1 Samwelĩ 1:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kandi Elkana ĩba wuwe mwamubwira ati, Hana, ukalirakĩ kwehi? Kandi busana nakĩ sulirya kwehĩ? Na busana nakĩ omutima wawe akabya nʼobũlĩge kwehĩ? Ingye sĩnyĩrengĩre abagala ĩkũmĩ busana nawe kwehĩ?

1 Samwelĩ 1:8 Iomraidhean Croise

2 Abami 8:12

Neryo Hazaelĩ mwabũga ati, omukama wage akalira busana nakĩ kwehĩ? Naye mwamũsũbĩrya ati, Kusangwa nyĩnasĩ ekibi ekyo wasyakolera abana ba Ĩsraelĩ; wasyahĩsya ahakongotere habo omo muliro, kandi wasyĩta abalwana babo omo mũyalĩ, kandi wasyatsũtsanga abana babo balere, kandi wasyasatangya abakule babo.

Yobũ 6:14

Oyukasonda erirembera atolere erikolwa ndeke na mwĩra wuwe; Akasyaleka eriubaha lyʼOmũtokĩ Wʼebyosĩ.

Esyonyimbo 43:4

Neryo nasyaya oko kiherero kyawe, uwe Nyamuhanga, Uku Nyamuhanga oyukamba obutseme nʼerĩyĩsyandira; Uwe Nyamuhanga, Nyamuhanga wage, Nasyakwimbira omo nanga nʼerikupipa.

Ĩsaya 54:1

Utseme, uwe mũkalĩ oyutabuta; Uyitsangure, wamaye, iwe utakunda; kusangwa omũkalĩ oyo walekeranĩbawa, awite abana kwilaba omũkalĩ oyuwite ĩba, kusangwa Omwami Mukulu atya.

Ĩsaya 54:6

Kusangwa Omwami Mukulu abirikubirikira, ngʼomũkalĩ oyo wasĩgawa nʼoyukagalawa omo mutima, ngʼomũkalĩ oyũhĩkĩbwe omo bumbesa buwe omugulu akahigawa, Nyamuhanga wawe atya.

Yoane 20:13

Nabo mobamũbũlya bati, Mũkalĩ, busana nakĩ ukalira kwehĩ? Naye mwabwirabo ati, Kusangwa batwere Omukama wage, nage Sĩnyasĩ aho bamũhĩrĩre.

Yoane 20:15

Yesu mwamũbũlya ati, Mũkalĩ, ukalira busana nakĩ kwehĩ? Ukasonda-sondayandi kwehĩ? Naye mwaganĩrya ati yo mũlĩmĩ wʼeririma, mwamubwira ati, Mukama, wamabya ini we wamutwere ehandi, unyibwire aho wamũhĩrĩre, nage ngandimutwala.

1 AbanyaTesalonika 5:14

Kandi tukabalemba-lemba, balĩkyetu, tuti muhane abakagala-ganda, mũhamĩraye abʼomutima owasĩkerere, mũwatĩkaye abandu bosĩ, mubye nʼomutima wʼeriyibombeka busana nʼabandu bosĩ.

Rũta 4:15

Naye asyabya ukʼuwe omũsũbya wʼengebe, nʼomũwatĩkya omo biro byʼobukulu bwawe; kusangwa mwalyana wawe, oyũkwanzĩre, nʼoyuli mubuya busana nawe kwilaba bagala balinda, abirimubuta.

1 Samwelĩ 1:7

Naye mwakola atya obuli mwaka, omugulu aya oko nyũmba yʼOmwami Mukulu, mwamwendererya; kyaleka inialira nʼeriyĩra akalyo.