1 Petero 4:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Endũlĩ yʼemyatsi yosĩ iri hakũhĩ. Neryo mubye nʼobũlengekanĩa bwʼamenge, nʼobwʼerĩyĩteya, imwatoka erisaba.

Nouveau Testament et Psaumes en Ndandi Version 1962

⁷ Enduli yemyatsi yosi iri hakuhi; neryo mubye noburingi kania bwamenge neriyiteya busana nerisaba.

1 Petero 4:7 Iomraidhean Croise

Enzũko 19:35

Neryo mobakũndĩsya tata wabo yʼomo bĩnyũ oko kiro ekyo. Omulere mwahangana, mwayagotsera naye, nʼĩse wuwe mwataminya omugulu agotsera kutse omugulu ahangana.

Enzũko 6:13

Neryo Nyamuhanga mwabũga na Noa ati, Namayisoha eribuga abandu bosĩ; kusangwa ekihugo kyabĩrĩũsũla nʼomwaga busana nabo. Lebaya, ngandĩsyaheryabo haguma nʼekihugo.

Omũgambũlĩ 7:2

Eriya omo nyũmba yʼeririra lyowene kwilaba eriya omo nyũmba yʼerirya ĩnene, kusangwa oluholo nĩ ndũlĩ yʼabandu bosĩ, nʼoyuliho angibukago omo mutima wuwe.

Yeremĩa 5:31

Abamĩnyererĩ bakaminyerera omo mabehĩ, nʼabahererĩ bakatabala omo hamũlĩ yabo, nʼabandu bage bakanza batya! Nenyũ mwasyakolakĩ omugulu endũlĩ yasyahĩka kwehĩ?

Ezekĩelĩ 7:6

Endũlĩ ĩkahĩka, endũlĩ yabĩrĩhĩka! Yabirikubukako. Lebaya, yabĩrĩhĩka!

Matayo 24:42

Neryo mũtegaye! Kusangwa sĩmwasĩ ekiro kyahi Omukama wenyũ asyasa.

Matayo 25:13

Neryo Yesu mwabũga ati, Neryo mũtegaye, kusangwa sĩmwasĩ ekiro kutse endambĩ.

Luka 21:34

Mũyĩtegaye, emitima yenyũ sĩyĩrĩtoherawe nʼeritamira, nʼerĩkũnda, nʼamalengekanĩa wʼengebe yʼeno, neryo ekiro ekyo kĩkabahĩkako lũba-lũba!

Luka 21:36

Nĩkwa mũtegaye emigulu yosĩ, nʼerisaba, mutoke eribana akagala kʼeribala emyatsi yosĩ eyĩ eyikasonda erĩhĩka, nʼerihangana embere syʼOmugala wʼOmundu.

Luka 22:46

Neryo mwabwirabo ati, Busana nakĩ mukayato kwehĩ? Muhangane, musabe isimwingira omwʼirengwako.

AbanyaRoma 12:12

Mutseme omo maha, mũyĩyĩnaye omo malĩge, eriyitsingirira omwʼisaba,

1 AbanyaKorinto 15:24

Neryo endũlĩ ĩyahĩka; Kristo amabĩhwerekererya eritabala lyosĩ, nʼehamũlĩ yosĩ, nʼobũtokĩ bosĩ, asyaha obwami uku Nyamuhanga Tata.

1 AbanyaKorinto 7:29

Nĩkwa balĩkyetu, ngababwira nyiti, omugulu amabya muke, neryo erĩtsũka lino, abawite abakalĩ bangabya nga sibawitebo.

AbanyaEfeso 6:18

Musabe kutsibu nʼerĩbũlya Nyamuhanga erĩbawatĩkya. Kandi musabe omo migulu yosĩ ngoko Mũlĩmũ Abũyĩrĩre akabasondola. Busana nʼomwatsi oyũ, mũyĩtegaye, nʼeriyitsingirira, imunemusabira abandu bosĩ ba Nyamuhanga.

AbanyaFilipi 4:5

Mũmĩnyĩkalaye eriyibombeka lyenyũ oko bandu bosĩ, Omukama ali hakũhĩ!

AbanyaKolosai 4:2

Mũyĩhĩre okwʼisaba, nʼerĩteya mulyo, imunemuha ewasĩngya oko Mukama.

2 Timoteo 4:5

Nĩkwa uwe Ũyĩtegaye omo myatsi yosĩ; ũyĩyĩnaye omwʼiagalwa, kandi Ukole omũbĩrĩ wʼerĩtũla Engulu Yowene, Ũberereraye ubugirire emĩbĩrĩ Nyamuhanga akuha.

Tito 2:12

Olukogo olo lukatutegeka luti, tugane emikolere eyitekenga Nyamuhanga, nʼesyongumbu syʼekihugo, luti, tũyĩtegaye, nʼerikwama ekitunganene, nʼerikenga Nyamuhanga omo mikolere yetu oko mugulu ono,

AbaEbrania 10:25

Situleke erĩhĩndana lyetu haguma, ngʼemibere yʼabandi bandu, nĩkwa tũsĩkanaye. Kandi tuyitsinge umwʼebyo, omugulu tukalangira ekiro kyʼomukama kĩkahĩka hakũhĩ.

AbaEbrania 9:26

Kumbe Kristo ngʼabiriagalwa ngendo nyingi erĩtsũka ekiro ekihugo kyahangikawa nʼerĩhĩka lino. Nĩkwa lino oko ndũlĩ yʼemigulu, abiriminyikala ngendo nguma eriyiha busana nʼerĩlũsya ebibi.

1 Petero 1:13

Neryo mubye nʼamalengekanĩa wʼerikola omũbĩrĩ. Mũyĩtegaye, mũhĩre amaha wenyũ ndeke oko lukogo olo Yesu Kristo asyabaletera ekiro asyabĩsũlwa.

1 Petero 3:7

Nenyũ abĩba wabo nibya, mwĩkale nʼabakalĩ benyũ omo menge, ĩmũnasĩ abakalĩ ko bali bolo. Kandi mũsĩkayebo, kusangwa basyabana haguma nenyũ olũsũnzo lwa Nyamuhanga lwʼengebe, neryo mukole mutya erisaba lyenyũ sĩrĩkakĩrĩbawe.

1 Petero 5:8

Mũlebaye, mũyĩtegaye! Kusangwa enzĩgũ yenyũ Satanĩ, ikagenda-genda ngʼendale, eyikaruruma nʼerisonda-sonda oyo yangalya.

Eribisurirwa 16:15

Mũlebaye! Ngasa ngʼomũrahĩ. Obutseme buli oko mundu oyuteyato, nʼoyũkategaya esyongimba siwe, akasyalendera ndũmbũ nʼerihemuka embere syʼabandu.