1 Petero 5:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo, ngalemba-lemba abakulu omo katĩkatĩ kenyũ nga mũlĩkyenyũ mukulu. Kandi indi mũlangĩrĩ wʼamagalĩ wa Kristo. Neryo nasyasangira olukengerwa olũkandĩsyabĩsũlwa.

Nouveau Testament et Psaumes en Ndandi Version 1962

¹ Neryo ngahana abakulu omukati-kati kenyu, ingye mukulu mulikenyu, nomulangiri owamagali wa Kristo, kandi ngo musangiri wolukengerwa olukandisyabisulwa.

1 Petero 5:1 Iomraidhean Croise

Luka 24:48

Ĩnywe muli abalangĩrĩ bʼemyatsi eyĩ.

Emibiri 1:8

Nĩkwa mwasyabana obũtokĩ omugu­lu Omũlĩmũ Abũyĩrĩre asyabahĩkako. Kandi mwasyabya batũlĩ bʼomwatsi wage eYerũsalema nʼomo Yũdea yosĩ, nʼeSamarĩa, nʼerĩhĩka oko ndũlĩ-ndũlĩ syʼekihugo.

Emibiri 11:30

Neryo mobakola batya, mobatuma esyofranka oko bakulu bʼekanĩsa omo byala bya Barnaba na Saũlo.

Emibiri 14:23

Kandi mobahĩra abakulu busana nabo omo buli kanĩsa, babere babisaba nʼeritsira akalyo. Kandi mobahĩrabo omo byala byʼomukama oyo bĩkĩrĩraya.

Emibiri 15:4

Neryo babere bahĩka eYerũsalema mobakokĩbwa nʼekanĩsa nʼabakwenda nʼabakulu, kandi mobakanĩryabo ebyosĩ ebyo Nyamuhanga abirikola haguma nabo.

Emibiri 15:6

Neryo abakwenda nʼabakulu mobahĩndana erĩkanĩa omwatsi oyũ.

Emibiri 2:32

Nyamuhanga abĩrĩlũbũkya Yesu oyo oko baholĩ, netu ĩtwe bosĩ tuli balangĩrĩ bʼomwatsi oyo.

Emibiri 20:17

Neryo Paũlo mwabirikira abakulu bʼekanĩsa yʼeEfeso ati bamwegaye.

Emibiri 20:28

Mũyĩtegaye ĩnywebene, kandi mũtegaye ekĩhyo kyosĩ, ekyo Mũlĩmũ Abũyĩrĩre abiribayira eribya balangĩrĩ. Mubye balĩsya bʼekanĩsa ya Nyamuhanga eyo agula omo musasi wuwe ĩyowene-wene.

Emibiri 21:18

Kandi engyakya Paũlo mwagenda haguma netu ewa Yakobo, nʼabakulu bosĩ bʼekanĩsa ibanemo.

Emibiri 3:15

Kandi momwĩta Omwenye engebe, oyo Nyamuhanga alũbũkaya oko baholĩ. Netu tuli balangĩrĩ bʼebyo.

2 AbanyaKorinto 5:1

Kusangwa tũnasĩ ehema eyo tulimo, muna-kihugo yamabĩhĩmbũlwa, neryo tukandisyabya nʼenyũmba eyĩkalũa uku Nyamuhanga, eyĩtahĩmbawa omo byala, eyikandisyakota elubula.

2 AbanyaKorinto 5:8

Neryo tukahanda omutima, ĩtũnanzĩre erĩlũa omo mubiri oyũ, nʼeribya ewʼOmukama.

AbanyaFilipi 1:19

kusangwa nyĩnasĩ nasyaboholwa busana nʼerisaba lyenyũ na busana nʼerĩwatĩkya erĩkalũa oko Mũlĩmũ wa Yesu Kristo.

1 Timoteo 5:1

Suhayire omundu mukulu, nĩkwa umulemba-lembe nga tata wawe. Uhane abalwana nga ni bagala benyũ.

1 Timoteo 5:19

Sũlĩge eritsongera busana nʼomukulu ahate abalangĩrĩ babiri kutse basatu.

2 Timoteo 4:8

Kandi nabiribikirwa embĩta yʼeritunganene eyo Mukama, Omũtswerĩ oyutunganene, asyamba oko Kiro ekyo. Kandi si busana nage ĩngyowene, nĩkwa asyahayo oko bosĩ abanzĩre eributuka liwe.

Tito 1:5

Monakũsĩga eKrete busana nʼerĩtegekanĩa emyatsi eyasĩgalira, kandi busana nʼerĩhĩra abakulu bʼekanisa omo buli mũyĩ, ngoko nakuhana.

Filemono 1:9

nĩkwa busana nʼolwanzo, ngakũbũlaya, ĩngye Paũlo mũsyakulu, kandi lino indi mundu wʼomũlĩkĩ busana na Kristo Yesu.

AbaEbrania 12:1

Nĩkwa ĩtwe, kusangwa tũtĩmbĩrweko nʼendeko nene yʼabalangĩrĩ, tũyĩlũsaye kwʼebyosĩ ebĩkatũkakĩraya, nʼebibi ebikatuhamba, tutibite nʼerĩyĩyĩnĩa omo matangwa awali embere syetu.

1 Petero 1:12

Nyamuhanga mwabĩsũlĩra abamĩnyererĩ aba ngoko mũbĩrĩ wabo siabya busana nabo ĩbobene, nĩkwa busana nenyũ, omugulu babũga emyatsi eyo mwabĩrĩowa. Kandi abakwenda bʼEngulu Yowene, ababũga omo maka wʼOmũlĩmũ Abũyĩrĩre owatumawa erĩlũa elubula, mobababwira ebyʼekwenene ebĩ. Kandi emyatsi eyĩ abamalaĩka banzĩre eriminyayo.

1 Petero 1:7

Neryo erirengwako eryo lĩkamĩnyĩsaya erĩkĩrĩrya lyenyũ. Esyamagetsi sikanahera, nasyo sikalengawako omo muliro. Neryo erĩkĩrĩrya lyenyũ eriwite enzwere nene kwilaba esyamagetsi, litolere iryalengwako. Neryo mwasyabana eripipa nʼolukengerwa, nʼerĩsĩkĩbwa oko kiro ekyo Yesu Kristo asyabĩsũlwa.

1 Petero 4:13

Nĩkwa mutseme kusangwa mukasangira amalĩge wa Kristo. Neryo omugulu olukengerwa luwe lwasyabĩsũlwa, imwatoka eritsema nʼeritsanga.

1 Petero 5:4

Neryo mugulu Omũlĩsya mukulu asyamĩnyĩkalĩbwa, mwasyabana embĩta yʼolukengerwa olutekula.

1 Yoane 3:2

Abanze betu, lino tuli bana ba Nyamuhanga, nĩkwa sikyetaminyikala ngoko twasyabya. Nĩkwa tũnasĩ ekiro Kristo asyabutuka, twasyamusosa, kusangwa twasyamulolako ngoko ali.

2 Yoane 1:1

Ĩngye mukulu ngakusakira, uwe mugole mwanze nʼabana bawe, abo nyanzĩre kwenene. Butsira ĩngyowene, nĩkwa abosĩ abasĩ ekwenene, babanziĩre.

3 Yoane 1:1

Ĩngye mukulu ngakusakira uwe Gayo mwanze, oyo nyanzĩre kwenene.

Eribisurirwa 1:9

Ĩngye indi Yoane, omũlĩkyenyũ, kandi indi mũsangĩrĩ wenyũ omo malĩge, nʼomo bwami, nʼerĩyĩyĩnĩa, ebikawatana na Yesu, nabya omo kitsira ekikahulawa mo Patemo. Nabyaho kusangwa nakangaya ekĩnywa kya Nyamuhanga, ĩnĩngatũla omwatsi wa Yesu.