1 Petero 4:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Nĩkwa omundu amagalwa kusangwa ni Mukristo, sĩakwe esĩsonĩ, nĩkwa apipe Nyamuhanga busana nʼeribya Mukristo.

Nouveau Testament et Psaumes en Ndandi Version 1962

¹⁶ siakwe esisoni, nikwa apipe Mungu omo rina eryo.

1 Petero 4:16 Iomraidhean Croise

Ĩsaya 24:15

Neryo ĩnywe mũsĩkaye Omwami Mukulu eyo eryuba likasira, nʼerĩna lyʼOmwami Mukulu, Nyamuhanga wa Ĩsraelĩ, omo katĩkatĩ kʼebitsira byʼengetsi.

Ĩsaya 50:7

Kusangwa Omukama Nyamuhanga akanyĩwatĩkaya, busana nʼekyo sindihemuka. Busana nʼekyo nabĩrĩkalya obũsũ bwage ngʼerĩbwe lyʼomutero, nage nyĩnasĩ ko sindiendisyahemulwa.

Ĩsaya 54:4

Sigubahe kusangwa sĩwendĩsyakwa esĩsonĩ. Kutse susweke, kusangwa siwendisyahemuka. Nĩkwa wasyibirirwa esĩsonĩ syʼobwana-buto bwawe, kandi siwendisyaswibuka eritsumwa lyʼobũkwakalĩ bwawe.

Emibiri 11:26

Neryo abere amubana eyo mwamuleta eAntĩokĩa. Neryo omo mwaka muguma mobahĩndana nʼabandu bʼekanĩsa, mobakangĩrĩrya abandu bangi. Nĩkwa eAntĩokĩa yo abiga batsũkĩra eriahulwa mo Bakristo.

Emibiri 26:28

Neryo Agrĩpa mwabũga na Paũlo ati, Oko katambĩ kake kano uti wasyanyibindula eribya Mukristo!

Emibiri 28:22

Nĩkwa twanzĩre erĩowa amalengekanĩa wawe, kusangwa tũnasĩ abandu bakahula ekisomo ekĩ kyo nabi ehosĩ.

Emibiri 5:41

Neryo abakwenda mobalũa omwʼĩbũgĩro ibanemutsema bati Nyamuhanga akaganzabo ngʼabatolere erihemulwa busana nʼerĩna lya Yesu.

AbanyaFilipi 1:20

Kusangwa erisonda lyʼomutima wage, nʼamaha wage biti, sinyihemulawe omo mwatsi nʼomuguma embere sya Nyamuhanga. Nĩkwa nyikole emigulu yosĩ, na lino, omo butubaha, Kristo ahamĩbawe omo mubiri wage, kutse omwʼibyaho lyage, kutse omo luholo lwage.

AbanyaFilipi 1:29

Busana na Kristo mwabirihabwa obubuya obũ obwʼerĩmwĩkĩrĩrya, nĩkwa butsira erĩ risa, nĩkwa obubuya bwʼeriagalwa busana naye.

2 Timoteo 1:12

Busana nʼomwatsi oyũ, ngagalawa omo myatsi eyo. Nĩkwa sĩnyĩkwĩre esĩsonĩ, kusangwa nyĩnasĩ oyo nabĩrĩkĩrĩrya, kandi nyĩnasĩ ndeke kwʼakatoka erĩteya ebyo abĩrĩhĩra omo byala byage erĩhĩka oko kiro ekyo.

Yakobo 2:7

Ni bandu bʼebindu abakatsuma erĩna libuya eryo Nyamuhanga abiribahulamo.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

1 Petero 4:14

Mwamatsumwa kusangwa mukakwama Kristo, muli nʼomũyĩsa, kusangwa Omũlĩmũ wʼolukengerwa, wʼOmũlĩmũ wa Nyamuhanga ĩkere nenyũ.

1 Petero 4:19

Neryo abakagalawa busana nʼerisonda lya Nyamuhanga, bahĩre emitima yabo omo byala byʼOmũhangĩkĩ oyuteregula, babye bakakola ekitunganene.