1 Samwelĩ 1:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo Hana mwahangana abirya nʼerĩpũlya, eSĩlo. Neryo omũhererĩ Elĩ abya ĩkere oko kĩtũmbĩ kiwe hakũhĩ nʼenzeguliro yʼolũyĩ lwʼeHekalũ yʼOmwami Mukulu.

1 Samwelĩ 1:9 Iomraidhean Croise

2 Samwelĩ 7:2

omwami mwabwira Natanĩ omũmĩnyererĩ, ati, Langira, ĩngye nyĩkere omo nyũmba yʼemĩerezĩ, nĩkwa erĩsandũko lya Nyamuhanga lĩkere omo hema yʼebĩsũkũlĩryo.

Esyonyimbo 27:4

Nabirisaba Omwami Mukulu omwatsi muguma, nasyasondago; Nyiti, nyĩkale omo nyũmba yʼOmwami Mukulu ebiro byosĩ byʼengebe yage, Nyilangire obubuya bwʼomwami Mukulu, Nʼerimusaba omo Hekalũ yiwe.

Esyonyimbo 29:9

Omulenge wʼOmwami Mukulu akabũkaya esyongabi, Kandi akalũsaya emitahi yʼomũsĩtũ; Kandi omo Hekalũ yiwe ebyosĩ bĩkabũga biti, Nyamuhanga apipawe.

Esyonyimbo 5:7

Nĩkwa ĩngye nasyaya omo nyũmba yawe busana nʼolwanzo nʼobubuya bwawe bunene, Nasyakũramya nʼerikubaha ĩngalolaya oko Hekalũ yawe ĩbũyĩrĩre.

Erĩlũayo 21:6

neryo omukama wuwe iniamuleta uku Nyamuhanga, kandi iniamuleta oko lũyĩ, kutse oko nzeguliro syʼolũyĩ; nʼomukama wuwe asyatobola okũtũ kuwe omo mugera; naye asyamukolera emigulu yosĩ, na kera.

1 Samwelĩ 1:10

Neryo abya nʼobũlĩge omo mutima, mwasaba Omwami Mukulu, mwalira kutsibu nʼemĩsonĩa.

1 Samwelĩ 3:15

Neryo Samwelĩ mwayagotsera erĩhĩka engyakya. Neryo mwakingula esyonyũyĩ syʼenyũmba yʼOmwami Mukulu. Nĩkwa Samwelĩ mubaha erĩkangya esyonzolĩ esyo.

1 Samwelĩ 3:3

Nʼetala ya Nyamuhanga yabya isiriyahumbera, na Samwelĩ ĩnĩanagalamĩre omo Hekalũ yʼOmwami Mukulu, ahali erĩsandũkũ lya Nyamuhanga;

1 Samwelĩ 4:13

Nʼomugulu ahĩka, Elĩ abya ĩkere oko kĩtũmbĩ kiwe oko mũsĩke wʼenzira akalebya; kusangwa omutima wuwe mwatitimana busana nʼerĩsandũko lya Nyamuhanga. Nʼomugulu omundu oyo ahĩka omo mũyĩ, erĩtũlago, omũyĩ gosĩ mwalaka.