri mobasĩgalira omo kilaliriro, erĩna lyʼomuguma lyabya Eldadĩ, nʼerĩna lyʼogundi lyabya Medadĩ; neryo Omũlĩmũ mwabya kubo; (nabo babya oko bandu abasakawa, oko mũbĩrĩ wʼobũmĩnyererĩ nĩkwa babya isibetahuluka eriya oko Hema); mobaminyerera omo kilaliriro.

Emiganzo 11:29

Na Musa mwabũga naye ati, Uli nʼobũha busana nage kwehĩ? Kumbe abandu bosĩ bʼomwami Mukulu nĩ bamĩnyererĩ, kumbe Omwami Mukulu angahĩra Omũlĩmũ guwe go kubo!

Matayo 7:22

Omugulu ekiro ekyo kyasyasa, abandu bangi basyabũga nage bati, Mukama, Mukama! Omo lĩna lyawe motũtatũla omwatsi wa Nyamuhanga kwehĩ? Nʼomo lĩna lyawe motutahiga esyombĩnga kwehĩ? Kandi omo lĩna lyawe motutakola ebitiko-tiko bingi kwehĩ?

Abatswerĩ 14:6

Omũlĩmũ wʼOmwami Mukulu mwamũhĩkako omo maka, neryo mwatulayo ngoko angatũlĩre ekyana kyʼembene; kandi isiawite uku kindu omo byala biwe; nĩkwa mwatabwira tata wuwe kutse koyo wuwe ebyo akolĩre.

Abatswerĩ 15:14

Omugulu ahĩka eLehĩ Abafĩlĩstĩnĩ mobamũta obogo omugulu bahĩndana naye; neryo Omũlĩmũ wʼOmwami Mukulu mwamũhĩkako nʼamaka, nʼebikoba ebyabya oko maboko wuwe mobyabya ngʼebiti byʼekĩtanĩ ebiriahya omo muliro nʼamakũndĩkĩra wuwe mwatoga oko byala biwe.

Abatswerĩ 3:10

Omũlĩmũ wʼOmwami Mukulu mwamũhĩkako, naye mwatswera Ĩsraelĩ. Omugulu ayalwa, Omwami Mukulu mwahĩra Kũsanĩ-rĩsataĩmũ omwami wʼeMesopotamia omo byala biwe; neryo Otĩnĩelĩ mwakĩnda Kũsanĩ-rĩsataĩmũ.

1 Samwelĩ 10:10

Nʼomugulu bahĩka oko kitwa ekyo, lebaya, omulondo wʼabamĩnyererĩ mwahĩndana naye; nʼOmũlĩmũ wa Nyamuhanga mwamũhĩkako nʼamaka, neryo mwaminyerera omo katĩkatĩ kabo.

1 Samwelĩ 10:9

Neryo omugulu alolaya omugongo wuwe uku Samwelĩ, Nyamuhanga mwamuha ogundi mutima; nʼebiminyikalo byosĩ ebyo mobyabererera oko kiro ekyo.

1 Samwelĩ 11:6

Neryo Omũlĩmũ wa Nyamuhanga mwahĩka uku Saũlo nʼamaka omugulu owa ebĩnywa ebyo, nʼerihitana liwe molyagulumira kutsibu.

1 Samwelĩ 16:13

Neryo Samwelĩ mwĩmya erĩhembe eriri mwʼamagũta, mwamũhakabya omo katĩkatĩ kʼabagala babo. NʼOmũlĩmũ wʼOmwami Mukulu mwahĩka uku Dawĩdĩ ko kutsibu erĩtsũka oko kiro ekyo. Neryo Samwelĩ mwahangana mwaya eRama.

1 Samwelĩ 19:20

Neryo Saũlo mwatuma abakwenda eriyahamba Dawĩdĩ; neryo omugulu balangira endeko yʼabamĩnyererĩ bakaminyerera, na Samwelĩ iniahangeneho mo mukulu wabo, Omũlĩmũ wa Nyamuhanga mwahĩka oko bakwenda ba Saũlo, nabo mobaminyerera nibya.