1 Samwelĩ 1:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Kandi mwalahĩrya ekilahiro ati, Uwe, Mwami Mukulu wʼemilondo, wamasamalira kwenene obũlĩge bʼomugombe wawe wʼobũkalĩ, nʼerinyibuka, nʼeritendibirirwa omugombe wawe wʼobũkalĩ, nĩkwa wasyaha omugombe wawe wʼobũkalĩ yʼomwana wʼobulume, neryo nasyamuha oko Mwami Mukulu ebiro byosĩ byʼeribyaho liwe, kutse olugembe silwendisyakira omo mutwe wuwe.

1 Samwelĩ 1:11 Iomraidhean Croise

Enzũko 28:20

Na Yakobo mwayisema omo kisemo ati, Nyamuhanga amasyabya haguma nage akanyĩteya omo nzira ngayamo, nʼerimba akalyo kʼerirya, nʼolukimba lwʼeriambala,

Enzũko 29:32

Neryo Lea mwaheka obukule, mwabuta mugala, mwahula erĩna liwe mo Rũbenĩ, kusangwa abũga ati, Omwami Mukulu abirilangira obũlĩge bwage; lino ĩbage akandinyanza.

Enzũko 30:22

Neryo Nyamuhanga mwibuka Rakelĩ, mwamwowa, mwabohola enda yiwe.

Enzũko 8:1

Neryo Nyamuhanga mwibuka Noa, nʼesyonyama syosĩ, nʼesyonde syosĩ esyabya haguma naye omo bwato. Neryo Nyamuhanga mwalabya erihunga lyʼoko kihugo, neryo amagesti mwatsũka erihwako.

2 Samwelĩ 16:12

Mbino Omwami Mukulu asyalangira obũlĩge bwage, nʼerĩnyĩsũbũlĩrya ebibuya busana nʼeritakira liwe mũnabwire.

Esyonyimbo 25:18

Ũlebaye amalĩge wage nʼamagalĩ wage, Kandi ubuyire ebibi byage byosĩ!

Erĩlũayo 4:31

Nʼabandu mobĩkĩrĩrya; babere bowa ngoko Mwami Mukulu abĩrĩlũngũlĩra abana ba Ĩsraelĩ, nʼakandi ngoko abirilangira amalĩge wabo, neryo mobũnamya emitwe yabo ahisi mobaramya.

Emĩsyo 31:2

Mugala wage, kuti kwehĩ? Kandi, mugala wʼenda yage, nĩkĩ kwehĩ? Kandi uwe mugala wʼerĩlahĩrya lyage nĩkĩ kwehĩ?

Omũgambũlĩ 5:4

Omugulu ukalaga Nyamuhanga, sulindirire erĩtũhalyo, kusangwa sialitsemera ebĩkĩrũ. Ũtũhe ekyo walaga!

Abalawĩ 27:2

Ũbũge nʼabana ba Ĩsraelĩ, ubwirebo uti, Omugulu omundu asyalahĩrya ekĩkalĩre basyabya busana nʼOmwami Mukulu ngoko wabirimuganzira omo nzwere yʼabandu.

Emiganzo 21:2

Na Ĩsraelĩ mwalahĩrya oko Mwami Mukulu mwabũga ati, Wamahĩra abandu aba bʼomo byala byage, neryo nasyaherya emĩyĩ yabo yo kutsibu.

Emiganzo 6:11

Nʼomũhererĩ asyahera akaguma busana nʼobuhere bwʼebibi, nʼakandi busana nʼobuhere bwʼerĩokererya, nʼerimukolera embanulo busana nʼebibi biwe busana nʼomũholĩ. Kandi asyahigula omutwe wuwe ekiro ekyo kisakisa.

Emiganzo 6:5

Ebiro byosĩ byʼeriyisema okwʼiyisolola liwe, olugembe silwendisyakira omo mutwe wuwe; erĩhĩka aho biro byasyahĩkanira, ebyo ayisololamo oko Mwami Mukulu, asyabya mũbũyĩrĩre; asyaleka esyonzwiri syʼomutwe wuwe isyakula isyabya nyiri.

Emiganzo 6:8

Ebiro byosĩ byʼeriyisolola liwe abũyĩrĩre oko Mwami Mukulu.

Abatswerĩ 11:30

Na Yefũta mwayisema erĩlahĩrya oko Mwami Mukulu, ati, Wamahĩra kwenene abana ba Amonĩ omo byala byage,

Abatswerĩ 13:5

Kusangwa, lebaya, wasyaheka obukule, nʼeributa omugala; nʼolugembe silwendisyakira omo mutwe wuwe; kusangwa omwana oyo asyabya Omũnazĩrĩ uku Nyamuhanga erĩtsũka omo nda, naye akandĩsyatsũka erĩlamya Abaĩsraelĩ omo byala byʼAbafĩlĩstĩnĩ.

1 Samwelĩ 1:10

Neryo abya nʼobũlĩge omo mutima, mwasaba Omwami Mukulu, mwalira kutsibu nʼemĩsonĩa.

1 Samwelĩ 1:12

Neryo omugulu ahatikana erisaba embere syʼOmwami Mukulu, Elĩ mwayĩtegererya obuno buwe.

1 Samwelĩ 1:19

Neryo mobahangana omo ngyakyangyakya, mobaramya embere syʼOmwami Mukulu, mobasubula, mobahĩka omo nyũmba yabo eRama. Neryo Elkana mwĩmya mũkalĩwe; neryo Omwami Mukulu mwamwibuka.

1 Samwelĩ 1:22

Nĩkwa Hana mwatahetukirayo; kusangwa abwira ĩba wuwe ati, Sindiendigendayo omwana ate atsira amabere; neryo nasyamuleta, neryo iniahuluka embere syʼOmwami Mukulu, ĩnĩkalayo ebiro byosĩ.

1 Samwelĩ 1:27

Kusangwa monasaba busana nʼomwana oyũ; neryo Omwami Mukulu abirimba erisaba lyage eryo namusaba.

1 Samwelĩ 1:28

Neryo busana nʼekyo namamuha oko Mwami Mukulu; emigulu yosĩ asyabyaho, abirihabwa oko Mwami Mukulu. Neryo mwaramĩryaho Omwami Mukulu.

1 Samwelĩ 2:20

Na Elĩ mwatsumula Elkana nʼomũkalĩ wuwe, mwabũga ati, Omwami Mukulu akuhe abana oko mũkalĩ oyũ omo mwanya wʼoyo aha Omwami Mukulu. Neryo mobaya eka wabo.