1 Petero 5:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

Nouveau Testament et Psaumes en Ndandi Version 1962

¹⁰ Kandi nenyu mwamabiagalwa akatambi, Mungu wolukogo losi, oyo wababirikira oko lukengerwa luwe lwerikota omwisi waKristo, asyabasubya, eribasikya, neribaha akagala.

1 Petero 5:10 Iomraidhean Croise

Esyonyimbo 119:28

Namahola nʼobũlĩge; Unyihe akagala, ngoko wabirinyilaga.

Esyonyimbo 138:7

Nomo amalĩge anganyĩtĩmbako, wasyanyibika buholo; Ukabambira esyonzĩgũ syage esikahitana, Wasyanyĩlamya omo bũtokĩ bwawe.

Esyonyimbo 86:15

Nĩkwa uwe Mukama, uli Nyamuhanga wʼeriganyira, nʼowʼolwanzo. Sulihitana lũba, uli wʼobwenge ebiro byosĩ, Suliregula.

Esyonyimbo 86:5

Uwe Mukama, uli mubuya, kandi ukabwira, Woswĩre mwʼolwanzo olutyusa busana nʼabosĩ abakakulakira.

Zekarĩa 10:12

Nage nasyahabo amaka omo Mwami Mukulu; nʼOmwami Mukulu ati, Basyalendera omo lĩna liwe.

Zekarĩa 10:6

Nage nasyaha ekĩtũnga kya Yũda amaka, kandi nasyalamya ekĩtũnga kya Yosefũ, nasyasũbũlyabo; kusangwa nabiriganyirabo; nabo basyabya nga sinditaganabo; kusangwa indi Mwami Mukulu, Nyamuhanga wabo, kandi nasyasũbĩryabo.

Luka 22:32

Nĩkwa ĩngye nabirikusabira, uwe Sĩmonĩ, erĩkĩrĩrya lyawe sĩryũmbaye. Kandi wamaswabinduka, uhane abagala benyũ.

AbanyaRoma 15:13

Nĩkwa Nyamuhanga, oyukaleta maha, abosũlaye nʼobutseme bosĩ nʼobuholo bosĩ busana nʼerĩmwĩkĩrĩrya, amaha wenyũ akanyirire kutsibu omo bũtokĩ bwʼOmũlĩmũ Abũyĩrĩre.

AbanyaRoma 15:5

Nĩkwa Nyamuhanga oyukaha erĩyĩyĩnĩa nʼerihanda omutima, abahe obũlengekanĩa bwa Kristo Yesu.

AbanyaRoma 16:25

Tupipe Nyamuhanga! Iye akatoka erĩbahanganĩa ndeke omo Ngulu Yowene eyo ngatũla, omwatsi wa Yesu Kristo, erĩkũmbo eryabĩsawa omo syondengo sya kera. Nĩkwa lino lyabĩrĩbĩsũlwa,

AbanyaRoma 9:11

Nĩkwa abahasa bate babutwa, isibebakola kibuya kutse kibi,

AbanyaRoma 9:24

Kusangwa nĩ ĩtwe abirikira, butsira omo katĩkatĩ kʼAbayũda basa, nĩkwa omo katĩkatĩ kʼEbihanda nibya.

1 AbanyaKorinto 1:10

Neryo balĩkyetu, ngabalemba-lemba omo lĩna lyʼomukama wetu Yesu Kristo, nyiti ĩnywe bosĩ mũbũge kiguma. Nyiti Sihabye erigabana omo katĩkatĩ kenyũ, nĩkwa mubohane omo bũlengekanĩa buguma nʼomutima muguma.

1 AbanyaKorinto 1:9

Nyamuhanga sialiregula, naye abiribabirikira erisakana nʼomugala wuwe, Omukama wetu Yesu Kristo.

2 AbanyaKorinto 13:11

Neryo balĩkyetu, Obuholo! Mukwame erĩhĩkana, mowe ebyo ngabũga; mubye nʼobũlengekanĩa buguma, musibe buholo; na Nyamuhanga wʼolwanzo nʼowʼobuholo asyabya haguma nenyũ.

2 AbanyaKorinto 4:17

Kusangwa obũlĩge obũ bwangũhĩre, nĩ bwʼakatambĩ kake, bwasyatuletera olukengerwa lwʼerikota, olũlabĩre olulengo.

AbanyaFilipi 4:13

Nyĩtokĩre erikola ebyosĩ busana nʼamaka wa Kristo oyũkanyĩtokesaya.

AbanyaKolosai 2:7

Muhande emĩrĩhĩ yenyũ omwisi wuwe. Mũsĩkaye erĩkĩrĩrya lyenyũ ngoko mwakangĩrĩrĩbawa. Mubye nʼomutima oswĩre nʼewasĩngya.

1 AbanyaTesalonika 2:12

Motwabahana, motwabahamĩrya, motwabalemba-lemba, tuti imwalendera ngoko litolere embere sya Nyamuhanga, oyukababirikira erisangira obwami buwe nʼolukengerwa luwe.

2 AbanyaTesalonika 2:14

Nyamuhanga mwababirikira busana nʼekĩ omugulu twabakangĩrĩraya Engulu Yowene, imwatoka eribana olukengerwa lwʼOmukama wetu Yesu Kristo.

2 AbanyaTesalonika 2:17

asĩbĩkaye emitima yenyũ, nʼerĩbasĩkya omo buli mwatsi mubuya mukakola kutse mũkabũga.

2 AbanyaTesalonika 3:3

Nĩkwa Omukama sialiregula, kandi asyabasĩkya nʼerĩbateya oko Mubi Oyo.

1 Timoteo 6:12

Uyitsinge omo malwa owene wʼerĩkĩrĩrya, kandi uhambe ndeke engebe yʼerikota eyo Nyamuhanga akubirikirira. Kandi mowakangya ndeke erĩkĩrĩrya lyawe embere syʼabalangĩrĩ bangi.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

2 Timoteo 2:10

Kandi busana nʼomwatsi oyũ, ngayĩyĩnaya omo byosĩ busana nʼabandu abayisogawa na Nyamuhanga, nabo batoke eribana erilama lya Kristo Yesu, haguma nʼolukengerwa lwʼerikota.

AbaEbrania 9:15

Busana nʼomwatsi oyũ, Yesu nĩ mũsanganĩa wʼendagane nyihya-nyihya. Kusangwa oluholo lwʼomundu lwabĩrĩtongolya abandu abahalaya omo ndagane yʼerĩmbere. Neryo lino ababiribirikirwa na Nyamuhanga bakatoka eribana omũyĩsa Wʼerikota ogo Nyamuhanga alaga.

1 Petero 1:15

Nĩkwa mubye babũyĩrĩre omo migendere yenyũ, nga Nyamuhanga oyo wababirikira abũyĩrĩre.

1 Petero 4:10

Obuli mundu abirihabwa olũsũnzo lwʼomũsĩndo olũkalũa uku Nyamuhanga. Mukolerane omo lũsũnzo olo, ngʼabateya bʼolũsũnzo mĩsĩndomĩsĩndo Nyamuhanga akatuha.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

2 Petero 1:3

Obũtokĩ bwa Nyamuhanga bwabirituha emyatsi yosĩ eyitutolere, busana nʼeribyaho omo ngebe ya Nyamuhanga, nʼerikenga Nyamuhanga. Abirituha emyatsi eyĩ kusangwa twabiriminya kwenene oyo watubirikira erisangira olukengerwa luwe nʼobubuya buwe.

1 Yoane 2:25

Kandi erilaga eryo Kristo abirituha lyerĩ, ye ngebe yʼerikota.

Yuda 1:24

Neryo ukwʼoyukatoka erĩbateya okwʼitoga, kandi akatoka eribaleta omo lukengerwa lwʼembere siwe omo butseme bunene, isimuwite ekyʼerĩhandĩkĩrĩrĩbwa.