1 Petero 4:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Kusangwa oko mugulu owalaba mwabirikwama endambĩ yingaho amalengekanĩa wʼabatĩkĩrĩrye. Mwabya mukakwama erĩsĩngĩra, nʼesyongumbu, nʼerĩkũnda, nʼeritamira, nʼerĩyalũmba, nʼesyonye syʼesyosanamu.

Nouveau Testament et Psaumes en Ndandi Version 1962

³ Omugulu owabirilaba abye ungaho erikola ebye Bihanda byanzire erikola, erilendera omwi singira, nesyongumbu, nerikunda, eriya lumba, neritamira, nebyamalolo awerisaba esisumba.

1 Petero 4:3 Iomraidhean Croise

2 Samwelĩ 13:28

Kandi Abũsaloma mwahana bagombe buwe ati, Mũlebaye ndeke omugulu omutima wa Amnonĩ atsemĩre omo bĩnyũ; nʼoko mugulu nasyabũga nenyũ nyiti, mũswĩraye Amnonĩ, neryo mũmwĩte; simubahe; ĩsĩ ngye ndaliabahana kwehĩ? mũsĩke, mubye mbangĩ.

1 Abami 21:26

Ahabũ mwakola ebyʼesyonye kutsibu erikwama esyosanamu ngʼebyosĩ ebyo Abaamorĩ bakola, abo Mwami Mukulu ahiga embere syʼabana ba Ĩsraelĩ.

2 Emyatsi yʼEmigulu 15:8

Neryo omugulu Asa owa ebĩnywa ebĩ, nʼeriminyerera lyʼomũmĩnyererĩ Odedĩ, neryo mwahanda omutima mwalũsya esyosanamu syʼesyonye omo kihugo kyosĩ kya Yũda na Benyamĩna, nʼemĩyĩ eyo ahũnga omo kihugo kyʼebitwa kya Efũraĩmũ; kandi mwasũbya ekiherero kyʼOmwami Mukulu, ekyabya embere wʼekĩsekũ kyʼOmwami Mukulu.

Ĩsaya 28:7

Aba nabo bakayiwako nʼebĩnyũ, bakakũta-kũta omo bwabũ bũhĩre. Omũhererĩ nʼomũmĩnyererĩ bakayiwako busana nʼobwabũ bũkalĩre, babirimerwa nʼebĩnyũ, bakakũta-kũta nʼobwabũ bũkalĩre. Bakayiwako omo nzolĩ, bakatitimbira omwʼitswera.

Ĩsaya 5:11

Obũlĩge ukwʼabo abakatsinduka omo ngyakya-ngyakya bati bakwame obũhĩre kutsibu, abakasiba omo kiro, erĩhĩka aho ebĩnyũ bĩkatamĩrĩrayabo!

Ĩsaya 65:4

Abakĩkala omo masinda, nʼerisiba omo kiro ahabĩsamĩre. Abakalya esĩswĩ syʼengulube, nʼomuto wʼesĩswĩ syʼesyonye siri omo nyungu syabo.

Yeremĩa 16:11

Neryo wasyabũga nabo uti, Omwami Mukulu ati, Ni busana nʼabotata wenyũ erĩnyĩsĩganĩa, nʼerikwama esindi nyamuhanga, nʼerikolerasyo, nʼerĩũnamirasyo, ĩbanyĩsĩganĩa, kandi sibetakwama emigambo yage.

Yeremĩa 16:18

Ngandĩtsũka eriswaliha amalolo wabo nʼebibi byabo engendo ĩbĩrĩ, kusangwa babĩrĩtsandya ekihugo kyage omo sanamu esiri ngʼebĩnda ebitawite engebe. Kandi babĩrĩũsũlya ekihugo ekyo nahabo omo syonyamuhanga syabo syʼamabehĩ.

Ezekĩelĩ 44:6

Kandi wasyabwira abakahona, oko kihanda kya Ĩsraelĩ uti, Omukama Iye Omwami Mukulu ati, Ĩnywe kihanda kya Ĩsraelĩ, esyonye syenyũ syosĩ sibye singaho,

Ezekĩelĩ 45:9

Omukama Iye Omwami Mukulu ati, Ĩnywe abanya-mwami ba Ĩsraelĩ, bibye bingaho. Mũlũsaye omwaga nʼerĩherya, mukole erĩbanza lyʼekwenene nʼeritunganene. Muleke erĩhũnga lyenyũ omo bandu bage, Omukama Iye Omwami Mukulu atya.

Mariko 7:22

erirumwa, ebibi byosĩ, eriteba, esyongumbu nyibi, erĩso libi, eritsuma, emiyiheko, obũkĩrũ.

Emibiri 17:30

Nyamuhanga abĩrĩkĩrũkya ameso oko migulu eyo bandu bataminya, nĩkwa lino akahana bandu bosĩ, ehosĩ, bangabindula emitima yabo erireka ebibi.

AbanyaRoma 13:13

Tulendere ngoko litolere omugulu bukere, situtamire nʼerĩkũnda, situbye nʼoburagane nʼesyongumbu nyibi, situlwe, situbye nʼobũha.

1 AbanyaKorinto 12:2

Mũnasĩ ngoko mugulu mwabya mukine abʼEbihanda momwakwama esyosanamu esĩtebũga, esyabatalaya ebiro byosĩ.

1 AbanyaKorinto 6:11

Neryo abandi omo katĩkatĩ kenyũ ko mwanabya mutya; nĩkwa lino ĩnywe mwabĩrĩerĩbwa kwʼebibi, kandi mwabirihigulwa, kandi mwabiriyirwa mo batunganene busana nʼerĩna lyʼomukama Yesu Kristo, nʼomo Mũlĩmũ wa Nyamuhanga wetu.

2 AbanyaKorinto 12:21

Kandi ngubaha nyiti omugulu nasyaswahĩka, Nyamuhanga wage asyanyihemulira embere syenyũ. Neryo nasyalira busana nʼabandu bangi ababĩrĩhalya, nʼerĩsĩngĩra, nʼerikwama esyongumbu nyibi, isibetabindula emitima yabo nʼerireka ebibi ebyo.

AbanyaGalatia 5:19

Neryo erikola lyʼomubiri liminyikere ndeke, lyerĩ: erĩsĩngĩra, obũkĩne, amaragane,

AbanyaGalatia 5:21

eritsura, erĩkũnda, eritamira, nʼemyatsi yosĩ eyiri ngʼeyĩ. Ngababwira ndeke kandi nyiti, abakakola ebiri ngʼebĩ sibendisyabana omwanya omo Bwami bwa Nyamuhanga.

AbanyaEfeso 5:18

Sĩmũkũnde omo bĩnyũ, kusangwa hali eritamira, nĩkwa mũsũle mʼOmũlĩmũ Abũyĩrĩre.

1 AbanyaTesalonika 4:5

Siakole omo ngumbu nyibi ngʼEbihanda ko bikakola, ebĩtasĩ Nyamuhanga.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.

1 Petero 1:14

Mubye bana abakowa Nyamuhanga. Simusyekwama esyongumbu esyo mwabya mukakwama erĩmbere omo butaminya bwenyũ.

Yuda 1:4

Kusangwa abandi bandu, abatekenga Nyamuhanga, babiringira omo katĩkatĩ ketu mo bũbĩso-bĩso. Abandu aba bakahengemaya olukogo lwa Nyamuhanga wetu omo nzira yʼerikwama esyongumbu nyibi, ibakagana Omukama muguma wetu nʼomukulu wetu Yesu Kristo. Kera Amasako mwahula omusango wabo oyũ.